రూ.16.85 లక్షలకే మహీంద్రా థార్ రాక్స్ Star Edition లాంచ్ - కొత్త కలర్, బ్లాక్ థీమ్తో హైలైట్
Mahindra Thar Roxx Star Edition రూ.16.85 లక్షల ఎక్స్-షోరూమ్ ధరకు లాంచ్ అయింది. బ్లాక్డ్ అవుట్ డిజైన్, కొత్త Citrine Yellow కలర్, పెట్రోల్, డీజిల్ ఇంజిన్ ఆప్షన్లతో వచ్చింది.
Mahindra Thar Roxx Star Edition Price And Specifications: మహీంద్రా, తన పాపులర్ SUV లైనప్లో మరో కొత్త ఆకర్షణను జోడించింది. తాజాగా Mahindra Thar Roxx Star Editionను భారత మార్కెట్లో లాంచ్ చేసింది. ఈ స్పెషల్ ఎడిషన్ రూ.16.85 లక్షల ఎక్స్-షోరూమ్ ధర నుంచి అందుబాటులోకి వచ్చింది. థార్ Roxxకు మరింత స్టైల్, ప్రీమియం టచ్ ఇవ్వడమే లక్ష్యంగా ఈ Star Editionను తీసుకొచ్చింది మహీంద్రా.
ఈ కొత్త ఎడిషన్ టాప్ స్పెక్ AX7L ట్రిమ్పై ఆధారపడి రూపొందింది. అయితే, మెకానికల్ అంశాల్లో మార్పులు చేయకుండా, ప్రధానంగా బ్లాక్డ్ అవుట్ ఎక్స్టీరియర్, ఇంటీరియర్ ఎలిమెంట్స్తో విజువల్ అప్గ్రేడ్ ఇచ్చింది. అంతేకాదు, థార్ Roxx కలర్ లైనప్లోకి కొత్త ‘Citrine Yellow’ షేడ్ను కూడా పరిచయం చేసింది.
ఎక్స్టీరియర్ డిజైన్ హైలైట్స్
Star Editionను సాధారణ థార్ Roxx నుంచి వేరు చూపించే విషయాల్లో... గ్లాస్ బ్లాక్ ఫినిష్ గ్రిల్, బ్లాక్ అలాయ్ వీల్స్. రెగ్యులర్ మోడల్లో బాడీ కలర్ గ్రిల్, సిల్వర్ అలాయ్స్ ఉంటాయి. ఇప్పుడు Star Editionలో బ్లాక్ ట్రీట్మెంట్ ఇవ్వడం వల్ల SUVకి మరింత అగ్రెసివ్, మస్కులర్ లుక్ వచ్చింది.
కొత్త Citrine Yellow కలర్తో పాటు, ఈ ఎడిషన్ Tango Red, Everest White, Stealth Black రంగుల్లో కూడా లభిస్తుంది. C పిలర్పై ప్రత్యేకమైన Star Edition బ్యాడ్జ్ కూడా ఇచ్చారు.
ఇంటీరియర్ మార్పులు
కేబిన్లోకి వెళ్తే, లైట్ కలర్ థీమ్ను తొలగించి ఆల్ బ్లాక్ ఇంటీరియర్ థీమ్ అందించారు. ఇందులో బ్లాక్ లెదరెట్ అపోల్స్టరీ, సూయెడ్ యాక్సెంట్స్ ఉన్నాయి. ఇది కేబిన్కు మరింత ప్రీమియం ఫీల్ను ఇస్తుంది.
ఫీచర్లు ఏంటంటే
ఫీచర్ల విషయంలో మాత్రం ఎలాంటి మార్పులు చేయలేదు. AX7 ట్రిమ్లో ఉన్న అన్ని ఫీచర్లు ఇక్కడ కూడా కొనసాగుతున్నాయి. ఈ Star Editionలో ఆల్ LED లైటింగ్, రెండు 10.25 అంగుళాల స్క్రీన్లు (ఇన్స్ట్రుమెంట్ క్లస్టర్, ఇన్ఫోటైన్మెంట్), ముందు వెంటిలేటెడ్ సీట్లు, 360 డిగ్రీ కెమెరా, వైర్లెస్ Apple CarPlay, Android Auto, పనోరమిక్ సన్రూఫ్, 9 స్పీకర్ల Harman Kardon సౌండ్ సిస్టమ్, టెర్రెయిన్ మోడ్స్ వంటి ఫీచర్లు అందుబాటులో ఉన్నాయి.
ఇంజిన్, గేర్బాక్స్ వివరాలు
మెకానికల్గా Thar Roxx Star Editionలో ఎలాంటి మార్పులు లేవు. ఇందులో 2.0 లీటర్ల పెట్రోల్ ఇంజిన్ (177hp, 380Nm), 2.2 లీటర్ల డీజిల్ ఇంజిన్ (175hp, 400Nm) ఆప్షన్లు ఉన్నాయి.
పెట్రోల్ వెర్షన్ ఆటోమేటిక్ గేర్బాక్స్తోనే లభిస్తుంది. డీజిల్లో మాత్రం మాన్యువల్, ఆటోమేటిక్ రెండూ ఉన్నాయి.
ముఖ్యంగా గమనించాల్సిన విషయం ఏంటంటే... Star Editionలో 4x4 ఆప్షన్ లేదు. ఇది రియర్ వీల్ డ్రైవ్ (RWD)గా మాత్రమే అందుబాటులో ఉంటుంది.
ధరల వివరాలు (ఎక్స్-షోరూమ్)
Star Edition Diesel MT - రూ.16.85 లక్షలు
Star Edition Diesel AT - రూ.18.35 లక్షలు
Star Edition Petrol AT - రూ.17.85 లక్షలు
మొత్తానికి, స్టైల్, ప్రీమియం లుక్, ఫీచర్లతో థార్ Roxx కోరుకునేవారికి Star Edition మంచి ఎంపికగా నిలుస్తోంది. అయితే, 4x4 లేకపోవడాన్ని ఆఫ్ రోడ్ అభిమానులు గమనించాలి.
ఇంకా ఇలాంటి ఆటోమొబైల్ వార్తలు & అప్డేట్స్ - "ABP దేశం" 'ఆటో' సెక్షన్ని ఫాలో అవ్వండి.
టాప్ హెడ్ లైన్స్
ట్రెండింగ్ వార్తలు
