2026లో వోక్స్‌వ్యాగన్‌ భారీ ప్లాన్: టైరాన్‌ SUV నుంచి గోల్ఫ్‌ GTI వరకు 5 లాంచ్‌లు
2026లో వోక్స్‌వ్యాగన్‌ ఇండియాలో 5 కొత్త కార్లను లాంచ్‌ చేయనుంది. కొత్త టైరాన్‌ 7 సీటర్‌ SUV, టైగూన్‌, వర్చుస్‌ ఫేస్‌లిఫ్ట్‌లు, గోల్ఫ్‌ GTI వివరాలు తెలుసుకోండి.
Volkswagen India 2026 launches: మన మార్కెట్‌లో, 2026 సంవత్సరం వోక్స్‌వ్యాగన్‌కు చాలా కీలకం కానుంది. SUVలు, సెడాన్లు, పెర్ఫార్మెన్స్‌ కార్లపై దృష్టి పెట్టిన ఈ జర్మన్‌ బ్రాండ్‌, ఈ ఏడాది ఇండియాలోకి మొత్తం 5 కొత్త కార్లను లాంచ్‌ చేయనున్నట్లు అధికారికంగా కన్ఫర్మ్ చేసింది. వీటిలో పూర్తిగా కొత్త మోడళ్లు, పాపులర్‌ కార్లకు ఫేస్‌లిఫ్ట్‌ వెర్షన్లు కూడా ఉన్నాయి.
Volkswagen Tayron R-Line (లాంచ్‌: మార్చి 2026)
వోక్స్‌వ్యాగన్‌ మళ్లీ ప్రీమియం 7 సీటర్‌ SUV సెగ్మెంట్‌లోకి అడుగుపెట్టనుంది. 2021లో నిలిపివేసిన Tiguan Allspace స్థానంలో Tayron R-Line రానుంది. ఈ SUVని ఛత్రపతి సంభాజీనగర్‌ (ఔరంగాబాద్‌) ప్లాంట్‌లో లోకల్‌గా అసెంబుల్‌ చేస్తున్నారు.
ఈ కారు 2.0 లీటర్‌ టర్బో పెట్రోల్‌ ఇంజిన్‌తో 204hp పవర్, 320Nm టార్క్‌ అందిస్తుంది. 7 స్పీడ్‌ DSG గేర్‌బాక్స్‌, ఆల్‌ వీల్‌ డ్రైవ్‌ సిస్టమ్‌ ప్రత్యేక ఆకర్షణ. డిజైన్‌ పరంగా ఇది Tiguan R-Line లుక్‌ను కొనసాగిస్తూనే, మూడో వరుస సీట్ల కోసం కొంచెం పొడవుగా ఉంటుంది. అంచనా ధర రూ.50 లక్షలు (ఎక్స్‌-షోరూమ్‌).
Volkswagen Tayron (లాంచ్‌: రెండో త్రైమాసికం)
R-Line తరువాత స్టాండర్డ్‌ Tayron కూడా ఇండియాకు రానుంది. ఇందులో 1.5 లీటర్‌ టర్బో పెట్రోల్‌ ఇంజిన్ (150hp, 250Nm) ఉండే అవకాశం ఉంది. ఇది R-Line కంటే కొంచెం తక్కువ ధరలో ఉండనుంది. అంచనా ధర రూ.45-48 లక్షలు (ఎక్స్‌-షోరూమ్‌).
Volkswagen Taigun Facelift (లాంచ్‌: రెండో త్రైమాసికం)
ఇండియాలో వోక్స్‌వ్యాగన్‌కు బలమైన మోడల్‌గా నిలిచిన టైగూన్‌కు ఫేస్‌లిఫ్ట్‌ వెర్షన్‌ రానుంది. బాడీ మార్పులు పెద్దగా ఉండకపోయినా, కొత్త అలాయ్‌ వీల్స్‌, ఇంటీరియర్‌ అప్‌డేట్స్‌ ఉండొచ్చు.
ఇప్పటికే ఉన్న 1.0 లీటర్‌, 1.5 లీటర్‌ టర్బో పెట్రోల్‌ ఇంజిన్లు కొనసాగుతాయి. 1.0 లీటర్‌ వేరియంట్‌కు కొత్త 8 స్పీడ్‌ ఆటోమేటిక్‌ గేర్‌బాక్స్‌ వచ్చే అవకాశం ఉంది. పానోరామిక్‌ సన్‌రూఫ్‌ కూడా జోడించవచ్చు. ధర రూ.12-19 లక్షలు (ఎక్స్‌-షోరూమ్‌) ఉండొచ్చు.
Volkswagen Virtus Facelift (లాంచ్‌: మూడో త్రైమాసికం)
విర్టస్‌ సెడాన్‌కూ ఈ ఏడాది ఫేస్‌లిఫ్ట్‌ రానుంది. కొత్త ఫ్రంట్‌, రియర్‌ డిజైన్‌, అలాయ్‌ వీల్స్‌తో పాటు, టైగూన్‌ ఫేస్‌లిఫ్ట్‌లో వచ్చే ఫీచర్లు ఇందులోనూ ఉంటాయి. కొత్తగా ADAS ఫీచర్లు జోడించే అవకాశం ఉంది.
1.5 లీటర్‌ ఇంజిన్‌తో 7 స్పీడ్‌ DSG కొనసాగుతుండగా, 1.0 లీటర్‌ వేరియంట్‌కు కొత్త 8 స్పీడ్‌ ఆటోమేటిక్‌ రావచ్చు. అంచనా ధర రూ.12-18 లక్షలు (ఎక్స్‌-షోరూమ్‌).
Volkswagen Golf GTI - రెండో బ్యాచ్‌ (లాంచ్‌: నాలుగో త్రైమాసికం)
పెర్ఫార్మెన్స్‌ కారు అభిమానులకు ఇది పెద్ద వార్త. భారీ డిమాండ్‌ నేపథ్యంలో Golf GTI రెండో బ్యాచ్‌ను వోక్స్‌వ్యాగన్‌ తీసుకురానుంది.
ఈ హాట్‌ హ్యాచ్‌బ్యాక్‌లో 2.0 లీటర్‌ టర్బో పెట్రోల్‌ ఇంజిన్ 265hp పవర్‌తో, 7 స్పీడ్‌ డ్యూయల్‌ క్లచ్‌ ఆటోమేటిక్‌ గేర్‌బాక్స్‌ ఉంటుంది. డ్రైవ్‌ ఫ్రంట్‌ వీల్స్‌కు వెళ్తుంది. అంచనా ధర రూ.53 లక్షలు (ఎక్స్‌-షోరూమ్‌).
ఓవరాల్‌గా, 2026లో వోక్స్‌వ్యాగన్‌ ఇండియాలో SUVలు, సెడాన్లు, పెర్ఫార్మెన్స్‌ కార్లతో పూర్తి దాడికి సిద్ధమైంది. కుటుంబానికి పెద్ద SUV కావాలన్నా, యూత్‌కి డ్రైవింగ్‌ ఎంజాయ్‌మెంట్‌ కావాలన్నా - ఈ లిస్ట్‌లో ప్రతి ఒక్కరికీ ఒక ఫేవరెట్‌ ఉండే అవకాశముంది.
ఇంకా ఇలాంటి ఆటోమొబైల్‌ వార్తలు & అప్‌డేట్స్‌ - "ABP దేశం" 'ఆటో' సెక్షన్‌ని ఫాలో అవ్వండి.
టాప్ హెడ్ లైన్స్
ట్రెండింగ్ వార్తలు
