Ola Price Cut: ఓలా ఎలక్ట్రిక్ బైకులపై ఏకంగా రూ.25 వేల వరకు తగ్గింపు - ఆఫర్ ఎప్పటివరకు?
Ola Offers: ప్రముఖ ఎలక్ట్రిక్ స్కూటర్ల బ్రాండ్ ఓలా తన ఎలక్ట్రిక్ బైకులపై తగ్గింపును అందించింది.
Ola Electric cuts Electric Scooter prices: దేశంలోని ప్రముఖ ఎలక్ట్రిక్ ద్విచక్ర వాహనాల తయారీ సంస్థ ఓలా ఎలక్ట్రిక్ తన ఎస్1 ఎలక్ట్రిక్ స్కూటర్ లైనప్పై రూ. 25,000 వరకు తగ్గింపును ప్రకటించింది. అయితే ఈ ధరలు ఫిబ్రవరి నెలకు మాత్రమే వర్తిస్తాయి.
వేటి ధరలు తగ్గాయి?
కంపెనీ కేవలం ఎస్1 ప్రో, ఎస్1 ఎయిర్, ఎస్1 ఎక్స్+ (3 కేడబ్ల్యూహెచ్) మోడళ్ల ధరలను మాత్రమే తగ్గించింది. 2023 డిసెంబర్లో ఓలా ఎస్1పై రూ. 20,000 తగ్గింపును ప్రకటించింది. మీరు కూడా ఓలా ఎలక్ట్రిక్ స్కూటర్ని కొనుగోలు చేయాలనుకుంటే ఇదే సరైన సమయం కావచ్చు.
అన్ని వేరియంట్ల ప్రస్తుత, కొత్త ధరలు
1. మొదటి ఎస్1 ప్రో ధర - రూ 1,47,499; ఇప్పుడు దాని కొత్త ధర - రూ 1,29,999.
2. మొదటి ఎస్1 ఎయిర్ ధర - రూ 1,19,999; ఇప్పుడు దాని కొత్త ధర - రూ 1,04,999.
3. మొదటి ఎస్1 ఎక్స్+ ధర (3 కేడబ్ల్యూహెచ్) – రూ 1,09,999; ఇప్పుడు దాని కొత్త ధర - రూ 84,999.
ఈ నెల ప్రారంభంలో ఓలా తన మొత్తం ప్రొడక్ట్ రేంజ్కు ఎటువంటి అదనపు ఖర్చు లేకుండా కొత్త ఎనిమిది సంవత్సరాలు లేదా 80,000 కిలోమీటర్లకు ఎక్స్టెండెడ్ బ్యాటరీ వారంటీని అందించింది. ఇది కాకుండా కంపెనీ సర్వీస్ నెట్వర్క్ను సుమారు 50 శాతం విస్తరించే ప్రణాళిక ఉంది. కంపెనీకి దేశంలో మొత్తం 414 సర్వీస్ సెంటర్లు ఉన్నాయి. ఈ సంఖ్యను 2024 ఏప్రిల్ నాటికి 600కు పెంచనున్నారు.
టాప్ హెడ్ లైన్స్
ట్రెండింగ్ వార్తలు
