అన్వేషించండి

ఎదురుచూపులకు చెక్‌: సుజుకి తొలి ఎలక్ట్రిక్‌ స్కూటర్‌ e-Access లాంచ్‌, ధర ₹1.88 లక్షలు

సుజుకి తొలి ఎలక్ట్రిక్‌ స్కూటర్‌ e-Access భారత మార్కెట్లో లాంచ్‌ అయింది. ₹1.88 లక్షల ఎక్స్‌-షోరూమ్‌ ధరతో వచ్చిన ఈ స్కూటర్‌ LFP బ్యాటరీతో 95 కి.మీ. రేంజ్‌ ఇస్తుంది.

Suzuki e Access Price And Features: భారత ఎలక్ట్రిక్‌ ద్విచక్ర వాహన మార్కెట్లోకి సుజుకి అధికారికంగా అడుగు పెట్టింది. ఎన్నాళ్లుగానో ఎదురుచూస్తున్న సుజుకి తొలి ఎలక్ట్రిక్‌ స్కూటర్‌ Suzuki e-Access ఇప్పుడు మార్కెట్లోకి వచ్చింది. కంపెనీ ఈ స్కూటర్‌ను ₹1.88 లక్షల ఎక్స్‌-షోరూమ్‌ ధరతో లాంచ్‌ చేసింది. బుకింగ్స్‌ ఇప్పటికే ప్రారంభం అయ్యాయి. డెలివరీలు త్వరలోనే మొదలవుతాయని సుజుకి ప్రకటించింది.

కొత్త కలర్‌ ఆప్షన్‌తో మరింత ఆకర్షణ

e-Access లాంచ్‌తో పాటు సుజుకి ఒక కొత్త డ్యూయల్‌ టోన్‌ కలర్‌ను పరిచయం చేసింది. మ్యాట్‌ బ్లూ విత్‌ గ్రే కలర్‌ ఆప్షన్‌ రావడంతో మొత్తం కలర్‌ ఆప్షన్లు నాలుగుకు చేరాయి. యువతను ఆకట్టుకునేలా ఈ కొత్త కలర్‌ను డిజైన్‌ చేశారు.

LFP బ్యాటరీతో సుజుకి ప్రత్యేకత

ఈ స్కూటర్‌ సుజుకి రూపొందించిన Suzuki e-Technology ప్లాట్‌ఫామ్‌పై తయారైంది. ఇందులో 3kWh లిథియం ఐరన్‌ ఫాస్ఫేట్‌ (LFP) బ్యాటరీ ఉంది. సాధారణంగా ఉపయోగించే NMC బ్యాటరీలతో పోలిస్తే, LFP బ్యాటరీకి ఎక్కువ ఆయుష్షు ఉంటుందని సుజుకి చెబుతోంది. కంపెనీ ఇచ్చిన సమాచారం ప్రకారం, ఈ బ్యాటరీకి 95 కి.మీ. IDC రేంజ్‌ ఉంది. అంటే, ఫుల్‌ ఛార్జ్‌తో సిటీ మొత్తం చుట్టి రావచ్చు.

ఈ బ్యాటరీని నీటిలో ముంచడం, ఉష్ణోగ్రత మార్పులు, వైబ్రేషన్‌, డ్రాప్‌ టెస్టులు వంటి కఠిన పరీక్షలు చేశారు. అన్ని పరీక్షల తర్వాత మార్కెట్‌లోకి తీసుకొచ్చారు. ఇది, మన వాతావరణ పరిస్థితులకు అనుగుణంగా రూపొందించారు అనే నమ్మకాన్ని ఇస్తోంది.

మోటార్‌, రైడింగ్‌ మోడ్‌లు

e-Access‌లో 4.1kW స్వింగ్‌ఆర్మ్‌ మౌంటెడ్‌ మోటార్‌ ఉంది. ఇది 15Nm టార్క్‌ ఉత్పత్తి చేస్తుంది. నగర ప్రయాణాలకు సరిపోయేలా మూడు రైడింగ్‌ మోడ్‌లు ఇచ్చారు, అవి: Eco, Ride A, Ride B.

రెజెనరేటివ్‌ బ్రేకింగ్‌, రివర్స్‌ అసిస్ట్‌ వంటి ఫీచర్లు కూడా ఉన్నాయి. బ్యాటరీ ఛార్జ్‌ తక్కువగా ఉన్నా థ్రాటిల్‌ రెస్పాన్స్‌ ఒకేలా ఉంటుందని సుజుకి చెబుతోంది. అంటే, ఛార్జింగ్‌ తక్కువున్నా పంచ్‌ తగ్గదు.

ఫ్రేమ్‌, డ్రైవ్‌ సిస్టమ్‌

లైట్‌వెయిట్‌ ఫ్రేమ్‌తో పాటు అల్యూమినియం బ్యాటరీ కేస్‌ను స్ట్రక్చర్‌లో భాగంగా చేశారు. దీని వల్ల స్థిరత్వం, రైడ్‌ క్వాలిటీ మెరుగవుతాయని కంపెనీ వెల్లడించింది. ఇందులో ఉన్న 'బెల్ట్‌ ఫైనల్‌ డ్రైవ్‌'. మెయింటెనెన్స్‌ అవసరం లేకుండా 70,000 కి.మీ. లేదా 7 సంవత్సరాలు పనిచేస్తుందని సుజుకి చెబుతోంది.

ఛార్జింగ్‌, డీలర్‌ నెట్‌వర్క్‌

భారతదేశవ్యాప్తంగా ఉన్న 1,200కి పైగా సుజుకి డీలర్‌షిప్‌ల్లో e-Access‌ను విక్రయిస్తారు. ప్రస్తుతం 240కి పైగా డీలర్‌షిప్‌లలో DC ఫాస్ట్‌ ఛార్జర్లు అందుబాటులో ఉన్నాయి. పోర్టబుల్‌ AC ఛార్జర్‌ను అన్ని డీలర్‌షిప్‌లలో ఇస్తున్నారు.

ధర, పోటీ

Suzuki e-Access ధర ₹1.88 లక్షలు (ఎక్స్‌-షోరూమ్‌, ఆంధ్రప్రదేశ్‌ & తెలంగాణ). ఈ ధర వద్ద ఇది Simple One Gen 2, Ather 450 Apex, TVS iQube 5.3kWh వంటి స్కూటర్లతో పోటీ పడుతుంది. ధర కాస్త ఎక్కువగా ఉన్నప్పటికీ, LFP బ్యాటరీ, బ్రాండ్‌ విలువ కారణంగా ఇది ప్రత్యేకంగా నిలుస్తోంది.

అదనపు ఆఫర్లు

సుజుకి ఈ స్కూటర్‌పై 7 సంవత్సరాలు / 80,000 కి.మీ. ఎక్స్‌టెండెడ్‌ వారంటీని అదనపు ఖర్చు లేకుండా ఇస్తోంది. అలాగే 3 సంవత్సరాలకు 60 శాతం బైబ్యాక్‌ అస్యూరెన్స్‌ కూడా అందిస్తోంది. డెలివరీలు మొదలైన తర్వాత Flipkart‌లో కూడా ఈ స్కూటర్‌ అందుబాటులోకి రానుంది.

ఇంకా ఇలాంటి ఆటోమొబైల్‌ వార్తలు & అప్‌డేట్స్‌ - "ABP దేశం" 'ఆటో' సెక్షన్‌ని ఫాలో అవ్వండి.

టాప్ హెడ్ లైన్స్

Driving In Fog: వింటర్ ఫాగ్‌లో కారు నడిపేటప్పుడు హజార్డ్ లైట్లు ఆన్ చేస్తున్నారా? ఈ విషయాలు తప్పక తెలుసుకోండి!
పొగమంచులో డ్రైవింగ్ చేస్తున్నారా? ఈ చిన్న పొరపాట్లు మీ ప్రయాణాన్ని ప్రమాదంలో పడేస్తాయి!
సింగిల్‌ ఛార్జ్‌తో Kia Syros EV నిజంగా ఎంత దూరం వెళ్తుంది? సిటీలో అదరగొట్టినా హైవేపై తగ్గిన రేంజ్!
Kia Syros EV రియల్‌ రేంజ్ టెస్ట్.. కంపెనీ చెప్పినట్లు నిజంగానే 526 కి.మీ. ప్రయాణించిందా?
Electric Aircraft: ఇంధనం అవసరం లేని ఎలక్ట్రిక్‌ విమానం రెడీ.. 60 కి.మీ. ప్రయాణించిన COMAC CE-25A ప్రత్యేకతలివే!
ఇప్పుడు ఎలక్ట్రిక్‌ విమానం వంతు.. 16 నిమిషాల్లో సక్సెస్‌ఫుల్‌గా 60 కి.మీ. ప్రయాణం
Scorpio N, Tata Safari, XUV 7XO.. ఈ మూడు SUVల్లో మీ ఫ్యామిలీకి ఏది బెస్ట్? ధర, పవర్, ఫీచర్ల పూర్తి పోలిక!
Scorpio N వర్సెస్‌ Tata Safari వర్సెస్‌ XUV 7XO.. ఈ మూడు SUVల్లో మీకు ఏది బెస్ట్?

వీడియోలు

Hyderabad's Korean Craze Taking Over Youth | హైదరాబాద్‌లో పెరుగుతున్న కొరియన్ కల్చర్ ప్రభావం
Bhuvneshwar Kumar Disastrous T20 Comeback | రీ-ఎంట్రీలో భువి ఘోర రికార్డు
India Women Vs Zimbabwe 2nd ODI | జింబాబ్వేపై భారత మహిళల జట్టు చారిత్రాత్మక విజయం
Team India World Record in T20 | ప్రపంచ క్రికెట్ చరిత్రలోనే తొలిసారి: 200 T20I విజయాలతో టీమ్ ఇండియా వరల్డ్ రికార్డ్
Virosh Couple Clarity on Divorce Rumours | ట్రోల్స్‌కు విజయ్, రష్మిక అదిరిపోయే కౌంటర్

ఫోటో గ్యాలరీ

వ్యక్తిగత కార్నర్

అగ్ర కథనాలు
టాప్ రీల్స్
Rahul Gandhi Fake Name: మారు పేరుతో రాహుల్ గాంధీని చదివించా.. రాజీవ్ గాంధీ హత్య రోజులను గుర్తుచేసుకున్న సోనియా గాంధీ
మారు పేరుతో రాహుల్ గాంధీని చదివించా.. రాజీవ్ గాంధీ హత్య రోజులను గుర్తుచేసుకున్న సోనియా గాంధీ
Cyclone Akvan: తుపానుగా బలపడిన తీవ్ర వాయుగుండం, పలు జిల్లాలకు మరో ముప్పు.. మత్స్యకారులకు వార్నింగ్
తుపానుగా బలపడిన తీవ్ర వాయుగుండం, పలు జిల్లాలకు మరో ముప్పు.. మత్స్యకారులకు వార్నింగ్
Lakshya Raichandani Reply: ఆసియా కప్ ఫైనల్ సంబరాలపై విమర్శలకు భారత కెప్టెన్ దిమ్మతిరిగే సమాధానం, కుర్రాళ్లకు అండగా నిలిచిన బీసీసీఐ
ఆసియా కప్ ఫైనల్ సంబరాలపై విమర్శలకు భారత కెప్టెన్ దిమ్మతిరిగే సమాధానం, కుర్రాళ్లకు అండగా నిలిచిన బీసీసీఐ
Bigg Boss Season 10 Today November 16th: బిగ్‌బాస్ సీజన్ 10 టుడే ఎపిసోడ్: అపూర్వ పాయింట్స్ హైలెట్! వంశీని పొడిచేసిన త్రిగుణ్‌! 'మబ్బు' లేనిదే 'వర్షం' లేదు?
బిగ్‌బాస్ సీజన్ 10 టుడే ఎపిసోడ్: అపూర్వ పాయింట్స్ హైలెట్! వంశీని పొడిచేసిన త్రిగుణ్‌! 'మబ్బు' లేనిదే 'వర్షం' లేదు?
సింగిల్‌ ఛార్జ్‌తో Kia Syros EV నిజంగా ఎంత దూరం వెళ్తుంది? సిటీలో అదరగొట్టినా హైవేపై తగ్గిన రేంజ్!
Kia Syros EV రియల్‌ రేంజ్ టెస్ట్.. కంపెనీ చెప్పినట్లు నిజంగానే 526 కి.మీ. ప్రయాణించిందా?
AP Special TET Results: ఏపీ స్పెషల్ టెట్‌ ఫలితాలు విడుదల.. 96.06 శాతం ఉత్తీర్ణత- రిజల్ట్స్ ఇలా చెక్ చేసుకోండి
ఏపీ స్పెషల్ టెట్‌ ఫలితాలు విడుదల.. 96.06 శాతం ఉత్తీర్ణత- రిజల్ట్స్ ఇలా చెక్ చేసుకోండి
BJP on Rahul Gandhi: భారత్ సమ్మిట్ వేదికగా దేశ ప్రతిష్ఠను దెబ్బతీశారు - రాహుల్ గాంధీ క్షమాపణ చెప్పాలని బీజేపీ డిమాండ్
భారత్ సమ్మిట్ వేదికగా దేశ ప్రతిష్ఠను దెబ్బతీశారు - రాహుల్ గాంధీ క్షమాపణ చెప్పాలని బీజేపీ డిమాండ్
Crime News: పోలీసు జీపు నుంచి లాగి మరీ చితక్కొట్టిన గ్రామస్తులు.. అంత దారుణం చేశాడు మరి!
పోలీసు జీపు నుంచి లాగి మరీ చితక్కొట్టిన గ్రామస్తులు.. అంత దారుణం చేశాడు మరి!
Embed widget