భారత్లో కొత్త Skoda Kushaq Facelift లాంచింగ్.. క్రెటా, డస్టర్లకు గట్టి పోటీ తప్పదు
Skoda Kushaq Facelift 2026 | స్కోడా కుషాక్ ఫేస్లిఫ్ట్ భారత మార్కెట్లో లాంచ్ అయింది. ఇందులో ఇప్పుడు పనోరమిక్ సన్రూఫ్ ఉంది. దీని డిజైన్, ఇంజిన్, ధరలకు సంబంధించిన వివరాలు ఇక్కడ తెలుసుకోండి.
స్కోడా కంపెనీ తన పాపులర్ SUV కుషాక్ (Skoda Kushaq) కొత్త ఫేస్లిఫ్ట్ వెర్షన్ను రూ. 10.69 లక్షల (ఎక్స్-షోరూమ్) ప్రారంభ ధరతో లాంచ్ చేసింది. ఈ SUV 5 వేర్వేరు వేరియంట్లలో అందుబాటులోకి వచ్చింది. ఇందులో కస్టమర్లకు మాన్యువల్, ఆటోమేటిక్ అనే రెండు ఆప్షన్లు లభిస్తాయి. స్కోడా కంపెనీ ఈసారి కారును గతంలో కంటే మోడ్రన్గా, ఫీచర్-లోడెడ్గా మార్చడంపై ఫోకస్ చేసినట్లు అర్థమవుతోంది. ఇంజిన్లో పెద్దగా మార్పులు చేయలేదు. కానీ 1 లీటర్ టర్బో పెట్రోల్ ఇంజిన్తో ఇప్పుడు కొత్త 8 స్పీడ్ ఆటోమేటిక్ గేర్బాక్స్ అందించారు. స్కోడా కుషాక్ ఫేస్లిఫ్ట్ గురించి మరిన్ని వివరాలు తెలుసుకుందాం.
గతంలో కంటే స్టైలిష్ లుక్
కొత్త స్కోడా కుషాక్ ఫేస్లిఫ్ట్ను చూస్తే, దీని డిజైన్పై ప్రత్యేకంగా పని చేసినట్లు స్పష్టంగా అర్థమవుతోంది. ముందు భాగంలో కొత్త బంపర్, సన్నని హెడ్ల్యాంప్స్, DRLలతో కూడిన కనెక్టెడ్ లైట్ బార్ ఇచ్చారు. ఇది దీనికి ప్రీమియం లుక్ను ఇస్తుంది. సైడ్ ప్రొఫైల్లో పెద్దగా మార్పులు లేవు. కానీ కొత్త 17 అంగుళాల అలాయ్ వీల్స్ కుషాక్ ఫేస్లిఫ్ట్ను మరింత ఆకర్షణీయంగా మారుస్తాయి. వెనుక భాగంలో కొత్త LED టెయిల్లైట్లు, సీక్వెన్షియల్ ఇండికేటర్లు, మెరిసే స్కోడా లోగో (Skoda Logo) ఇచ్చారు.
ఇంటీరియర్, ఫీచర్లు
ఈ స్కోడా SUV లోపలి డిజైన్ చాలా వరకు గతంలోలాగే ఉంది. కానీ ఇందులో కొన్ని కొత్త అప్డేట్లు ఇచ్చారు. కొత్త డ్యూయల్-టోన్ బ్లాక్, బేజ్ ఇంటీరియర్ దీనికి ఫ్రెష్ ఫీల్ను ఇస్తుంది. అతిపెద్ద మార్పు పనోరమిక్ సన్రూఫ్ (Panoramic Sunroof) ఈ కారులో చేర్చారు. ఫీచర్ల విషయానికి వస్తే ఇందులో 10.25 అంగుళాల డిజిటల్ డిస్ప్లే, 10.1 అంగుళాల టచ్స్క్రీన్, వైర్లెస్ ఆండ్రాయిడ్ ఆటో, ఆపిల్ కార్ప్లే, యాంబియంట్ లైటింగ్, AI అసిస్టెంట్ వంటి ఫీచర్లు లభిస్తాయి. ఇవి కాకుండా వెంటిలేటెడ్ సీట్లు, క్రూయిజ్ కంట్రోల్, వైర్లెస్ ఛార్జింగ్ వంటి ఫీచర్లు కూడా ఇచ్చారు.
సేఫ్టీ, ఇంజిన్ వివరాలు
భద్రత విషయంలో స్కోడా కంపెనీ ఎక్కడా తగ్గలేదు. ఇందులో 6 ఎయిర్బ్యాగ్లు, ఎలక్ట్రానిక్ స్టెబిలిటీ కంట్రోల్, హిల్ హోల్డ్ అసిస్ట్, పార్కింగ్ సెన్సార్లు, రియర్ కెమెరా వంటి ఫీచర్లు ఉన్నాయి. ఈ SUV డ్రైవర్, ప్రయాణీకులు ఇద్దరికీ సురక్షితమైనదని కంపెనీ చెబుతోంది. ఇంజిన్ ఆప్షన్లు గతంలో ఉన్నట్లే ఉన్నాయి. ఇందులో 1.0 లీటర్, 1.5 లీటర్ టర్బో పెట్రోల్ ఇంజిన్లు ఉన్నాయి. 1.5 లీటర్ ఇంజిన్తో 7 స్పీడ్ DCT గేర్బాక్స్ లభిస్తుంది. ఇది మెరుగైన పవర్, పర్ఫార్మెన్స్ను ఇస్తుంది.
ఏ కార్లకు పోటీ ఇస్తుంది
కొత్త స్కోడా కుషాక్ ఫేస్లిఫ్ట్.. హ్యుందాయ్ క్రెటా, కియా సెల్టోస్ (Kia Seltos), హోండా ఎలివేట్, మారుతీ గ్రాండ్ విటారా, టయోటా అర్బన్ క్రూయిజర్ వంటి కార్లతో పోటీ పడుతుంది. ఇవే కాకుండా వోక్స్వ్యాగన్ టైగన్ (Volkswagen Taigun) కూడా దీనికి పెద్ద పోటీదారుగా మారింది.
1.0-లీటర్ TSI టర్బో పెట్రోల్:
పవర్: 115 PS | టార్క్: 178 Nm
గేర్బాక్స్: 6-స్పీడ్ మాన్యువల్ / 8-స్పీడ్ ఆటోమేటిక్
మైలేజీ: సుమారు 18.0 - 19.5 kmpl
1.5-లీటర్ TSI టర్బో పెట్రోల్:
పవర్: 150 PS | టార్క్: 250 Nm
గేర్బాక్స్: 6-స్పీడ్ మాన్యువల్ / 7-స్పీడ్ DSG (DCT)
మైలేజీ: సుమారు 17.5 - 18.8 kmpl (ఇందులో యాక్టివ్ సిలిండర్ టెక్నాలజీ ఉండటంటో మైలేజీ మెరుగ్గా ఉంటుంది).
టాప్ హెడ్ లైన్స్
ట్రెండింగ్ వార్తలు
