కేవలం 1500 మంది కొనగలిగే రెనాల్ట్ Renault Rafale Hypnotic, ఈ SUV ఎందుకంత స్పెషల్

కేవలం 1500 యూనిట్లు మాత్రమే తయారుకానున్న రెనాల్ట్ రఫేల్ హిప్నోటిక్ (Renault Rafale Hypnotic) కారు 300 HP హైబ్రిడ్ పవర్, ప్రత్యేకమైన డిజైన్‌తో అత్యంత ఎక్స్‌క్లూజివ్ SUVగా నిలిచింది.

రెనాల్ట్ రఫేల్ SUV

Source : Renault

Show Quick Read

Key points generated by AI, verified by newsroom

• రెనాల్ట్, పరిమిత సంఖ్యలో 'రఫేల్ హిప్నోటిక్' SUVని యూరోప్‌లో విడుదల చేసింది.
• ఈ 300hp హైబ్రిడ్ SUV ఆర్డర్లు 2026లో ప్రారంభమవుతాయి.
• నలుపు రంగు బాహ్య రూపం, ప్రీమియం క్యాబిన్ దీని ప్రత్యేకతలు.
• సోలార్‌బే గ్లాస్ రూఫ్, అధునాతన స్టీరింగ్ వ్యవస్థలు ఉన్నాయి.

రెనాల్ట్ కంపెనీ తన ఫ్లాగ్‌షిప్ SUV రఫేల్ లో లిమిటెడ్ ఎడిషన్‌ను విడుదల చేసింది. దీని పేరు 'రఫేల్ హిప్నోటిక్' అని కంపెనీ తెలిపింది. రెనాల్ట్ కంపెనీ దీనిని యూరప్ కోసం కేవలం 1,500 యూనిట్లకు పరిమితం చేయనుంది. భవిష్యత్తులో ప్రపంచ వ్యాప్తంగా లిమిటెడ్ ఎడిషన్ విక్రయించే అవకాశాలున్నాయి. ఈ కారు ప్రత్యేకత ఏమిటంటే, ప్రతి SUVకి ఒక ప్రత్యేకమైన నంబర్ (లిమిటెడ్ నంబరింగ్) కేటాయించనున్నారు. ఇది సాధారణ రఫేల్ కంటే దీనిని మరింత ప్రత్యేకంగా మారుస్తుంది.

రెనాల్ట్ కంపెనీ తెలిపిన వివరాల ప్రకారం, ఈ స్పెషల్ ఎడిషన్ కోసం ఫ్రాన్స్‌లో అక్టోబర్ 1, 2026 నుండి ఆర్డర్లు ప్రారంభం కానున్నాయి. అక్టోబర్‌లో జరగబోయే '2026 పారిస్ మోటార్ షో' (2026 Paris Motor Show)లో ఈ మోడల్‌ కారును రెనాల్ట్ ప్రదర్శించనుంది. ఈ ఏడాది చివరిలోగా ఫస్ట్ డెలివరీలు పూర్తవుతాయని  భావిస్తున్నారు. ఈ క్రమంలో ఈ కొత్త SUVలోని ప్రత్యేకతలు, ఫీచర్ల గురించి తెలుసుకుందామా.

రఫేల్ హిప్నోటిక్ స్పెషాలిటీకి గల కారణాలు

రఫేల్ హిప్నోటిక్‌ను రెనాల్ట్ కంపెనీ ప్రస్తుతం ఉన్న రఫేల్‌లోని మోస్ట్ పవర్‌ఫుల్ హైపర్ హైబ్రిడ్ ఇ-టెక్ 4x4 300 hp అటెలియర్ ఆల్పైన్ (Hyper Hybrid E-Tech 4x4 300 hp Atelier Alpine) వెర్షన్ ఆధారంగా తయారుచేస్తోంది. ఈ లిమిటెడ్ ఎడిషన్‌లో కేవలం లుక్ మార్చడమే కాదు, శక్తివంతమైన పవర్‌ట్రెయిన్, హైటెక్ డ్రైవింగ్ సిస్టమ్‌ను అలాగే కొనసాగించారు. ఇందులో ప్లగ్-ఇన్ హైబ్రిడ్ సెటప్ ఇచ్చారు. ఇందులో పెట్రోల్ ఇంజిన్‌తో పాటు 3 ఎలక్ట్రిక్ మోటార్లు కలిసి పనిచేస్తాయి. ఈ సిస్టమ్ మొత్తం అవుట్‌పుట్ 300 HP కాగా, ఈ కొత్త SUV ఆల్ వీల్ డ్రైవ్ సౌకర్యాన్ని పొందుతుంది. ఈ కారు పూర్తిగా ఎలక్ట్రిక్ మోడ్‌లోనే 105 కిలోమీటర్ల వరకు వెళ్లగలదని కంపెనీ తెలిపింది.

డార్క్ లుక్ ప్రత్యేక గుర్తింపు

హిప్నోటిక్ అనే పేరుకు తగినట్లే, రెనాల్ట్ కంపెనీ ఈ SUVకి చాలా భిన్నమైన, డార్క్ లుక్ ఇచ్చింది. దీనికి ప్రధాన ఆకర్షణ 'శాటిన్ ఫారెస్ట్ బ్లాక్' ఎక్స్‌టీరియర్ పెయింట్. దీనికి తోడు బ్లాక్ గ్రిల్, గ్లాస్ బ్లాక్ రూఫ్ ట్రిమ్, రియర్ స్పాయిలర్ ఇచ్చారు. ఈ SUVలో 21 ఇంచుల శాటిన్ ఫినిష్ అలాయ్ వీల్స్, అటెలియర్ ఆల్పైన్ బ్యాడ్జ్‌కి కూడా బ్లాక్ ట్రీట్‌మెంట్ ఇచ్చారు. 

లిమిటెడ్ ఎడిషన్ టచ్

కేబిన్ విషయంలోనూ రెనాల్ట్ సాధారణ మోడల్ కంటే భిన్నంగా చేసింది. ఇక్కడ బ్లాక్ ఆల్కాంటారా (Alcantara), టెక్స్చర్డ్ ఫ్యాబ్రిక్‌ను ఉపయోగించారు. సీట్లపై బ్లూ, వైట్, రెడ్ కలర్ స్టిచింగ్ ఇచ్చారు. ఆల్పైన్ బ్యాక్‌లిట్ 'A' లోగో సీట్లపై కనిపిస్తుంది. కస్టమర్ ఒక ప్రత్యేక డిజైన్ ఉన్న SUV మాత్రమే కాదు, లిమిటెడ్ ప్రొడక్షన్ నంబర్ ఉన్న కార్ లభిస్తుంది.

ఫీచర్లలో కూడా ప్రీమియం ప్యాకేజీ

రఫేల్ హిప్నోటిక్‌లో అనేక ఖరీదైన ఫీచర్లు ఇచ్చారు. వీటిలో సోలార్‌బే ఓపాసిఫయింగ్ గ్లాస్ రూఫ్, హెడ్-అప్ డిస్‌ప్లే, హీటెడ్ విండ్‌స్క్రీన్, హార్మన్ కార్డన్ (Harman Kardon)తో పాటు ప్రీమియం ఆడియో సిస్టమ్ ఉన్నాయి. రెనాల్ట్ 4 కంట్రోల్ అడ్వాన్స్‌డ్ ఫోర్-వీల్ స్టీరింగ్ సిస్టమ్, కెమెరా ఆధారిత అడాప్టివ్ సస్పెన్షన్ లభిస్తాయి. 300 HP హైబ్రిడ్ సెటప్‌తో పాటు ఆల్పైన్ ఇంజనీర్ల సహకారంతో రూపొందించిన స్పోర్ట్ టైప్ డిజైన్ ఇందులో భాగమే.

మరిన్ని చదవండి

Hyundai Verna EMI: రూ.15,000 లోపు EMIతో హ్యుందాయ్‌ వెర్నా కొనాలంటే ఎంత డౌన్‌పేమెంట్‌ చేయాలి?

1.3 లక్షలు డౌన్ పేమెంట్ చేసి Tata Aeris కారు కొనవచ్చు.. EMI ఎంత చెల్లించాలి