Stock Market Update: నిలదొక్కుకుంటాయా? 60,600 పైన సెన్సెక్స్‌, 18,055 మీద నిఫ్టీ

బెంచ్‌మార్క్‌ సూచీలు నేడు గరిష్ఠ స్థాయిల్లోనే ముగిశాయి. మదుపర్ల సంపదగా భావించే బీఎస్‌ఈ సెన్సెక్స్‌ 60,616 వద్ద ముగియగా ఎన్‌ఎస్‌ఈ నిఫ్టీ 18,055కు చేరుకుంది.

స్టాక్‌ మార్కెట్‌

భారత స్టాక్‌ మార్కెట్లు నేడు ఒడుదొడులకు లోనయ్యాయి. అయినప్పటికీ బెంచ్‌మార్క్‌ సూచీలు గరిష్ఠ స్థాయిల్లోనే ముగిశాయి. ఐటీ, పవర్‌, రియాల్టీ రంగాల షేర్లు ఇందుకు దోహదం చేశాయి. మదుపర్ల సంపదగా భావించే బీఎస్‌ఈ సెన్సెక్స్‌ 60,616 వద్ద ముగియగా ఎన్‌ఎస్‌ఈ నిఫ్టీ 18,055కు చేరుకుంది.

క్రితం రోజు 60,395 వద్ద ముగిసిన సెన్సెక్స్‌ నేడు 60,342 వద్ద మొదలైంది. అక్కడి నుంచి ఒడుదొడులకు లోనవుతూనే ఇంట్రాడే కనిష్ఠమైన 60,281ని చేరుకుంది. మళ్లీ పుంజుకొని 60,689 వద్ద ఇంట్రాడే గరిష్ఠాన్ని తాకింది. చివరికి 221 పాయింట్ల లాభంతో 60,616 వద్ద ముగిసింది.

Koo App

11.01.2022 Pre-opening sensex update

View attached media content

- BSEIndia (@bseindia) 11 Jan 2022

సోమవారం 18,003 వద్ద ముగిసిన నిఫ్టీ నేడు కాస్త తక్కువగా 17,997 వద్ద మొదలైంది. ఆద్యంతం ఒడుదొడుకులకు లోనవుతూ 17,964 వద్ద కనిష్ఠాన్ని తాకింది. అట్నుంచి 18,081 వద్ద గరిష్ఠాన్ని చేరుకున్న సూచీ 52 పాయింట్ల లాభంతో 18,055 వద్ద ముగిసింది.

ఇక నిఫ్టీ బ్యాంక్‌ 94 పాయింట్లు లాభపడింది. ఉదయం 38,370 వద్ద ఆరంభమైన సూచీ పైకి కిందకి ఊగిసలాడింది. 38,031 వద్ద ఇంట్రాడే కనిష్ఠాన్ని, 38,504 వద్ద గరిష్ఠాన్ని తాకింది. చివరికి 38,442 వద్ద ముగిసింది.

నిఫ్టీలో 25 కంపెనీలు లాభపడగా 24 నష్టాల్లో ముగిశాయి. హెచ్‌సీఎల్‌ టెక్‌, అదానీ పోర్ట్స్‌, హెచ్‌డీఎఫ్‌సీ, టెక్‌ మహీంద్రా, ఓఎన్‌జీసీ లాభపడ్డాయి. జేఎస్‌డబ్ల్యూ స్టీల్‌, టాటా స్టీల్‌, బీపీసీఎల్‌, హిందాల్కో, కోల్‌ ఇండియా నష్టపోయాయి. ఐటీ, పవర్‌ రియాల్టీ రంగాల సూచీలు ఒక శాతానికి పైగా లాభపడ్డాయి.