Hyderabad: బాలికను వేధించిన ఉపాధ్యాయుడు, మూడేళ్ల జైలు శిక్ష విధించిన పోక్సో కోర్టు!

Hyderabad: బాలికపై వేధింపులకు పాల్పడ్డ ఉపాధ్యాయుడికి పోక్సో కోర్టు మూడేళ్ల జైలు శిక్ష విధించింది. రూ. 20 జరిమానా కూడా విధించింది.

బాలికను వేధించిన ఉపాధ్యాయుడు, మూడేళ్ల జైలు శిక్ష విధించిన పోక్సో కోర్టు!

Hyderabad Crime News: విద్యాబుద్ధులు నేర్పాల్సిన ఉపాధ్యాయుడే కీచక పర్వానికి తెరతీశాడు. బాలికను లైంగికంగా వేధించాడు. ఫోన్లు, మెసేజ్ లు చేస్తూ వికృతంగా ప్రవర్తించాడు. చివరికి జైలు పాలయ్యాడు. హైదరాబాద్‌ లో మైనర్ బాలికను వేధించిన పాఠశాల ఉపాధ్యాయుడికి పోక్సో కోర్టు మూడేళ్ల జైలు శిక్ష విధించింది. 25 ఏళ్ల యాచారం రమేష్ అనే ఉపాధ్యాయుడు 17 ఏళ్ల బాలికను వేధిస్తున్నాడు. తనను పెళ్లి చేసుకోకుంటే చచ్చిపోతానని బాలిక ఇంటికి కూడా వెళ్లి బెదిరించాడు. దీంతో బాలిక కుటుంబ సభ్యులు రమేష్ ను హెచ్చరించి వదిలేశారు. మరోసారి అలా చేస్తే పోలీసు కేసు పెడతామని బెదిరించారు. బాలిక నుండి వచ్చిన బెదిరింపుల తర్వాత యాచారం రమేష్ మరింత రెచ్చిపోయాడు. మెసేజ్ లు, కాల్స్ చేస్తూ వేధిస్తూనే వచ్చాడు. గతంలోని కాల్ రికార్డింగ్ లను ఆమె కుటుంబసభ్యులకు పంపించాడు. దీంతో వారు రమేష్ పై మీర్ పేట పోలీసులకు ఫిర్యాదు చేశారు. 

ఉపాధ్యాయుడికి మూడేళ్ల జైలు..

ఉపాధ్యాయుడిపై లైంగిక వేధింపుల కేసు నమోదు చేసిన పోలీసులు దర్యాప్తు ప్రారంభించారు. నిందితుడు రమేష్ ను అదుపులోకి తీసుకుని ప్రశ్నించారు. విచారణ అనంతరం ఉపాధ్యాయుడైన యాచారం రమేష్ ను పోక్సో కోర్టు (Hyderabad POCSO Court) మూడేళ్ల జైలు శిక్ష విధించింది. దాంతో పాటు రమేష్ కు రూ. 20 వేలు జరిమానా విధించింది. 

పోక్సో చట్టం అంటే ఏమిటి?

వివిధ లైంగిక నేరాల నుండి 18 సంవత్సరాల కంటే తక్కువ వయస్సు ఉన్న పిల్లలను రక్షించడానికి 2012లో లైంగిక నేరాల నుండి పిల్లల రక్షణ (POCSO) చట్టం రూపొందించబడింది.

పోక్సో చట్టం ప్రకారం.. ఆడ, మగ అనే తేడా లేకుండా 18 ఏళ్ల కంటే తక్కువ వయసు ఉన్న పిల్లలపై వేధింపులకు పాల్పడితే ఈ చట్టం ప్రకారం నేరంగా పరిగణిస్తారు. 
పోక్సో చట్టం ప్రకారం నేరాలను 5 రకాలుగా వర్గీకరించారు.  

అవేంటంటే..?

1. పెనెట్రేటివ్ సెక్సువల్ అసాల్ట్
2. అగ్రిగేటివ్ పెనెట్రేటివ్ సెక్సువల్ అసాల్ట్
3. సెక్సువల్ అసాల్ట్
4. అగ్రిగేటివ్ సెక్సువల్ అసాల్ట్
5. సెక్సువల్ హరాస్మెంట్

వేధిస్తే జైలుకే..

16-18 ఏళ్ల మధ్య వయసున్న బాలికపై నేరం చేసినట్లయితే పోక్సో చట్టం ప్రకారం లైంగిక వేధింపులకు కనీస జైలు శిక్ష 10 సంవత్సరాలు. సమగ్ర లైంగిక వేధింపుల విషయంలో, చట్టం ప్రకారం కనీస 20 సంవత్సరాల పాటు జైలు శిక్ష విధిస్తారు. ఈ చట్టం ప్రకారం, పిల్లలపై లైంగిక వేధింపులకు పాల్పడే వ్యక్తికి మూడేళ్లకు తక్కువ కాకుండా జైలు శిక్ష విధించబడుతుంది. అయితే సమగ్ర లైంగిక వేధింపులకు పాల్పడిన నిందితుడికి కనీస శిక్ష ఐదు సంవత్సరాలు. లైంగిక వేధింపుల విషయంలో, నిందితుడిని మూడు సంవత్సరాల వరకు పొడిగించే జైలుకు పంపుతారు. పిల్లలను అశ్లీల ప్రయోజనాల కోసం ఉపయోగించుకునే నిందితులకు కూడా చట్టంలోని సెక్షన్లు వర్తిస్తాయి.