Tamilnadu Crime: రెడ్ హ్యాండెడ్గా పట్టుకున్నాడు, భార్య, ఆమె ప్రియుడు తలలు నరికాడు- పోలీస్ స్టేషన్కెళ్లి లొంగిపోయాడు !
Tamil Nadu: తమిళనాడులో ఓ వ్యక్తి భార్య, ఆమె ప్రియుడిని దారుణంగా నరికి చంపాడు. తలలు తెంపి.. తలలతో పోలీస్ స్టేషన్లో లొంగిపోయాడు.
Man beheaded his wife and her boyfriend: తమిళనాడు రాష్ట్రంలోని తిరుప్పూర్ జిల్లాలో ఓ వ్యక్తి తన భార్య, ఆమె ప్రియుడిగా అనుమానించిన వ్యక్తిని కిరాతకంగా నరికి చంపి, వారి తలలతో నేరుగా పోలీస్ స్టేషన్కు వెళ్లి లొంగిపోయాడు. ఈ ఘటన తిరుప్పూర్ జిల్లాలోని ఓ గ్రామంలో జరిగింది.
రాజేష్ అనే 35 ఏళ్ల వ్యక్తి, తన భార్య సుమతి, ఆమెతో సన్నిహితంగా ఉన్నట్లు అనుమానించిన వ్యక్తిని హత్య చేశాడు. రాజేష్, తన భార్య సుమతి సురేష్తో వివాహేతర సంబంధం కలిగి ఉందని గత కొన్ని నెలలుగా అనుమానిస్తూ వస్తున్నాడు. అనుమానం కారణంగా జరిగిన తీవ్ర వాగ్వివాదం హత్యలకు దారితీసినట్లు ప్రాథమిక విచారణలో తేలింది. వారిద్దరి ఇంటిలో ఉన్న సమయంలో చూసి.. రాజేష్ కోపంతో గొడవ పెట్టుకున్నాడు. వాగ్వాదంలో రాజేష్, కోపంతో ఒక కత్తితో సుమతి , సురేష్లను నరికి చంపాడు. ఆ తర్వాత, ఆ రెండు తలలను తీసుకుని సమీపంలోని పోలీస్ స్టేషన్కు స్కూటర్పై వెళ్లి లొంగిపోయాడు.
"నేను నా భార్య , ఆమె ప్రియుడిని చంపాను, ఇవిగో వారి తలలు" అంటూ లొంగిపోయాడు. ఈ ఘటన పోలీసులను కూడా షాక్కు గురిచేసింది. తిరుప్పూర్ జిల్లా పోలీసులు వెంటనే రాజేష్ను అదుపులోకి తీసుకుని, హత్య ఆయుధంగా ఉపయోగించిన కత్తిని స్వాధీనం చేసుకున్నారు. భారతీయ న్యాయ సంహిత (BNS) కింద సెక్షన్ 103 (హత్య) సహా ఇతర సంబంధిత సెక్షన్ల కింద కేసు నమోదు చేశారు. హత్య జరిగిన స్థలంలో ఫోరెన్సిక్ బృందం సాక్ష్యాధారాలను సేకరించింది. మృతదేహాలను పోస్టుమార్టం కోసం స్థానిక ఆసుపత్రికి తరలించారు.
"ఇది అత్యంత దారుణమైన ఘటన. రాజేష్ను విచారిస్తున్నాము, ఈ హత్యల వెనుక ఉన్న ఖచ్చితమైన కారణాలను తెలుసుకునేందుకు లోతైన విచారణ జరుపుతున్నాం," అని పోలీసులు తెలిపారు. సుమతి, సురేష్ మధ్య సంబంధం గురించిన ఆరోపణలను ధృవీకరించేందుకు కూడా పోలీసులు సాక్షులను విచారిస్తున్నారు. ఈ ఘటన స్థానిక గ్రామంలో భయాందోళనలను రేకెత్తించింది. సుమతి మరియు రాజేష్ దంపతుల మధ్య గతంలో కూడా తరచూ వివాదాలు జరిగేవని, కానీ ఇంత దారుణ స్థాయికి వెళ్తుందని ఎవరూ ఊహించలేదని స్థానికులు తెలిపారు.
టాప్ హెడ్ లైన్స్
ట్రెండింగ్ వార్తలు
