రాంనగర్ చౌరస్తాలో 'శ్రీ గణపతి ఫ్రెండ్స్ అసోసియేషన్' ఆధ్వర్యంలో ఈ గణేష్ ఆగమన్ వేడుకలు నిర్వహించబడ్డాయి.
Hyderabad Tragedy: రాంనగర్లో గణేష్ ఆగమన్ లో తొక్కిసలాట ! బద్రీనాథ్ అనే యువకుడి మృతితో విషాదం
Ramnagar Ganesh Aagaman Celebrations | హైదరాబాద్లోని రాంనగర్లో గణేష్ విగ్రహాన్ని తీసుకెళ్లడానికి భారీ డీజే, సెట్టింగ్ ఏర్పాటు చేయగా.. ఇందులో పాల్గొన్న యువకుడు మృతిచెందడంతో విషాదం నెలకొంది.

- ఆసుపత్రిలో పరీక్షించిన వైద్యులు గుండెపోటుతో మృతిని ధృవీకరించారు.
Tragedy in Hyderabad Ramnagar Ganesh Aagaman Celebrations | హైదరాబాద్: రామ్నగర్ గణేష్ ఆగమన్ వేడుకల్లో భారీగా బాణసంచా కాలుస్తూ, డీజే హోరు మధ్య జరిగిన తొక్కిసలాటలో బద్రీనాథ్ అనే యువకుడు దుర్మరణం చెందాడు. ఈ ఘటనలో పలువురికి తీవ్ర గాయాలయ్యాయి.
హైదరాబాద్ లోని వారసిగూడ పోలీస్ స్టేషన్ పరిధిలో శనివారం రాత్రి జరిగిన గణేష్ ఆగామన్ (ఆగమన) ఊరేగింపులో విషాదం చోటుచేసుకుంది. రాంనగర్ చౌరస్తాలో 'శ్రీ గణపతి ఫ్రెండ్స్ అసోసియేషన్' ఆధ్వర్యంలో భారీ వినాయక విగ్రహాన్ని మండపానికి తరలించేందుకు భారీ సెట్టింగ్లు, డీజే శబ్దాలు, సాంస్కృతిక నృత్యాలతో కోలాహలంగా వేడుకలు నిర్వహించారు. ఈ ఉత్సవాల్లో పాల్గొని ఉత్సాహంగా డ్యాన్స్ చేస్తున్న 18 సంవత్సరాల ఒక యువకుడు ఒక్కసారిగా స్పృహతప్పి కిందపడిపోయాడు. మిగతా భక్తులు అతడ్ని గమనించక తొక్కుకుంటూ వెళ్లినట్లు తెలుస్తోంది.

యువకుడు బద్రీనాథ్ కిందపడిపోవడం గమనించిన స్థానికులు డ్యాన్స్ చేస్తున్న వారికి విషయం తెలిపినప్పటికీ, వారు అతడిని పక్కకు పడవేసి వెళ్లిపోవడం తీవ్ర విమర్శలకు దారితీసింది. ఆ సమయంలో అక్కడే విధులు నిర్వర్తిస్తున్న ఒక ట్రాఫిక్ కానిస్టేబుల్ వెంటనే స్పందించి, అంబులెన్స్ లో ఆ యువకుడిని గాంధీ ఆసుపత్రికి తరలించారు. అయితే, ఆసుపత్రిలో పరీక్షించిన డాక్టర్లు యువకుడు అప్పటికే గుండెపోటుతో (Heart Attack) మృతి చెందినట్లు నిర్ధారించారు.

మృతి చెందిన యువకుడి వివరాలు ఇంకా తెలియరాలేదని వారసిగూడ పోలీసులు తెలిపారు. మృతదేహాన్ని గాంధీ ఆసుపత్రి మార్చురీకి తరలించిన పోలీసులు, మృతుడి గుర్తింపు కోసం విచారణ వేగవంతం చేశారు. ఈ ఘటనతో రామ్నగర్లో స్థానికంగా తీవ్ర విషాద ఛాయలు అలుముకున్నాయి.
Also Read: తల్లి మందిలిస్తే తండ్రి నవ్వాడట - గొంతు కోసి చంపేసిన కొడుకు - సైకో అంటే వీడే !
గణేష్ విగ్రహం తీసుకురావడానికి ఇంత హంగామా, ఆర్బాటాలు, డీజేలు అవసరమా.. ప్రశాంతంగా తీసుకెళ్లవచ్చు కదా అని నెటిజన్లు కామెంట్ చేస్తున్నారు. పైగా ఓ యువకుడు కింద పడిపోయాడని చెప్పినా వినిపించుకోకుండా వెళ్లిపోవడంతో ఓ నిండు ప్రాణం బలైందని మండిపడుతున్నారు. ముఖ్యంగా యువత జాగ్రత్తగా ఉండాలని, లేకపోతే వారి కుటుంబాలకు తీరని ఆవేదన మిగిల్చిన వారవుతారని అధికారులు సూచిస్తున్నారు.
Frequently Asked Questions
ఈ వేడుకలను ఎవరు నిర్వహించారు?
ట్రెండింగ్ వార్తలు






















