Shamshabad News : బంగారం వీపు వెనుక అతికించుకుని అక్రమ రవాణా, శంషాబాద్ ఎయిర్ పోర్టులో మహిళ అరెస్టు!

Shamshabad News : శంషాబాద్ విమానాశ్రయంలో బంగారాన్ని పేస్ట్ రూపంలో మార్చి అక్రమంగా తరలిస్తుండగా కస్టమ్స్ అధికారులు పట్టుకున్నారు.

శంషాబాద్ ఎయిర్ పోర్టులో బంగారం పట్టివేత

Shamshabad News : శంషాబాద్ విమానాశ్రయంలో అక్రమంగా తరలిస్తున్న బంగారాన్ని కస్టమ్స్ అధికారులు పట్టుకున్నారు.  దుబాయ్ నుంచి హైదరాబాద్ వచ్చిన మహిళా ప్రయాణికురాలి దగ్గర 268.4 గ్రాముల బంగారాన్ని సీజ్ చేశారు. ఈ బంగారం విలువ రూ.13 లక్షలు 73 వేలు ఉంటుందని కస్టమ్స్ అధికారులు తెలిపారు. కేసు నమోదు చేసి మహిళ ను అరెస్ట్ చేశామని అధికారులు వెల్లడించారు. బంగారాన్ని పేస్ట్‌ రూపంలోకి మార్చి ఓ టేపులో పెట్టి వీపు వెనుకలో అతికించుకొని అక్రమంగా తరలిస్తుండగా అధికారులు తనిఖీలు నిర్వహించి స్వాధీనం చేసుకున్నారు. 

On 18.09.2022, the Hyderabad Customs has intercepted one female pax arriving from Dubai by flight 6E 025, who tried to smuggle gold in form of paste by sticking it on her back using adhesive tape. Gold weighing total 268.400 gms valued at Rs. 13,73,403/- was seized pic.twitter.com/Yi8rga2OC2

— Hyderabad Customs (@hydcus) September 18, 2022

ఇటీవల భారీ బంగారం పట్టివేత

శంషాబాద్ విమానాశ్రయంలో ఇటీవల కస్టమ్స్ అధికారులు తనిఖీలలో విదేశాల నుంచి అక్రమంగా తరలిస్తున్న రెండున్నర కిలోల బంగారాన్ని స్వాధీనం చేసుకున్నారు. శంషాబాద్ విమానాశ్రయ అధికారులకు పక్కా సమాచారంతో వేర్వేరు ఘటనల్లో విదేశాల నుంచి తరలిస్తున్న బంగారాన్ని అధికారులు సీజ్ చేశారు. విదేశాల నుంచి వచ్చిన ఎనిమిది మంది ప్రయాణికులను అనుమానంలో అధికారులు తనిఖీ చేయగా బంగారాన్ని అక్రమంగా తరలిస్తున్నట్లు గుర్తించారు. ప్రయాణికుల నుంచి 1.89 కిలోల బంగారాన్ని స్వాధీనం చేసుకున్నామని అధికారులు తెలిపారు. మరో ఘటనలో దుబాయ్ నుంచి వచ్చిన మహిళ ప్రయాణికురాలి షూలో అక్రమంగా రవాణా చేస్తున్న 514 గ్రాముల బంగారం, అలాగే మరో ప్రయాణికుడి నుంచి 100 గ్రాముల బంగారాన్ని సీజ్ చేశారు. గోల్డ్ స్మగ్లింగ్ చేస్తున్న కేసులో 10 మందిని అదుపులోకి తీసుకున్నామని అధికారులు తెలిపారు. నిందితులపై కేసు నమోదు చేసి దర్యాప్తు చేస్తున్నారు. బంగారం తరలిస్తూ పట్టుబడిన నిందితులపై గతంలో ఏమైనా కేసులున్నాయా ? అనే కోణంలో దర్యాప్తు చేస్తున్నారు.

A female passenger arriving from Dubai in AI-952 has been intercepted by the officers of Hyderabad customs. The passenger is trying to smuggle the gold in 24 Karat Jewellery form by concealing it in a Brief case. Gold weighing 1287 grams valued at Rs. 67.56 lakhs has been seized pic.twitter.com/qGS1L56oum

— Hyderabad Customs (@hydcus) September 16, 2022