Skoda Kylaq: కొత్త కారు పేరును రివీల్ చేసిన స్కోడా - సంస్కృతంలో అర్థం ఏంటంటే?

Skoda Kylaq Meaning: ప్రముఖ కార్ల బ్రాండ్ స్కోడా తన కొత్త కారు పేరును అధికారికంగా ప్రకటించింది. దీనికి కైలాక్ అని పేరు పెట్టారు. దీని కోసం యూజర్ల మధ్య పోటీ కూడా పెట్టారు.

స్కోడా కైలాక్

Source : Skoda

Skoda India New SUV: స్కోడా ఇండియా తన కొత్త ఎస్‌యూవీ గురించి చాలా కాలం పాటు సస్పెన్స్‌ను కొనసాగించింది. కంపెనీ ఇప్పటికీ తన కొత్త కారుకు సంబంధించిన గ్లింప్స్‌ను చూపలేదు. ఈ కారు పేరును స్కోడా ఇండియా ఇప్పుడు ప్రకటించింది. కొత్త ఎస్‌యూవీ పేరును కూడా కంపెనీ ఆసక్తికర రీతిలో ప్రకటించింది.

పేరు కోసం పోటీ కూడా...
కొత్త ఎస్‌యూవీపై ప్రజల్లో క్రేజ్ పెంచేందుకు స్కోడా ఇండియా ఓ పోటీని నిర్వహించింది. ఈ పోటీలో కంపెనీ ప్రజలకు కొన్ని పదాలను ఇచ్చింది. దాని పేరు రివీల్ చేయడానికి వీటిని సాల్వ్ చేయాలి. ప్రజలు సూచించిన పేరు ప్రకారం కొత్త ఎస్‌యూవీకి పేరు పెట్టనున్నట్లు కంపెనీ ప్రకటించింది. ఇప్పుడు కంపెనీ వినియోగదారులు పంపిన పేర్ల నుంచి ఒక పేరును సెలక్ట్ చేసింది. ఈ కొత్త ఎస్‌యూవీ పేరును కూడా ప్రకటించింది. 

స్కోడా కొత్త ఎస్‌యూవీ పేరు ఏంటి?
స్కోడా తన కొత్త ఎస్‌యూవీకి స్కోడా కైలాక్ అని పేరు పెట్టింది. వీడియోను షేర్ చేస్తూ కంపెనీ ఈ పేరును ప్రకటించింది. దీంతో పాటు ఈ భూమిని ప్రజల దేశంగా అభివర్ణించారు. ఈ కొత్త ఎస్‌యూవీని ప్రజల కలలకు కూడా కంపెనీ లింక్ చేసింది.

స్కోడా కైలాక్ అంటే ఏమిటి?
స్కోడా నుంచి వచ్చిన ఈ కొత్త ఎస్‌యూవీ పేరును సంస్కృత భాష నుండి తీసుకున్నారు. కైలాక్ అంటే సంస్కృతంలో క్రిస్టల్ అని అర్ధం. భారతదేశంలోని ప్రజలు కైలాక్ అనే పేరుకు అత్యధికంగా ఓటు వేశారని కంపెనీ చెబుతోంది. 10 మంది విజేతల పేర్లను స్కోడా ఇండియా త్వరలో ప్రకటించనుంది.

Finally, it is the time for the big winner...

Congratulations to Mr. Mohammed Ziyad from Kerala for winning the all-new #SkodaKylaq. He will be the first owner when it is launched next year. New adventures and new explorations with your family await!#SkodaIndiaNewEra pic.twitter.com/KkOiJJHsIT

— Škoda India (@SkodaIndia) August 21, 2024