Crime News: ఒకే రోజు 2 ఘోర ప్రమాదాలు - 12 మంది దుర్మరణం, యూపీలో తీవ్ర విషాదం

UP News: యూపీలో ఒకే రోజు వేర్వేరు ప్రమాదాల్లో 12 మంది ప్రాణాలు కోల్పోయారు. ఆగ్రా - లక్నో ఎక్స్‌ప్రెస్ వేపై డబుల్ డెక్కర్ బస్సు అదుపు తప్పి ట్యాంకర్‌ను ఢీకొనగా ఆరుగురు మృతి చెందారు.

యూపీ ప్రమాదాల్లో 12 మంది మృతి

Source : ANI

Double Decker Bus Collided With A Water Tanker In UP: ఉత్తరప్రదేశ్‌లో (Uttarapradesh) ఒకే రోజు 2 ఘోర ప్రమాదాలు తీవ్ర విషాదాన్ని నింపాయి. వేర్వేరు చోట్ల జరిగిన ఘటనల్లో 12 మంది ప్రాణాలు కోల్పోగా.. పలువురు తీవ్రంగా గాయపడ్డారు. స్థానికులు, పోలీసులు తెలిపిన వివరాల ప్రకారం.. యూపీలోని కన్నౌజ్ జిల్లాలో శుక్రవారం మధ్యాహ్నం ఆగ్రా - లక్నో ఎక్స్‌ప్రెస్ వేపై ప్రయాణికులతో వెళ్తున్న ఓ డబుల్ డెక్కర్ బస్సు అదుపు తప్పి ట్యాంకర్‌ను ఢీకొట్టింది. ఈ ఘటనలో ఆరుగురు అక్కడికక్కడే మృతి చెందగా.. 14 మందికి తీవ్ర గాయాలయ్యాయి. ప్రమాదంపై సమాచారం అందుకున్న పోలీసులు అక్కడికి చేరుకుని స్థానికుల సాయంతో క్షతగాత్రులను ఆస్పత్రికి తరలించారు. మృతదేహాలను పోస్టుమార్టం నిమిత్తం ఆస్పత్రికి తరలించారు.

#WATCH | Kannauj, Uttar Pradesh: Six people died and 14 were injured after a double-decker bus collided with a water tanker on the Lucknow-Agra Expressway. pic.twitter.com/DN05CRcWjc

— ANI (@ANI) December 6, 2024

మరో ఘటనలో ఆరుగురు..

అటు, మరో ఘటనలోనూ ఆరుగురు ప్రాణాలు కోల్పోయారు. శుక్రవారం తెల్లవారుజామున ఝాన్సీ - మీర్జాపూర్ హైవేపై వేగంగా వెళ్తున్న కారు అదుపు తప్పి ఎదురుగా వస్తోన్న లారీని ఢీకొట్టింది. ఈ ప్రమాదంలో ఆరుగురు స్పాట్‌లోనే మృతి చెందారు. మరో ఐదుగురు తీవ్రంగా గాయపడ్డారు. పోలీసులు అక్కడికి చేరుకుని క్షతగాత్రులను ఆస్పత్రికి తరలించారు. మృతదేహాలను పోస్టుమార్టం నిమిత్తం ఆస్పత్రికి తరలించారు. దీనిపై కేసు నమోదు చేసి దర్యాప్తు చేస్తున్నారు.