పెట్రో బాదుడుకు దూరంగా.. దేశంలో టాప్-5 ఎల‌క్ట్రిక్ స్కూట‌ర్లు ఇవే!

దేశంలో పెట్రోల్ రేట్ రోజురోజుకూ పెరుగుతూ పోతుంది. దీంతో ఎల‌క్ట్రిక్ స్కూట‌ర్ల‌కు డిమాండ్ మెల్ల‌గా పెరుగుతూ వ‌స్తుంది. ప్ర‌స్తుతం మ‌న‌దేశంలో టాప్-5 ఎల‌క్ట్రిక్ స్కూట‌ర్లు ఇవే..

Electric_Vehicles_1

నేను ఎల‌క్ట్రిక్ స్కూట‌ర్ కొన్నా.. కొన్ని సంవ‌త్స‌రాల క్రితం ఈ మాట చెప్తే అదెందుకు కొన్నావ్ అన్న‌ట్లు పై నుంచి కింద దాకా చూసేవారు. కానీ ఇప్పుడు మాత్రం ఈ మాట చెప్తే మంచి ప‌ని చేశావు అని మెచ్చుకుంటున్నారు. దేశంలో పెట్రోల్ ధ‌ర‌లు విప‌రీతంగా పెరిగిపోవ‌డంతో ఎల‌క్ట్రిక్ స్కూట‌ర్ల‌కు గిరాకీ పెరిగింది.

దీనికితోడు ఒక‌ప్పుడు ఎల‌క్ట్రిక్ స్కూట‌ర్ల డిజైన్ అంత ఆకట్టుకునే విధంగా ఉండేవి కాదు. ఇప్పుడు వీటిని ఆక‌ట్టుకునే విధంగా రూపొందిస్తున్నారు. ప్ర‌స్తుతం మ‌న‌దేశంలో అందుబాటులో ఉన్న టాప్-5 ఎల‌క్ట్రిక్ స్కూట‌ర్లు ఇవే..

1. ఓలా ఎల‌క్ట్రిక్ ఎస్1, ఎస్1 ప్రో
మ‌న‌దేశంలో ఆన్ లైన్ ట్యాక్సీ స‌ర్వీసుల్లో ఓలా ముందంజ‌లో ఉంది. ఇప్పుడు తాజాగా ఎల‌క్ట్రిక్ స్కూట‌ర్ల విభాగంలోకి కూడా అడుగుపెట్టి ఓలా ఎల‌క్ట్రిక్ ఎస్1, ఎస్1 ప్రోల‌ను లాంచ్ చేసింది. వీటిలో ఎస్1 ధ‌ర రూ.99,999 కాగా, ఎస్1 ప్రో ధ‌ర రూ.1,29,999గా ఉంది. దీని కొనుగోలుపై కేంద్ర ప్ర‌భుత్వం స‌బ్సిడీని కూడా ఇస్తుంది.

ఒక్క‌సారి పూర్తిగా చార్జ్ చేస్తే ఎస్1ను 121 కిలోమీట‌ర్లు, ఎస్1 ప్రోను 181 కిలోమీట‌ర్లు డ్రైవ్ చేయ‌వ‌చ్చు. ఎస్1ను పూర్తిగా చార్జ్ చేయ‌డానికి 4.48 గంట‌లు, ఎస్1 ప్రోకు 6.30 గంట‌లు ప‌ట్ట‌నుంది.

2. సింపుల్ వ‌న్
దీని బ్యాట‌రీ, రేంజ్ చాలా ఎక్కువని చెప్ప‌వ‌చ్చు. 4.8kWh బ్యాట‌రీని ఇందులో అందించారు. ఒక్క‌సారి పూర్తిగా చార్జ్ చేస్తే ఏకంగా 236 కిలోమీట‌ర్ల దూరం డ్రైవ్ చేయ‌వ‌చ్చు. దీని ధ‌ర రూ.1.09 ల‌క్ష‌లుగా ఉంది. ఇందులో రెండు బ్యాట‌రీ ఉంటాయి. వీటిలో ఒక‌దాన్ని తీసి చార్జింగ్ పెట్టుకోవ‌చ్చు. దీని టాప్ స్పీడ్ 105 కిలోమీట‌ర్లుగా ఉండ‌నుంది.

3. బ‌జాజ్ చేత‌క్ ఎల‌క్ట్రిక్ స్కూట‌ర్
ఇందులో అర్బ‌న్ వేరియంట్ ధ‌ర రూ.1.42 ల‌క్ష‌లుగానూ, ప్రీమియం వేరియంట్ ధ‌ర రూ.1.44 ల‌క్ష‌లుగానూ ఉంది. పూర్తిగా చార్జ్ చేసి ఎకో మోడ్ లో డ్రైవ్ చేస్తే 95 కిలోమీట‌ర్ల దూరం వెళ్ల‌వ‌చ్చు. అదే స్పోర్ట్ మోడ్ లో 85 కిలోమీట‌ర్లు డ్రైవ్ చేసే అవ‌కాశం ఉంది. దీని బ్యాట‌రీ పూర్తిగా చార్జ్ కావ‌డానికి ఐదు గంట‌ల స‌మ‌యం ప‌ట్ట‌నుంది.

4. టీవీఎస్ ఐక్యూబ్
దీని ధ‌ర రూ.1.15 ల‌క్ష‌లుగా ఉంది. దీన్ని పూర్తిగా చార్జ్ చేయ‌డానికి ఐదు గంట‌ల స‌మ‌యం ప‌డుతుంది. పూర్తిగా చార్జ్ చేశాక 75 కిలోమీట‌ర్ల దూరం డ్రైవ్ చేయ‌వ‌చ్చు. ఐదు గంట‌ల్లో దీని బ్యాట‌రీ పూర్తిగా చార్జ్ అవుతుంది.

5. ఏథ‌ర్ 450ఎక్స్
దీని ధ‌ర రూ.1.32 ల‌క్ష‌లుగా ఉంది. దీని బ్యాట‌రీ సామ‌ర్థ్యం 2.61kWhగా ఉంది. 3 గంట‌ల 35 నిమిషాల్లోనే 80 శాతం చార్జింగ్ ఎక్కుతుంది. పూర్తిగా చార్జ్ చేస్తే 85 కిలోమీట‌ర్ల దూరం డ్రైవ్ చేయ‌వ‌చ్చు. దీని టాప్ స్పీడ్ 80 కిలోమీట‌ర్ల వ‌ర‌కు ఉండ‌నుంది.