Vizianagaram Crime : దివ్యాంగురాలైన బాలికపై యువకుడు అత్యాచారయత్నం, తోటలోకి తీసుకెళ్లి దారుణం!

Vizianagaram Crime : ప్రభుత్వాలు ఎన్ని కఠిన చట్టాలు తీసుకొచ్చినా మృగాళ్లలో మార్పు రావడం లేదు. దివ్యాంగురాలైన బాలికపై యువకుడు అత్యాచారానికి యత్నించాడు. బాలిక అరుపులతో అటుగా వెళ్తున్న మహిళలు స్పందించి అక్కడి వెళ్లడంతో యువకుడు పరారయ్యాడు. ఈ ఘటన విజయనగరం జిల్లాలో చోటుచేసుకుంది. జిల్లాలోని రాజాం మండలంలోని ఓ గ్రామంలో దారుణం చోటుచేసుకుంది. దివ్యాంగురాలైన బాలికపై అదే గ్రామానికి చెందిన సామంతుల హరి అనే యువకుడు అత్యాచారయత్నానికి పాల్పడ్డాడు. స్కూల్ నుండి వస్తుండగా ఇంటి వద్ద దిగపెడతానని మాయమాటలు చెప్పి మార్గమధ్యలో ఓ తోట లోకి తీసుకెళ్లి అఘాయిత్యానికి ప్రయత్నించాడు. బాలిక అరవడంతో అటువైపుగా వెళ్తోన్న కొంతమంది మహిళలు వెంటనే వెళ్లి బాలికను కాపాడారు. అప్పటికే యువకుడు పరారయ్యాడు. బాలిక తల్లిదండ్రులు రాజాం పోలీసులకి ఫిర్యాదు చేయడంతో కేసు నమోదు చేసి దర్యాప్తు చేపట్టారు. పరారీలో ఉన్న హరి కోసం పోలీసులు గాలిస్తున్నారు. 

దుగ్గిరాలలో మరో ఘటన 

గుంటూరు జిల్లా దుగ్గిరాల మండలంలోని తుమ్మపూడి ఘటన మరవక ముందే మరో దారుణం చోటుచేసుకుంది. శృంగారపురం గ్రామంలో ఓ మహిళపై కొందరు అత్యాచారయత్నం చేశారు. ఇతర ప్రాంతాల నుంచి కూలీ పనుల కోసం వచ్చిన మహిళ ఆలయంలో నిద్రపోతున్న సమయంలో కొందరు యువకులు అత్యాచారయత్నం చేశారు. నిద్రపోతున్న మహిళను దగ్గర్లోని తోటలోకి లాక్కెళ్లి అత్యాచారానికి ప్రయత్నించగా ఆమె గట్టిగా కేకలు వేసింది. దీంతో భయపడిన యువకులు అక్కడి నుంచి పరారయ్యారు. యువతి కుటుంబసభ్యుల ఫిర్యాదుతో పోలీసులు కేసు నమోదు చేసి పోలీసులు యువకులను అరెస్ట్ చేశారు.

హనుమకొండలో దారుణం! 

హనుమకొండ జిల్లా కమలాపూర్‌లో దారుణ ఘటన చోటుచేసుకుంది. ఓ గ్రామంలో మైనర్‌ బాలికపై యువకులు అత్యాచారం చేసినట్లు తెలుస్తోంది. ఎనిమిదో తరగతి చదువుతున్న బాలికపై లైంగిక దాడి చేసినట్లు తెలుస్తోంది. పాఠశాల ఆవరణలోనే ఈ ఘోరం జరిగింది. ఈ ఘటనపై పోలీసులు దర్యాప్తు చేపట్టారు. ఈ కేసులో నలుగురు యువకులను అదుపులోకి తీసుకుని ప్రశ్నిస్తున్నారు. ఈ ఘటనకు సంబంధించిన పూర్తి వివరాలు ఇంకా తెలియాల్సి ఉంది. 

Also Read : Konaseema News : ప్రేమించి మోసం చేసిన వ్యక్తిపై యువతి న్యాయపోరాటం, డీఎన్ఏ టెస్ట్ సస్పెన్స్!