Nalgonda News: నల్గొండ జిల్లాలో దారుణం - కన్నతల్లి గొంతు కోసి చంపేసిన తనయుడు, ఆపై తానూ ఆత్మహత్య

Crime News: నల్గొండ జిల్లాలో దారుణం జరిగింది. మానసిక స్థితి సరిగ్గా లేని ఓ వ్యక్తి కన్నతల్లి గొంతు కోసి చంపేశాడు. అనంతరం తానూ గొంతు కోసుకుని బలవన్మరణానికి పాల్పడ్డాడు. పోలీసులు కేసు నమోదు చేశారు.

తల్లి గొంతు కోసి చంపేసిన తనయుడు

Source : Twitter (X)

Son Brutally Murdered His Mother In Nalgonda: నవ మాసాలు మోసి కని పెంచిన తల్లినే ఓ దుర్మార్గుడు దారుణంగా హతమార్చాడు. మాతృమూర్తిని గొంతు కోసి చంపేసి అనంతరం తానూ ఆత్మహత్య చేసుకున్నాడు. ఈ దారుణ ఘటన నల్గొండ జిల్లాలో (Nalgonda District) చోటు చేసుకుంది. పోలీసులు, స్థానికులు తెలిపిన వివరాల ప్రకారం.. నిడమనూరు (Nidamanuru) మండలం కేంద్రంలో ఉండే రావిరాల సాయమ్మకు (65) కొడుకు రావిరాల శివ (36) ఉన్నాడు. శివ తన తల్లి సాయమ్మతో కలిసి ఉంటున్నాడు. ఏడాది క్రితమే శివకు వివాహం జరగ్గా.. ఇటీవలే అతని భార్య విడాకులు తీసుకుంది. ఈ క్రమంలోనే తల్లీకొడుకుల మధ్య ఇటీవల గొడవలు జరుగుతున్నాయి. శనివారం ఇద్దరి మధ్య తీవ్ర వాగ్వాదం జరగ్గా తల్లి సాయమ్మను కొడుకు శివ కత్తితో గొంతు కోసి చంపేశాడు. అనంతరం తానూ గొంతు కోసుకుని ఆత్మహత్యకు పాల్పడ్డాడు. 

సమాచారం అందుకున్న పోలీసులు ఘటనా స్థలానికి చేరుకుని మృతదేహాలను పోస్టుమార్టం నిమిత్తం ఆస్పత్రికి తరలించారు. అయితే, శివ మానసిక స్థితి సరిగ్గా లేదని అతని బంధువులు తెలిపారు. ఈ ఘటన స్థానికులు తీవ్ర భయాందోళనకు గురయ్యారు. తల్లీ కొడుకు మృతితో తీవ్ర విషాదం అలుముకుంది. పోలీసులు ఈ ఘటనపై కేసు నమోదు చేసి దర్యాప్తు చేస్తున్నారు.