Hyderabad News: మద్యం మత్తులో చోరీకి యత్నించాడు - పారిపోతూ ఫ్లైఓవర్ పైనుంచి దూకాడు, భాగ్యనగరంలో ఘటన

Crime News: ఓ దొంగకు వింత అనుభవం ఎదురైంది. ఫ్లైఓవర్ వంతెన వద్ద చోరీ చేస్తుండగా స్థానికులు గుర్తించి కేకలు వేశారు. దీంతో పట్టుకుంటారని భయపడి వంతెన పైనుంచి పడి తీవ్ర గాయాలపాలయ్యాడు.

ఫ్లైఓవర్ పైనుంచి కింద పడ్డ దొంగ

Source : Twitter (X)

Thief Jumped From The Top Of The Flyover: హైదరాబాద్ అంబర్‌పేట్‌లో (Amberpet) ఓ దొంగ తనను పట్టుకుంటారని భయపడి ఫ్లైఓవర్ పైనుంచి కిందకు దూకాడు. మద్యం మత్తులో ఉన్న దొంగ నిర్మాణంలో ఉన్న పైవంతెన వద్ద సామాగ్రి చోరీ చేశాడు. దీన్ని చూసిన స్థానికులు కేకలు వేయడంతో తనను పట్టుకుంటారనే భయంతో ఒక్కసారిగా కిందకు దూకేశాడు. దీంతో అతనికి తీవ్ర గాయాలు కాగా.. స్థానికుల సమాచారంతో అక్కడికి చేరుకున్న పోలీసులు దొంగను ఆస్పత్రికి తరలించారు. చోరీకి యత్నించిన వ్యక్తి ఫలక్‌నుమాకు చెందిన రాములుగా గుర్తించారు.