KTM, Triumph, Bajaj, Harley, Aprilia - సబ్-650cc బైకులపై GST భారం, యూత్కు పెద్ద షాక్!
Sub 650cc bikes GST: కొత్త GST రేట్లతో 350cc దాటిన బైకులకు 40% పన్ను షాక్ తగిలింది. Royal Enfield 450/650 సహా KTM, Triumph, Bajaj, Harley-Davidson, Aprilia మోడళ్ల ధరలు 10-12% పెరగనున్నాయి.
New GST Rates Impact On Bikes: భారతీయ బైక్ మార్కెట్కి పెద్ద ట్విస్ట్ ఇచ్చింది సెంట్రల్ గవర్నమెంట్!. ఫైనాన్స్ మినిస్ట్రీ తాజాగా ప్రకటించిన కొత్త GST రేట్లతో, టూ వీలర్ ప్రేమికులకు ఒకవైపు రిలీఫ్ - మరోవైపు పెద్ద షాక్ దక్కింది.
350cc లోపల లాభం
ఇప్పటివరకు 28% GST పరిధిలో ఉన్న 350cc లేదా అంతకన్నా తక్కువ ఇంజిన్ బైక్లు, ఇకపై కేవలం 18% GST మాత్రమే చెల్లించాలి. అంటే Hero, Honda, TVS, Bajaj లాంటి పాపులర్ మోడళ్ల ధరలు కాస్త తగ్గుతాయి. చిన్న బైక్లు, స్కూటర్లకు ఇది సూపర్ న్యూస్.
350cc పైన - 650cc లోపు బైకులపై ఆర్థిక భారం
కానీ, 350cc దాటిన బైక్ కొనేవాళ్లకు అసలు షాక్ తగులుతుంది. ఇప్పటి వరకు 31% (28% GST + 3% సెస్) పన్ను ఉన్న 350cc పైబడిన బైక్లు ఇకపై నేరుగా 40% GST చెల్లించాలి. అంటే ధరలు భారీగా పెరుగుతాయి. ముఖ్యంగా యువతకు ఇష్టమైన Royal Enfield మోడళ్లు - 450cc Himalayan, 650cc Interceptor, Continental GT వంటివన్నీ సెప్టెంబర్ 22 నుంచి కొత్త రేట్లతో మరింత ఖరీదైనవిగా మారనున్నాయి.
ఏ బ్రాండ్లు ప్రభావితమవుతాయి?
Royal Enfield మాత్రమే కాదు. KTM, Triumph, Bajaj, Harley-Davidson, Aprilia లాంటి బ్రాండ్లు కూడా ఇండియాలో సబ్-650cc బైకులు తయారు చేస్తున్నాయి. ఇవన్నీ మధ్య తరగతి రైడర్లు భరించగలిగే రేట్లలో ప్రీమియం బైకులను అందిస్తున్నాయి. ఇకపై, ఆ బైకుల ధరలు 10-12% పెరుగుతాయి. ఎందుకంటే GST పెరుగుదలతో పాటు రిజిస్ట్రేషన్, ఇన్స్యూరెన్స్ ఖర్చులు కూడా పెరుగుతాయి.
CBU & CKD దిగుమతుల పరిస్థితి
దిగుమతి బైకులు కొనేవారికి ఇంకో పెద్ద షాక్. CBU (Completely Built Units), CKD (Completely Knocked Down) రూపంలో వచ్చే Ducati, Kawasaki, Triumph, Harley-Davidson, Aprilia కంపెనీల హై-ఎండ్ మోడళ్లు మరింత ఖరీదవుతాయి. ఈ పెరుగుదల లక్షల్లో ఉండవచ్చు.
అధిక పన్ను వేడిని తట్టుకునే 500cc కంటే తక్కువ బైక్ల లిస్ట్ ఇది:
| బైక్ తయారీ కంపెనీ | మోడల్ పేరు |
| Royal Enfield | Himalayan 450 |
| Royal Enfield | Guerrilla 450 |
| Royal Enfield | Interceptor 650 |
| Royal Enfield | Classic 650 |
| Royal Enfield | Continental GT 650 |
| Royal Enfield | Shotgun 650 |
| Royal Enfield | Bear 650 |
| KTM | 390 Adventure/X |
| KTM | 390 Enduro/R |
| KTM | 390 Duke |
| KTM | RC 390 |
| Triumph | Thruxton 400 |
| Triumph | Speed 400 |
| Triumph | Speed T4 |
| Triumph | Scrambler 400 X/XC |
| Bajaj | Pulsar NS400Z |
| Bajaj | Dominar 400 |
| Aprilia | RS 457 |
| Aprilia | Tuono 457 |
| Harley-Davidson | X440 |
| Husqvarna | Svartpilen 401 |
| BSA | Gold Star 650 |
యువత ఏం చేయాలి?
బైక్ కొనాలని ప్లాన్ చేస్తున్న వారు అయితే కాస్త జాగ్రత్త పడాలి. 350cc లోపల మోడళ్లను ఇప్పుడే బుక్ చేయకుండా, తగ్గిన GST అమల్లోకి వచ్చే వరకు (సెప్టెంబర్ 22, 2025) ఆగాలి. 450cc లేదా 650cc RE, KTM Duke, Triumph Speed, Harley X440 లాంటి మోడళ్లు చూడదలచినవారు కొత్త ధరలు అమల్లోకి రాకముందే నిర్ణయం తీసుకోవాలి.
టాప్ హెడ్ లైన్స్
ట్రెండింగ్ వార్తలు
