UP Bus Accident: యూపీలో ఘోర బస్సు ప్రమాదం.. మంటలు చెలరేగి 9 మంది సజీవ దహనం

UP Bus Accident: యూపీలో ఘోర బస్సు ప్రమాదం జరిగింది. యమునా ఎక్స్ ప్రెస్ వే పై స్లీపర్ బస్సులో మంటలు చెలరేగాయి. ఈ ప్రమాదంలో 9 మంది మరణించారు.

యూపీలో ఘోర బస్సు ప్రమాదం.. మంటలు చెలరేగి 9 మంది సజీవ దహనం

Source : twitter

Show Quick Read

Key points generated by AI, verified by newsroom

• ముఖ్యమంత్రి యోగి మృతులకు పరిహారం ప్రకటించి, చికిత్సకు ఆదేశించారు.

UP Bus Accident: ఉత్తర్‌ప్రదేశ్‌లో ఘోర రోడ్డు ప్రమాదం జరిగింది. గ్రేటర్‌ నోయిడాలోని యమునా ఎక్స్‌ప్రెస్‌ వేపై స్లీపర్ బస్సుకు మంటలు చెలరేగాయి. ఈ ప్రమాదంలో 9 మంది ప్రాణాలు కోల్పోయారు. పలువురు తీవ్రంగా గాయపడ్డారు. గురువారం తెల్లవారుజామున ఈ ఘోర ఘటన చోటుచేసుకుంది. ఉత్తర్ ప్రదేశ్‌లోని గ్రేటర్ నోయిడాలో యమునా ఎక్స్‌ప్రెస్‌ వే పై ఒక స్లీపర్ టూరిస్ట్ బస్సులో మంటలు చేరాయి. ఒక మహిళతో సహా 9 మంది సజీవ దహనం కాగా, పలువురు గాయపడ్డారు. బస్సులో 35 మంది ప్రయాణికులు ప్రయాణిస్తుండగా అకస్మాత్తుగా మంటలు చెలరేగినట్లు సమాచారం. 

షార్ట్ సర్క్యూట్ కారణంగా

పోలీసు అధికారుల ప్రకారం.. బస్సులోని ఎయిర్ కండిషనింగ్ లో పేలుడు సంభవించి ఇంజిన్‌లోని లూబ్రికేటింగ్ ఆయిల్ మండి, మంటలు వేగంగా వ్యాపించాయని ప్రాథమిక విచారణలో నిర్థారించారు. అగ్నిప్రమాదానికి కచ్చితమైన కారణం ఇంకా నిర్ధారించబడలేదని పోలీసులు తెలిపారు. అయితే, ప్రాథమిక నివేదికల ప్రకారం షార్ట్ సర్క్యూట్ కారణంగా ఈ మంటలు చెలరేగి ఉండొచ్చని తెలుస్తోంది. నోయిడా నుండి ఉత్తర్ ప్రదేశ్‌లోని మహోబాకు యమునా ఎక్స్‌ప్రెస్‌వే మీదుగా ప్రయాణిస్తున్న బస్సులో ఈ అగ్నిప్రమాదం జరిగింది. ప్రమాద సమయంలో చాలా మంది ప్రయాణికులు నిద్రలో ఉన్నారు. బస్సు ప్రమాదం సమాచారం అందుకున్న వెంటనే, ఫైర్ ఫైటర్స్, జేవార్ పోలీస్ స్టేషన్ సిబ్బంది సంఘటనా స్థలానికి చేరుకుని సహాయక చర్యలు చేపట్టారు.

సీఎం యోగి విచారం వ్యక్తం 

సీఎం యోగి ఆదిత్యనాథ్ ఈ ప్రమాదంపై విచారం వ్యక్తం చేశారు. మృతుల కుటుంబాలకు తన సంతాపం తెలిపారు. గాయపడిన వారికి సరైన చికిత్స అందేలా చూడాలని ఆయన అధికారులను ఆదేశించారు. మృతుల కుటుంబాలకు సాధ్యమైనంత సహాయం అందించాలని ఆయన అధికారులను ఆదేశించారు. మృతుల కుటుంబాలకు ఒక్కొక్కరికి రూ. 2 లక్షలు, గాయపడిన వారికి ఒక్కొక్కరికి రూ. 50,000 చొప్పున పరిహారం ప్రకటించారు. 

"నేను నిద్రపోతున్నప్పుడు ఎవరో తలుపు బాదారు. నేను మేల్కొనేసరికి, అప్పటికే అక్కడ భారీ సంఖ్యలో జనం చేరారు. నేను నా వస్తువులేవీ తీసుకోలేదు; కనీసం బూట్లు కూడా వేసుకోలేదు. నా ఫోన్ పట్టుకుని బయటకు వచ్చేశాను. చివరికి ఎవరో నన్ను బయటకు లాగారు. ఆ తర్వాత ఏం జరిగిందో నాకు గుర్తులేదు. అంతా పొగతో నిండిపోయింది, బయటకు రావడం చాలా కష్టమైంది" అని ఒక ప్రయాణికుడు తెలిపారు. 

పోలీసులు, అగ్నిమాపక సిబ్బంది ప్రస్తుతం ఘటనా స్థలంలో సహాయక చర్యలు కొనసాగుతున్నాయి.

మరిన్ని చదవండి

శ్రీశైలం వెళ్తున్న బస్సులో అగ్నిప్రమాదం కర్మాన్ ఘాట్ సమీపంలో ఘటన