6 ఎయిర్‌బ్యాగులు, 360 డిగ్రీ కెమెరా ఉన్నా అతి తక్కువ ధర!.. టయోటా గ్లాంజా ఎందుకంత స్పెషల్?
2026లో టయోటా గ్లాంజా ప్రారంభ ధర రూ.6.73 లక్షలు. 1.2 లీటర్ పెట్రోల్ ఇంజిన్, 6 ఎయిర్‌బ్యాగులు, 360 డిగ్రీ కెమెరా, ఆధునిక ఫీచర్లు ఉన్నాయి.
Toyota Glanza Price, Mileage And Features Telugu: టయోటా అంటే నమ్మకమైన కార్లకు పేరున్న బ్రాండ్. భారత మార్కెట్లో ఈ కంపెనీ చిన్న హ్యాచ్‌బ్యాక్‌ల నుంచి పెద్ద SUVలు, MPVలు, ప్రీమియం మోడళ్ల వరకు కార్లను విక్రయిస్తోంది. తక్కువ బడ్జెట్‌లో టయోటా కారు కొనాలనుకునేవారికి గ్లాంజా ఒక మంచి ఎంపికగా అవుతుంది. టయోటా అధికారిక వెబ్‌సైట్ ప్రకారం 2026లో గ్లాంజా ప్రారంభ ధర రూ.6.73 లక్షలు (ఎక్స్‌షోరూమ్).
గ్లాంజా.. ప్రధానంగా నగరాల్లో రోజువారీ ప్రయాణాల కోసం రూపొందించిన ప్రీమియం హ్యాచ్‌బ్యాక్. చిన్న సైజు, సౌకర్యవంతమైన క్యాబిన్, మంచి ఇంధన సామర్థ్యం, ఆధునిక ఫీచర్లు దీని ప్రత్యేకతలు. ఐదుగురు ప్రయాణించే వీలుండటంతో చిన్న కుటుంబాలకు కూడా ఇది ఉపయోగకరంగా ఉంటుంది.
ధర ఎంత?
టయోటా గ్లాంజా ప్రారంభ ధర (ఎక్స్‌షోరూమ్) రూ.6.73 లక్షలు. వేరియంట్, గేర్‌బాక్స్, నగరం, రిజిస్ట్రేషన్, బీమా వంటి అంశాల ఆధారంగా ఆన్‌రోడ్ ధర మారుతుంది. టయోటా అందించే ఫైనాన్స్ పథకాల ద్వారా నెలవారీ వాయిదాల్లోనూ కారును కొనుగోలు చేయవచ్చు.
తక్కువ ధరలో లభిస్తున్నా గ్లాంజా సాధారణ బేసిక్ హ్యాచ్‌బ్యాక్‌లా అనిపించదు. ఇందులో ఆధునిక సౌకర్యాలు & టెక్నాలజీ ఫీచర్లు ఉన్నాయి.
ఇంజిన్ & పనితీరు
గ్లాంజాలో 1.2 లీటర్ పెట్రోల్ ఇంజిన్ ఉంటుంది. రోజువారీ నగర ప్రయాణాలను దృష్టిలో పెట్టుకుని దీన్ని రూపొందించారు. వేరియంట్‌ను బట్టి మాన్యువల్ లేదా ఆటోమేటిక్ గేర్‌బాక్స్ ఎంపిక ఉంటుంది.
చిన్న పరిమాణం కారణంగా ట్రాఫిక్‌లో కారును నడపడం సులభంగా ఉంటుంది. ఆఫీస్ ప్రయాణాలు, రోజువారీ పనులు, షాపింగ్‌తో పాటు అప్పుడప్పుడు హైవే ప్రయాణాలకు కూడా ఇది సరిపోతుంది.
ఫీచర్లు అదుర్స్
గ్లాంజాలో పెద్ద టచ్‌స్క్రీన్ ఇన్ఫోటైన్‌మెంట్ వ్యవస్థ, హెడ్ అప్ డిస్‌ప్లే, కనెక్టెడ్ టెక్నాలజీ, వైర్‌లెస్ ఫోన్ కనెక్టివిటీ వంటి ఫీచర్లు ఉన్నాయి. కొన్ని వేరియంట్లలో 360 డిగ్రీ కెమెరా కూడా లభిస్తుంది.
టిల్ట్ & టెలిస్కోపిక్ స్టీరింగ్, ఆటోమేటిక్ క్లైమేట్ కంట్రోల్, స్మార్ట్ కనెక్టివిటీ వంటి సౌకర్యాలు కూడా ఉన్నాయి. ముఖ్యంగా టాప్ వేరియంట్లలో హ్యాచ్‌బ్యాక్ ధరకు తగిన దానికంటే ఎక్కువ ఫీచర్లు కనిపిస్తాయి.
ఇది కూడా చదవండి: కొత్త లుక్, అదిరిపోయే ఫీచర్లు.. పెట్రోల్‌తో పాటు ఎలక్ట్రిక్‌లోనూ Tata Aeris!
సేఫ్టీకి ప్రాధాన్యం
టయోటా గ్లాంజాలో 6 ఎయిర్‌బ్యాగులను స్టాండర్డ్‌గా అందిస్తోంది. ABS, EBD, బ్రేక్ అసిస్ట్ వంటి భద్రతా ఫీచర్లు కూడా ఉన్నాయి. ఫ్రంట్ సీట్‌బెల్ట్ ప్రీ-టెన్షనర్లు & ISOFIX చైల్డ్ సీట్ మౌంటింగ్ పాయింట్లు కూడా అందుబాటులో ఉన్నాయి. అయితే కొన్ని ఫీచర్లు వేరియంట్‌ను బట్టి మారవచ్చు.
టయోటాలో ఇదే చీపెస్ట్ ఎందుకు?
టయోటా కంపెనీ ప్రస్తుతం భారత్‌లో అందిస్తున్న అత్యంత తక్కువ ధర మోడల్‌ గ్లాంజా. దీని తర్వాత అర్బన్ క్రూయిజర్ టైసర్ ప్రారంభ ధర రూ.7.43 లక్షలు. రూమియన్ రూ.9.79 లక్షల నుంచి ప్రారంభమవుతుంది. అర్బన్ క్రూయిజర్ హైరైడర్ ధర రూ.11.31 లక్షల నుంచి మొదలవుతుంది.
చిన్న హ్యాచ్‌బ్యాక్ కావడంతో పెద్ద SUVలు & MPVలతో పోలిస్తే గ్లాంజా ధర తక్కువగా ఉంది. అదే సమయంలో టెక్నాలజీ, సౌకర్యాలు & భద్రతా ఫీచర్ల విషయంలోనూ ఇది ఏమాత్రం వెనుకబడలేదు.
టయోటా వారంటీ నిబంధనల ప్రకారం గరిష్ఠంగా 5 సంవత్సరాలు లేదా 2,20,000 కిలోమీటర్ల వరకు వారంటీని అందిస్తోంది.
ఇది కూడా చదవండి: Mahindra XUV 3XO ఫైనాన్స్ ఆఫర్‌: మీకు భారం కాని రేంజ్‌లోనే డౌన్‌పేమెంట్‌, EMI పేమెంట్‌!
ఇంకా ఇలాంటి ఆటోమొబైల్‌ వార్తలు & అప్‌డేట్స్‌ కోసం "ABP దేశం" 'ఆటో' సెక్షన్‌ని ఫాలో అవ్వండి.
టాప్ హెడ్ లైన్స్
ట్రెండింగ్ వార్తలు
