Upcoming Top SUVs:రాబోయే మూడేళ్లలో భారత్లో విడుదలయ్యే టాప్ 4 SUVలు ఇవే!
Upcoming Top SUVs: భారతదేశంలో SUVల డిమాండ్ పెరుగుతోంది. టాటా, మహీంద్రా సహా అనేక బ్రాండ్లు రాబోయే 3 ఏళ్లలో శక్తివంతమైన SUVలను విడుదల చేయనున్నాయి.
Upcoming Top SUVs: భారతదేశ ఆటోమొబైల్ మార్కెట్లో SUVలకు మంచి డిమాండ్ ఉంది. దేశంలో SUVలు అమ్మకాల పరంగా సెడాన్, హ్యాచ్బ్యాక్లను చాలా వెనుకకు నెట్టాయి. అదే సమయంలో, చాలా మంది ఆటోమొబైల్ తయారీదారులు రాబోయే కొన్ని సంవత్సరాల్లో భారతదేశంలో కొత్త SUVలను ప్రారంభించడానికి సిద్ధమవుతున్నారు. వారి SUV పోర్ట్ఫోలియోను విస్తరించాలని చూస్తున్నారు. రాబోయే మూడేళ్లలో భారతదేశంలో చాలా శక్తివంతమైన SUVలు ప్రారంభంకానున్నాయి, ఈ కార్ల గురించి తెలుసుకుందాం.
మహీంద్రా విజన్ S
మహీంద్రా బొలెరో విజన్ S అనేది కొత్త తరం సబ్ 4-మీటర్ల కాంపాక్ట్ SUV, దీనిని ఆటోమొబైల్ తయారీదారులు ఆగస్టు 15, 2025న ఆవిష్కరించారు. ఈ SUV రాబోయే రోజుల్లో మహీంద్రా ఐకానిక్ కారు బొలెరోను భర్తీ చేస్తుంది. బొలెరో వారసత్వాన్ని కూడా కొనసాగిస్తుంది. మహీంద్రా ఈ కొత్త మోడల్ను 2027లో మార్కెట్లో విడుదల చేయవచ్చు.
రెనాల్ట్ డస్టర్
రెనాల్ట్ డస్టర్ ప్రస్తుతం భారత మార్కెట్లో లేదు. కంపెనీ చాలా కాలం క్రితమే ఈ SUVని మార్కెట్లో అమ్మడం మానేసింది. కానీ ఇప్పుడు దాదాపు నాలుగు సంవత్సరాల తర్వాత, జనవరి 26, 2026న రెనాల్ట్ డస్టర్ భారత మార్కెట్లోకి తిరిగి రానుంది. రెనాల్ ఈ కారులో 1.3-లీటర్ టర్బోఛార్జ్డ్ HR13 పెట్రోల్ ఇంజిన్ ఉండవచ్చు, ఇది CVT ట్రాన్స్మిషన్తో జత చేసి ఉంటారు. కారులో అమర్చిన ఇంజిన్ నుంచి 156 bhp పవర్ని పొందవచ్చు. ఇప్పుడు ఈ కారు వచ్చే ఏడాది 2026 ప్రారంభంలోనే మార్కెట్లోకి అడుగుపెట్టనుంది.
నిస్సాన్ టెక్టాన్
నిస్సాన్ వచ్చే ఏడాది 2026 చివరిలో భారత మార్కెట్లో శక్తివంతమైన SUVని ప్రారంభించనుంది. నిస్సాన్ ఇటీవల అక్టోబర్ నెలలో కొత్త SUV టెక్టాన్ (Tekton) రూపాన్ని చూపించింది. అయితే, నిస్సాన్ ఇప్పటివరకు ఈ కారు పవర్ట్రెయిన్ గురించి ఎటువంటి సమాచారం వెల్లడించలేదు. అయితే, ఈ SUV అనేక పవర్ట్రెయిన్ ఎంపికలతో మార్కెట్లోకి ప్రవేశించవచ్చు.
టాటా నెక్సాన్ న్యూ-జెన్
టాటా నెక్సాన్ అత్యంత ప్రజాదరణ పొందిన SUV నెక్సాన్. 2027లో, కార్ల కంపెనీ టాటా నెక్సాన్ రెండో తరం మోడల్ను మార్కెట్లోకి విడుదల చేయవచ్చు. ఈ SUV పూర్తిగా రీడిజైన్ చేస్తోంది. అయితే, ఈ కొత్త మోడల్ను కూడా X1 ప్లాట్ఫారమ్పైనే తయారు చేయవచ్చు. కానీ ఈ కారు శైలి, నిర్మాణంలో చాలా పెద్ద మార్పులు చూడవచ్చు.
టాప్ హెడ్ లైన్స్
ట్రెండింగ్ వార్తలు
