TVS Launches New Varients In Apache Model: అపాచీలో నూత‌న వేరియంట్లను లాంఛ్ చేసిన టీవీఎస్.. దుమ్ము రేపే ఫీచర్లతో మార్కెట్లోకి ఎంట్రీ.. కీలక మైలురాయిని దాటిన అపాచీ
మార్కెట్లో టీవీఎస్ కు ప్ర‌త్యేక స్థాన‌ముంది. చాలా ఏళ్లుగా క‌స్ట‌మ‌ర్ల ఆద‌ర‌ణ‌ను చూర‌గొంటున్న ఈ కంపెనీకి చెందిన అపాచీ మోడ‌ల్.. తాజాగా కీలక మైలురాయిని దాటింది. దీంతో కంపెనీ కొత్త న్యూస్ ను అందించింది.
Tvs Apache New Varients Latest News: టీవీఎస్ కంపెనీలో అపాచీ మోడ‌ల్ కు అద్బుత‌మైన ఆద‌ర‌ణ ద‌క్కింది. గ‌త ఇర‌వై ఏళ్లుగా ఈ మోడ‌ల్ ను వినియోగ‌దారులు ఆద‌రిస్తున్నారు. ఎప్ప‌టిక‌ప్పుడు మార్పులు, చేర్పులు చేసి, మ‌రింత‌గా వినియోగ‌దారుల‌ను ఆక‌ర్షించేందుకు కంపెనీ ప్ర‌య‌త్నిస్తోంది. తాజాగా కీలక మైలురాయిని దాట‌డంతో కంపెనీ ఈ మోడ‌ల్లో కొత్త వేరియంట్లను రంగంలోకి దించింది. టీవీఎస్ మోటార్ కంపెనీ తన ప్రీమియం మోటార్ సైకిల్ టీవీఎస్ అపాచీ 20వ వార్షికోత్సవాన్ని పురస్కరించుకుని, అపాచీ RTR 160, 180, 200, అపాచీ RR310 , RTR310 లిమిటెడ్ ఎడిషన్ వేరియంట్లను విడుదల చేసింది. దీనితో పాటు, టీవీఎస్ అపాచీ RTR 160 , RTR 200 4V టాప్ వేరియంట్లను కూడా ఆవిష్కరించింది. ఈ కొత్త 4V టాప్ వేరియంట్లు, ఇప్పటికే ఉన్న అపాచీ RTR 160 , 200 మోడళ్లకు మించి ఉండేలా రూపొందించబడి, Class-D ప్రొజెక్టర్ హెడ్‌లాంప్స్ (LED DRLsతో కలిపి), స్ట‌న్నింగ్ LED లైటింగ్, 5 అంగుళాల కనెక్టెడ్ TFT క్లస్టర్, ట్రాక్షన్ కంట్రోల్ సిస్టమ్, ఆకర్షణీయమైన క‌లర్స్ , డైనమిక్ గ్రాఫిక్స్ వంటి ఆధునిక ఫీచర్లతో వస్తున్నాయి. ఈ అప్‌గ్రేడ్‌లు అపాచీ రైడర్లకు అత్యాధునిక సెక్యూరిటీ, కనెక్టివిటీ , పనితీరును అందిస్తాయని టీవీఎస్ కంపెనీ తెలిపింది.
సూప‌ర్బ్ ఫీచర్లు..
టీవీఎస్ అపాచీ RTR 160 4Vలో అద్భుత‌మైన ఫీచర్లు ఉన్న‌ట్లు కంపెనీ వర్గాలు పేర్కొంటున్నాయి. ఈ మోడ‌ల్లో 159.7 సీసీ, SI, 4-స్ట్రోక్, ఆయిల్-కూల్డ్, SOHC ఇంజిన్ ఉంటుందని, ఇది గరిష్ఠంగా 17.3 హార్స్ పవర్ , 14.73 Nm టార్క్ ఉత్పత్తి చేయగలదని కంపెనీ పేర్కొంటోంది. ఇది భారతదేశంలో ఎయిర్/ఆయిల్ కూల్డ్ సెగ్మెంట్‌లో అత్యధిక శక్తిని కలిగిన 160cc ఇంజిన్ అని కంపెనీ వర్గాలు పేర్కొంటున్నాయి. ఇందులో మూడు రైడ్ మోడ్‌లు, డ్యూయల్-చానల్ ABS, టర్న్-బై-టర్న్ నావిగేషన్ వంటి సెగ్మెంట్-ఫస్ట్ ఫీచర్లు ఉన్నాయని, వినియోగ‌దారుల‌కు ది బెస్ట్ అనుభూతిని ఇచ్చే విధంగా ఈ బైకుల‌ను రూపొందించినట్లు కంపెనీ వర్గాలు తెలిపాయి.
ఆధునిక హంగులు..
ఇక టీవీఎస్ అపాచీలోని మ‌రో మోడ‌ల్ అయిన RTR 200 4Vలోనూ అద్భుత‌మైన ఫీచర్లు పొందు ప‌రిచిన‌ట్లు కంపెనీ తెలిపింది. ఈ మోడ‌ల్లో 197.75 సీసీ ఇంజిన్ ఉంటుందని, ఇది గరిష్ఠంగా 20.5 హార్స్ పవర్ , 17.25 Nm టార్క్‌ను ఉత్పత్తి చేస్తుందని, దీని వ‌ల్ల శ‌క్తివంత‌మైన పనితీరును ఆశించ వ‌చ్చ‌ని కంపెనీ తెలిపింది. ఈ మోడళ్లలోనూ Class-D ప్రొజెక్టర్ హెడ్‌లాంప్స్ (LED DRLsతో కలిపి), LED లైటింగ్, 5 అంగుళాల TFT క్లస్టర్, ట్రాక్షన్ కంట్రోల్ సిస్టమ్, ఆకర్షణీయమైన క‌లర్స్, సూప‌ర్బ్ గ్రాఫిక్స్ ఉన్నాయని కంపెనీ వర్గాలు పేర్కొన్నాయి. ఏదేమైనా 20వ వార్షికోత్స‌వం ద్వారా కొత్త వేరియంట్లను రంగంలోకి దింపి బైక్ ల‌వ‌ర్స్ ను టీవీఎస్ ఊరిస్తోంద‌ని విశ్లేష‌కులు పేర్కొంటున్నారు.
టాప్ హెడ్ లైన్స్
ట్రెండింగ్ వార్తలు
