TVS iQube ST కొనే ప్లాన్‌లో ఉన్నారా? బ్యాటరీ కెపాసిటీ నుంచి ఆన్‌రోడ్‌ ప్రైస్‌, అండర్‌సీట్‌ స్టోరేజ్‌ వరకు ఫుల్‌ గైడ్‌
TVS iQube ST ఎలక్ట్రిక్‌ స్కూటర్‌ కొనాలనుకుంటున్నారా? బ్యాటరీ కెపాసిటీ, రైడ్‌ రేంజ్‌, చార్జింగ్‌ టైమ్‌, హైదరాబాద్‌లో ఆన్‌రోడ్‌ ధర, ఫీచర్ల పూర్తి వివరాలు తెలుసుకోండి.
TVS iQube ST Price In Hyderabad Vijayawada: ఎలక్ట్రిక్‌ స్కూటర్‌ కొనాలని చూస్తున్నారా? ముఖ్యంగా TVS iQube ST మీదే మీ దృష్టి ఉంటే, ముందుగా కొన్ని విషయాలు క్లియర్‌గా తెలుసుకోవడం మంచిది. ఇది TVS లైనప్‌లో టాప్ వేరియంట్‌. ధర కాస్త ఎక్కువైనా, ఫీచర్లు కూడా ఆ స్థాయిలోనే ఉంటాయి.
TVS iQube ST గురించి కొనుగోలు ముందు తెలుసుకోవాల్సిన 6 ముఖ్య అంశాలు:
1) బ్యాటరీ కెపాసిటీ, పవర్‌, టాప్ స్పీడ్‌
TVS iQube STలో 5.3kWh సామర్థ్యంతో పెద్ద బ్యాటరీ ప్యాక్‌ ఉంటుంది. మోటార్‌ గరిష్టంగా 4.4kW పవర్‌ ఉత్పత్తి చేస్తుంది. టార్క్‌ 140Nm వరకు ఉంటుంది. కంపెనీ చెప్పిన గరిష్ట వేగం గంటకు 82 కి.మీ. నగర ప్రయాణాలకు ఇది సరిపడే స్థాయిలో ఉంటుంది.
2) రేంజ్‌ & చార్జింగ్‌ టైమ్‌
IDC ప్రకారం, ఈ స్కూటర్‌ పూర్తి చార్జ్‌తో 212 కిలోమీటర్ల రేంజ్‌ ఇస్తుందని కంపెనీ చెబుతోంది. రోజువారీ ఆఫీస్‌ ప్రయాణాలతో పాటు వీకెండ్‌లో చిన్నపాటి ట్రిప్‌లకు కూడా ఈ రేంజ్‌ చాలా బాగుంటుంది. 0 నుంచి 80 శాతం వరకు చార్జ్‌ కావడానికి సుమారు 4 గంటలు 18 నిమిషాలు పడుతుంది.
3) అండర్‌సీట్‌ స్టోరేజ్‌, ఫీచర్లు
ఈ స్కూటర్‌లో 32 లీటర్ల అండర్‌సీట్‌ స్టోరేజ్‌ ఉంది. రెండు హెల్మెట్లు పెట్టుకునేంత స్థలం ఉంటుంది. Eco, Power అనే రెండు రైడింగ్‌ మోడ్‌లు ఉన్నాయి. LED హెడ్‌ల్యాంప్‌, రివర్స్‌ మోడ్‌, USB ఛార్జింగ్‌ పోర్ట్‌, CBS బ్రేకింగ్‌ సిస్టమ్‌, బ్లూటూత్‌ కనెక్టివిటీతో TFT టచ్‌స్క్రీన్‌ డిస్‌ప్లే, టర్న్‌ బై టర్న్‌ నావిగేషన్‌ వంటి ఆధునిక ఫీచర్లు ఉన్నాయి.
4) బరువు, సీటు ఎత్తు
TVS iQube ST కర్బ్‌ వెయిట్‌ 132 కిలోలు. సీటు ఎత్తు 770 మిల్లీమీటర్లు. తక్కువ ఎత్తు ఉన్నవారికి కూడా సులభంగా హ్యాండిల్‌ చేయగలిగేలా డిజైన్‌ చేశారు.
5) కలర్‌ ఆప్షన్లు
ఈ స్కూటర్‌ మూడు కలర్‌లలో లభిస్తుంది - కాపర్‌ బ్రౌన్‌ బీజ్‌, స్టార్లైట్‌ బ్లూ బీజ్‌, టైటానియం గ్రే మ్యాట్‌. మొదటి రెండు డ్యూయల్‌ టోన్‌ సీటుతో ప్రత్యేకంగా కనిపిస్తాయి.
6) ధర - హైదరాబాద్‌లో ఎంత?
TVS iQube ST ఎక్స్‌-షోరూమ్‌ ధర రూ. 1,61,984. ఇతర వేరియంట్లలో iQube S ధర రూ. 1,41,523 కాగా, స్టాండర్డ్‌ iQube ధర రూ. 1,10,370 నుంచి ప్రారంభమవుతుంది (ఇవన్నీ ఎక్స్‌-షోరూమ్‌ ధరలు).
హైదరాబాద్‌లో iQube ST 5.3kWh వేరియంట్‌ ఆన్‌రోడ్‌ ధర వివరాలు:
ఎక్స్‌-షోరూమ్‌ ధర – రూ. 1,61,984
RTO ఛార్జీలు – రూ. 1,185
ఇన్సూరెన్స్‌ – రూ. 6,254
మొత్తం ఆన్‌రోడ్‌ ధర – రూ. 1,69,423 (సుమారు)
మంచి రేంజ్‌, పెద్ద స్టోరేజ్‌, ఆధునిక ఫీచర్లతో TVS iQube ST నగరాల్లో రోజువారీ ప్రయాణాలకు మంచి ఎంపిక. అయితే, కొనే ముందు మీ అవసరాలు, బడ్జెట్‌, చార్జింగ్‌ సదుపాయాలు పరిశీలించి నిర్ణయం తీసుకోవడం ఉత్తమం.
ఇంకా ఇలాంటి ఆటోమొబైల్‌ వార్తలు & అప్‌డేట్స్‌ - "ABP దేశం" 'ఆటో' సెక్షన్‌ని ఫాలో అవ్వండి.
టాప్ హెడ్ లైన్స్
ట్రెండింగ్ వార్తలు
