Diwali Discount: మీ ఫేవరేట్ Tata Nexon మీద ₹2 లక్షల వరకు డిస్కౌంట్, ఈ దీపావళికి మీకు వాహన యోగం!
2025 Diwali Discount On Tata Nexon: టాటా మోటార్స్ తన నెక్సాన్ SUV పై ₹2 లక్షల వరకు దీపావళి డిస్కౌంట్ అందిస్తోంది. నెక్సాన్ నిండా మోడ్రన్ ఫీచర్లే. దీనికి చాలా రైవల్స్ కూడా ఉన్నాయి.
Tata Nexon GST Benefit 2025: దీపావళి సమీపిస్తుండటంతో, దేశవ్యాప్తంగా కార్ కంపెనీలు కస్టమర్లను ఆకర్షించడానికి చాలా ఆఫర్లు & డిస్కౌంట్లు ప్రకటించాయి. టాటా మోటార్స్ కూడా, తన మోస్ట్ పాపులర్ SUV టాటా నెక్సాన్పై ఆఫర్లను అందిస్తోంది. ప్రస్తుతం, కంపెనీ రూ. 2 లక్షల వరకు డిస్కౌంట్ను అందిస్తోంది. ఇందులో... రూ. 1.55 లక్షల పన్ను ప్రయోజనం (GST 2.0) & రూ. 45,000 వరకు అదనపు ఆఫర్లు ఉన్నాయి. టాటా నెక్సాన్, 2025 సెప్టెంబర్లో ఈ బ్రాండ్లో అత్యధికంగా అమ్ముడైన SUV. టాటా మోటార్స్ నెలవారీ అమ్మకాల రికార్డును ఇది డ్రైవ్ చేసింది.
టాటా నెక్సాన్ ఫీచర్లు & వేరియంట్లు
టాటా నెక్సాన్, దాని విభాగంలో అత్యంత వెర్సటైల్ SUV, మల్టీ ఇంజిన్ & ట్రాన్స్మిషన్ ఆప్షన్లలో లభిస్తుంది. 'Smart', 'Creative' & 'Fearless' వంటి కొత్త లేబుళ్లతో వేరియంట్లను ప్రవేశపెట్టారు. ప్రతి వేరియంట్ లక్షణాలు & సాంకేతికత పరంగా భిన్నంగా ఉంటుంది. ఈ వేరియంట్లను పెట్రోల్-5MT & CNG-6MT ఇంజిన్ ఎంపికలతో కొనవచ్చు. ఆరు ఎయిర్బ్యాగులు, ఎలక్ట్రానిక్ స్టెబిలిటీ ప్రోగ్రామ్ (ESP), ISOFIX, హిల్-హోల్డ్ అసిస్ట్, LED DRLs, 16-అంగుళాల స్టీల్ వీల్స్, డిజిటల్ ఇన్స్ట్రుమెంట్ క్లస్టర్ & మల్టీ-డ్రైవ్ మోడ్స్ (ఎకో, సిటీ, స్పోర్ట్స్) వంటి కీలక ఫీచర్లు దీనిలో ఉన్నాయి.
Tata Nexon Smart+ & Smart+ S
స్మార్ట్+ వేరియంట్ 7.0-అంగుళాల టచ్స్క్రీన్, ఆండ్రాయిడ్ ఆటో & ఆపిల్ కార్ప్లే, రిమోట్ సెంట్రల్ లాకింగ్ & స్టీరింగ్-మౌంటెడ్ కంట్రోల్స్ ఉన్నాయి.
స్మార్ట్+ S వేరియంట్లో.. స్మార్ట్+ ఫీచర్లతో పాటు ఆటో హెడ్ల్యాంప్లు, రెయిన్ సెన్సింగ్ వైపర్లు & సన్రూఫ్ వంటి ప్రీమియం ఫీచర్లు కూడా ఉన్నాయి.
Tata Nexon Creative & Creative+
క్రియేటివ్ వేరియంట్లో 360-డిగ్రీల కెమెరా, క్రూయిజ్ కంట్రోల్, పుష్-బటన్ స్టార్ట్, ఆటో క్లైమేట్ కంట్రోల్ & 16-అంగుళాల అల్లాయ్ వీల్స్ ఉన్నాయి.
క్రియేటివ్+ వేరియంట్లో... క్రియేటివ్ వేరియంట్ ఫీచర్లతో పాటు సన్రూఫ్ & ఆటోమేటిక్ వైపర్లు కూడా ఉన్నాయి, దీంతో ఈ వేరియంట్ మరింత విలాసవంతమైన అనుభూతిని ఇస్తుంది.
Tata Nexon Creative+ PS & Fearless+ PS
ఈ రెండు వేరియంట్లు నెక్సాన్ లైనప్లో అగ్రశ్రేణి మోడల్లు.
పనోరమిక్ సన్రూఫ్, ముందు & వెనుక పార్కింగ్ సెన్సార్లు, వైర్లెస్ ఛార్జర్, JBL సౌండ్ సిస్టమ్, 10.25-అంగుళాల డిజిటల్ ఇన్స్ట్రుమెంట్ క్లస్టర్, ఎయిర్ ప్యూరిఫైయర్ & కనెక్టెడ్ కార్ టెక్నాలజీ వంటి హై-టెక్ ఫీచర్లను ఈ వేరియంట్లు అందిస్తున్నాయి.
ఫియర్లెస్+ PS వేరియంట్ వెంటిలేటెడ్ ఫ్రంట్ సీట్లు, ఆటో-డిమ్మింగ్ IRVM, వెల్కమ్ టెయిల్లైట్స్ యానిమేషన్ & లెథరెట్ సీట్లు వంటి ప్రీమియం ఫీచర్లను కూడా అందిస్తుంది.
డిస్కౌంట్ ఎంత & ఎక్కడ ప్రయోజనం పొందవచ్చు?
టాటా నెక్సాన్పై కస్టమర్లు ₹1.55 లక్షల వరకు GST 2.0 పన్ను తగ్గింపు ప్రయోజనాన్ని పొందుతున్నారు. దీనికి అదనంగా, నగదు తగ్గింపులు, ఎక్స్ఛేంజ్ బోనస్లు & కార్పొరేట్ పథకాలు సహా ₹45,000 వరకు విలువైన అదనపు ఆఫర్లను కూడా చేర్చారు. దీని అర్థం కస్టమర్లు మొత్తం ₹2 లక్షల వరకు ప్రయోజనం పొందవచ్చు. అదనపు డిస్కౌంట్లు, ఆఫర్లు కారు వేరియంట్ & నగరాన్ని బట్టి మారవచ్చు. పుల్ బెనిఫిట్స్ పొందేందుకు, కస్టమర్లు తమ సమీపంలోని టాటా డీలర్షిప్ను సంప్రదించాలని కంపెనీ సిఫార్సు చేస్తోంది.
టాటా నెక్సాన్కు పోటీగా నిలిచే కార్లు
టాటా నెక్సాన్ ఒక కాంపాక్ట్ SUV కాబట్టి దీనికి పోటీ ఎక్కువ. కాంపాక్ట్ SUV విభాగంలోని అనేక ప్రసిద్ధ మోడళ్లు - మారుతి సుజుకి బ్రెజ్జా, హ్యుందాయ్ వెన్యూ, కియా సోనెట్, మహీంద్రా XUV3XO, నిస్సాన్ మాగ్నైట్ & మారుతి సుజుకి ఫ్రాంక్స్ ఈ లిస్ట్లో ఉన్నాయి. ఈ SUVలన్నీ డిజైన్, ఫీచర్లు & ఇంజిన్ పనితీరు పరంగా ఒకదానికొకటి గట్టి పోటీ ఇస్తున్నాయి. ముఖ్యంగా, ఈ వెహికల్స్ మీద కూడా GST తగ్గుతుంది. మారుతి బ్రెజ్జాపై సేవింగ్ ₹43,000 నుంచి ₹1.12 లక్షల వరకు ఉంటుంది. హ్యుందాయ్ వెన్యూపై ప్రయోజనాలు ₹1.15 లక్షల నుంచి ₹1.33 లక్షల వరకు ఉంటాయి.
టాప్ హెడ్ లైన్స్
ట్రెండింగ్ వార్తలు
