రెండు కొత్త వెర్షన్లతో వచ్చిన Hyundai Venue - "స్టాండర్డ్ వెర్షన్ vs N లైన్" మధ్య కీలక తేడాలేంటి?
హ్యుందాయ్, నవంబర్ 4న, Venue & Venue N Line ను లాంచ్ చేసింది. ఈ రెండు SUVల మధ్య ఉన్న కీలక తేడాలు, ఇంజిన్, ఫీచర్లు, ధర పరంగా ఏది బెస్ట్ అనేది ఇక్కడ తెలుసుకోండి.
2025 New Hyundai Venue vs Venue N Line Comparision: హ్యుందాయ్ మరోసారి మార్కెట్లో హాట్టాపిక్గా మారింది. ఈసారి కూడా, యువతరాన్ని ఆకట్టుకునేలా రెండు కొత్త వెర్షన్లలో వెన్యూ SUVలను లాంచ్ చేసింది - స్టాండర్డ్ వెన్యూ & స్పోర్టీ లుక్ ఉన్న వెన్యూ N లైన్. ఈ రెండు వేరియంట్లూ నవంబర్ 4, 2025న మార్కెట్లోకి వచ్చాయి. తెలుగు రాష్ట్రాల్లో వీటి బుకింగ్స్ కూడా ప్రారంభమయ్యాయి.
వేరియంట్లు & ఇంజిన్ ఆప్షన్లు
స్టాండర్డ్ వెన్యూ 7 వేరియంట్లలో (HX2 నుంచి HX10 వరకు) అందుబాటులోకి వచ్చింది. ఇందులో 3 రకాల ఇంజిన్ ఆప్షన్లు ఉన్నాయి -
1. 1.2 లీటర్ పెట్రోల్ ఇంజిన్ (83 హార్స్పవర్), 5-స్పీడ్ మాన్యువల్ గేర్బాక్స్తో.
2. 1.5 లీటర్ డీజిల్ ఇంజిన్ (116 హార్స్పవర్), 6-స్పీడ్ మాన్యువల్ లేదా ఆటోమేటిక్ గేర్బాక్స్తో.
3. 1 లీటర్ టర్బో పెట్రోల్ ఇంజిన్ (120 హార్స్పవర్), 6-స్పీడ్ మాన్యువల్ లేదా 7-స్పీడ్ DCT ఆటోమేటిక్ ఆప్షన్తో.
N లైన్ మాత్రం కేవలం టర్బో పెట్రోల్ ఇంజిన్తో మాత్రమే అందుబాటులో ఉంది.
ఎక్స్టీరియర్ లుక్
రెండు వెర్షన్లలోనూ LED లైట్ బార్, క్వాడ్ హెడ్ల్యాంప్స్, ఎల్-షేప్ DRLs ఉంటాయి. కానీ N లైన్లో స్పోర్టీ టచ్ ఎక్కువ. రెడ్ యాక్సెంట్స్, రెడ్ రూఫ్ స్ట్రైప్స్, బ్రేక్ కాలిపర్స్, డ్యూయల్ ఎగ్జాస్ట్ టిప్స్, N లైన్ బ్యాడ్జ్ ఇచ్చారు, వీటితో N లైన్ లుక్ మరింత ఆకర్షణీయంగా ఉంది. N లైన్లో 17-అంగుళాల స్టార్ డిజైన్ అలాయ్ వీల్స్ వచ్చాయి, స్టాండర్డ్ వెన్యూ మాత్రం 16-అంగుళాల వీల్స్తోనే లభిస్తుంది.
కలర్ ఆప్షన్లు
రెండు వెర్షన్లలో చాలా రంగులు ఒకేలా ఉన్నా, N లైన్కు ప్రత్యేకంగా డ్రాగన్ రెడ్ విత్ బ్లాక్ రూఫ్ కలర్ మాత్రమే అందుబాటులో ఉంది. మీకు ఈ కలర్ ఇష్టం అయితే, మీరు తప్పక N లైన్నే ఎంచుకోవాలి.
ఇంటీరియర్ డిజైన్
సాధారణ వెన్యూ డ్యుయల్ టోన్ ఇంటీరియర్తో వస్తే, N లైన్ మాత్రం ఆల్ బ్లాక్ స్పోర్టీ కేబిన్తో వచ్చింది. N లైన్లో ఉన్న స్పోర్ట్స్ స్టీరింగ్ వీల్, రెడ్ స్టిచింగ్, మెటల్ పెడల్స్, రెడ్ అంబియంట్ లైటింగ్, N లోగోతో ఉన్న సీట్లు యువతరాన్ని ఆకట్టుకునేలా ఉన్నాయి.
రెండు వెర్షన్లలోనూ 12.3 అంగుళాల డ్యుయల్ స్క్రీన్లు, బోస్ సౌండ్ సిస్టమ్, వైర్లెస్ ఆపిల్ కార్ప్లే & ఆండ్రాయిడ్ ఆటో, వెంటిలేటెడ్ సీట్లు వంటి ప్రీమియం ఫీచర్లు ఉన్నాయి.
సేఫ్టీ ఫీచర్లు
రెండు SUVలలోనూ 6 ఎయిర్బ్యాగ్లు, అన్ని చక్రాలకు డిస్క్ బ్రేక్లు, టైర్ ప్రెషర్ మానిటరింగ్ సిస్టమ్, ఎలక్ట్రానిక్ పార్కింగ్ బ్రేక్ ఉన్నాయి. కానీ N లైన్లో రియర్ రాడార్ యూనిట్ కూడా ఉండటంతో మొత్తం 21 ADAS ఫీచర్లు లభిస్తాయి, స్టాండర్డ్ వెన్యూ మాత్రం 16 ADAS ఫీచర్లతో వస్తుంది.
ఏది బెస్ట్?
మీ బడ్జెట్ పరిమితమైతే లేదా డీజిల్ ఇంజిన్ కావాలనుకుంటే స్టాండర్డ్ వెన్యూ సరైన ఆప్షన్. స్పోర్టీ డిజైన్, పవర్ఫుల్ ఇంజిన్, అదనపు సేఫ్టీ ఫీచర్లు కావాలంటే వెన్యూ N లైన్నే బెస్ట్ పిక్. ఈ రెండు SUVలు తమ పరిధిలో వేటికవే శక్తిమంతమైనవి, ఆకర్షణీయమైనవి. మీరు కోరుకునే లుక్, బడ్జెట్ ఆధారంగా ఎంపిక చేసుకోండి.
ఇంకా ఇలాంటి ఆటోమొబైల్ వార్తలు & అప్డేట్స్ - "ABP దేశం" 'ఆటో' సెక్షన్ని ఫాలో అవ్వండి.
Before You Go
Auto Expo 2023 Day 1 Highlights: ఎంతో హైప్ తో మొదలైన ఆటో ఎక్స్ పో మొదటి రోజు హైలైట్స్
టాప్ హెడ్ లైన్స్
ట్రెండింగ్ వార్తలు
