Credit Card Settlement Offer: క్రెడిట్ కార్డ్ బిల్లు ఓవర్‌డ్యూ ఉందా ? బ్యాంక్ సెటిల్‌మెంట్ ఆఫర్ మీకు లాభమా? నష్టమా !

Credit Card Settlement Offers | కస్టమర్లు తమ ఆర్థిక పరిస్థితిని చక్కదిద్దుకోవడానికి క్రెడిట్ కార్డులు వినియోగిస్తారు. కానీ తరచుగా బిల్లులు చెల్లించలేకపోతే అవి గడువు మీరిపోతాయి.

క్రెడిట్ కార్డ్ బిల్లు సెటిల్‌మెంట్ ఆఫర్

Source : ABPLIVE

Credit Card Settlement: ప్రస్తుతం బ్యాంకు అకౌంట్ ఉన్న ప్రతి ఇద్దరిలో ఒకరు క్రెడిట్ కార్డ్‌ను ఉపయోగిస్తున్నారు. దీని ద్వారా ప్రజలు తమ ఆర్థిక పరిస్థితిని బ్యాలెన్స్ చేసుకోవడం సులభతరం అవుతుంది. కానీ కొందరు క్రెడిట్ కార్డును అవసరానికి మించి వాడేస్తుంటారు. దీనివల్ల బిల్లులు సకాలంలో చెల్లించలేక ఇబ్బందులు ఎదురవుతాయి. బిల్లును సమయానికి చెల్లించకపోవడం వల్ల వడ్డీ పెరుగుతూ పోతుంది. కొన్నిసార్లు పెనాల్టీ భారం పెరుగుతుంది. మరోవైపు సిబిల్ స్కోరు దారుణంగా పడిపోతుంది.

క్రెడిట్ కార్డ్ బకాయిలను 6 నెలలు లేదా అంతకంటే ఎక్కువ కాలం చెల్లించనప్పుడు, బ్యాంక్ మీ ఖాతాను డిఫాల్ట్‌గా భావిస్తుంది. ఈ పరిస్థితిలో బ్యాంకులు తరచుగా కస్టమర్లకు క్రెడిట్ కార్డ్ సెటిల్‌మెంట్ ఆఫర్‌ ఇస్తాయి. ఫస్ట్ విజిట్‌లో ఇది చాలా ఉపశమనం కలిగించేలా అనిపిస్తుంది. ఎందుకంటే మొత్తం బకాయి కంటే తక్కువ డబ్బు చెల్లించి మీ ప్రాబ్లం సాల్వ్ చేసుకోవచ్చు. కానీ దీని వల్ల కొన్ని లాభాలు, నష్టాలు రెండూ ఉన్నాయి. పరిస్థితిని బట్టి వాటిని అర్థం చేసుకోవడం చాలా ముఖ్యం.

క్రెడిట్ కార్డ్ సెటిల్‌మెంట్ అంటే ఏమిటి?
ఒక క్రెడిట్ కార్డ్ వినియోగదారుడు చాలా కాలం పాటు క్రెడిట్ కార్డ్ బకాయిలు చెల్లించలేనప్పుడు, బ్యాంక్ మొత్తం మనీ వసూలు చేయడానికి బదులుగా కొంత తక్కువ మొత్తాన్ని తీసుకుని ఆ బిల్లు క్లోజ్ చేయాలని ప్రపోజ్ చేస్తుంది. దీనినే క్రెడిట్ కార్డ్ సెటిల్‌మెంట్ అంటారు. దీని కోసం బ్యాంక్ మీకు మొత్తం బకాయి మొత్తంలో 50 శాతం లేదా 40% మాత్రం జమ చేయమని ఆఫర్ ఇస్తుంది. దీని తర్వాత అకౌంట్ క్లోజ్ చేస్తారు. 

సెటిల్‌మెంట్ వల్ల కలిగే లాభనష్టాలు.. 
మీరు క్రెడిట్ కార్డును సెటిల్‌మెంట్ చేయాలని ఆలోచిస్తుంటే, అంతకంటే ముందు దీనివల్ల కలిగే లాభాలు, నష్టాలు తెలుసుకోవాలి. 

దానివల్ల కలిగే లాభాలు..

• కస్టమర్ మొత్తం మొత్తాన్ని చెల్లించాల్సిన అవసరం ఉండదు. 
• పెరుగుతున్న వడ్డీ, లేట్ ఫీజు నుండి ఉపశమనం లభిస్తుంది.
• లీగల్ నోటీసులు రావడం లేదా రికవరీ ఏజెంట్ల వేధింపులు ఉండవు. 
• ఆర్థిక సంక్షోభంలో ఉన్నవారికి ఇది తక్షణం కొంత ఊరటనిస్తుంది.

కలిగే నష్టాలివే..  

• క్రెడిట్ కార్డ్ సెటిల్‌మెంట్ వల్ల కలిగే అతిపెద్ద ప్రభావం సిబిల్ (CIBIL) స్కోర్‌పై పడుతుంది.
• బ్యాంక్ మీ అకౌంట్‌ను సెటిల్డ్ అని రిపోర్ట్ చేస్తుంది కానీ క్లోజ్డ్ (Closed) లేదా పెయిడ్ ఇన్ ఫుల్ (Paid in Full) అని మాత్రం చూపదు.
• భవిష్యత్తులో లోన్ లేదా కొత్త క్రెడిట్ కార్డ్ తీసుకోవడంలో ఇబ్బందులు ఎదురవుతాయి.
• హోమ్ లోన్, కార్ లోన్ లేదా బిజినెస్ లోన్ మంజూరు చేయడం కష్టమవుతుంది.
• చాలా బ్యాంకులు ఇటువంటి కస్టమర్లను హై-రిస్క్ కేటగిరీలో ఉంచి, ప్రతి అప్లికేషన్ జాగ్రత్తగా చెక్ చేస్తాయి. 

మీ క్రెడిట్ కార్డ్ బిల్లు కూడా ఎక్కువగా పెరిగిపోయి మీరు చెల్లించలేకపోతుంటే, సెటిల్‌మెంట్ అనేది మంచి ఆప్షన్. కానీ దీని లాభనష్టాలు తెలుసుకున్న తర్వాతే మీరు ఏదైనా నిర్ణయం తీసుకోండి. లేకపోతే ఇబ్బందుల్లో పడే అవకాశం ఉంది.

మీ దగ్గర అసలు డబ్బు లేని పక్షంలో, జైలు శిక్ష లేదా లీగల్ సమస్యల నుండి తప్పించుకోవడానికి సెటిల్‌మెంట్ ఒక చివరి మార్గంగా పనికొస్తుంది. కానీ, అవకాశం ఉంటే మాత్రం మొత్తం బకాయిని చెల్లించి ఖాతాను 'Closed' అనిపించుకోవడమే ఉత్తమం. దీనివల్ల మీ ఆర్థిక గౌరవం (Credit Score) కాపాడబడుతుంది.

మరిన్ని చదవండి

కిసాన్ క్రెడిట్ కార్డ్ స్కీమ్ అంటే ఏమిటి? ఇది ఎలా పొందాలి, దాని ద్వారా కలిగే ప్రయోజనాలు

మీ సిబిల్ స్కోర్‌ 750కు పెరగాలంటే ఈ సింపుల్ టిప్స్ పాటించండి!