Hyundai Venue Updated Model News : వెన్యుకు తుది మెరుగులు దిద్దుతున్న హ్యుండయి.. లీకైన ఫొటోలతో ఇంట‌ర్నెట్ షేక్
భారత కార్ మార్కెట్లో సంచ‌ల‌నం సృష్టించాల‌ని హ్యుండయి భావిస్తోంది. రాబోయే రోజుల్లో భారీ మొత్తంలో మోడళ్లను ప్ర‌వేశ పెట్ట‌డంతోపాటు ఖ‌రీదైన లగ్జరీ బ్రాండ్ ను కూడా ఈ మార్కెట్లోకి తేవాల‌ని చూస్తోంది.
Hyundai updated Venue Latest News: భారతదేశ ఆటోమొబైల్ మార్కెట్లో తమ స్థానాన్ని మరింత పటిష్టం చేసుకునే దిశగా, Hyundai ఇటీవల తన 2025 ఇన్వెస్టర్ డేలో స‌రికొత్త ప్ర‌క‌ట‌న చేసింది. రాబోయే సంవత్సరాల్లో ఏకంగా 26 కొత్త మోడళ్లను భారత మార్కెట్లోకి ప్రవేశపెట్టేందుకు ప్రణాళికలు రచిస్తున్నట్లు ఆ సంస్థ వెల్లడించింది. ఈ ప్రకటనల్లో అత్యంత ఆసక్తికరమైన అంశం ఏమిటంటే, 2027 సంవత్సరానికల్లా Hyundai లగ్జరీ బ్రాండ్ అయిన Genesis భారతదేశంలో అడుగుపెట్టనుందని ధృవీకరించింది. ఇది దేశీయ లగ్జరీ కార్ల విభాగంలో కొత్త పోటీని సృష్టించనుందని ఆటో మోబైల్ దిగ్గజ నిపుణులు పేర్కొంటున్నారు.
ఫేస్‌లిఫ్ట్ డిజైన్ లీక్:
Hyundai ప్రస్తుతం దేశంలో అత్యంత ప్రజాదరణ పొందిన కాంపాక్ట్ ఎస్‌యూవీలలో ఒకటైన Venue అప్‌డేటెడ్ వెర్షన్‌ను త్వ‌రిత గ‌తిన అభివృద్ధి చేస్తోంది. రాబోయే ఫేస్‌లిఫ్ట్ మోడల్ దక్షిణ కొరియాలో టెస్టు చేస్తున్న ఫొటోలు ఇప్ప‌టికే ఇంట‌ర్నెట్ ను ఊపేశాయి. ఈ స్పై షాట్‌లు Venue డిజైన్‌లో రాబోయే కీలక మార్పులను స్పష్టంగా వెల్లడించాయి. కొత్త Venue యొక్క ముందు భాగంలో (ఫ్రంట్ ఎండ్‌) గణనీయమైన మార్పులు కనిపిస్తున్నాయి. కొత్త స్ప్లిట్ LED హెడ్‌ల్యాంప్స్ సెటప్‌తో పాటు, గ్లాస్ బ్లాక్ ప్యానెల్‌లో సన్నగా, పూర్తి-వెడల్పులో LED లైటింగ్ స్ట్రిప్ జోడించబడింది. పెద్ద గ్రిల్‌కు ఇరువైపులా భారీ C-ఆకారపు LED DRLలు (డే-టైమ్ రన్నింగ్ లైట్స్) ఉండటం గమనార్హం. ఫ్రంట్ బంపర్ డిజైన్ మరింత బలంగా కనిపిస్తూ, ఎయిర్ వెంట్‌లకు ఎక్కువ స్థలాన్ని కేటాయించినట్లుగా క‌నిపిస్తోంది.
డిజైన్ లో మార్పులు:
కొత్త Venue ప్రస్తుత మోడల్ ప్రధాన ఆకృతి (సిల్హౌట్‌) లో మార్పు లేనప్పటికీ, స్పై షాట్‌లు మరింత బాక్సీ డిజైన్ అంశాలను సూచిస్తున్నాయి. మరింత ఎత్తుగా కనిపించే వీల్ ఆర్చ్‌లు , చక్రాలు, డోర్ల గుండా వెళ్లే చంకీ సైడ్ క్లాడింగ్‌లు దీనికి దృఢమైన రూపాన్ని ఇస్తాయని విశ్లేష‌కులు చెబుతున్నారు. వెనుక భాగంలో మార్పులు తక్కువగా ఉన్నప్పటికీ, వెనుక C-పిల్లర్‌ను పునఃరూపకల్పన చేసి, స్ట్రైకింగ్ సిల్వర్ ట్రిమ్‌తో కూడిన వెనుక క్వార్టర్ గ్లాస్‌ను చేర్చిన‌ట్లు నిపుణులు అభిప్రాయం వ్య‌క్తం చేస్తున్నారు. ఇంటీరియర్ స్పై షాట్‌లు లేనప్పటికీ, తాజా స‌మాచారం ప్ర‌కారం కొత్త Venue లో పూర్తిగా కొత్త డాష్‌బోర్డ్ లేఅవుట్, డ్యూయల్ 10.2-అంగుళాల కర్వ్‌డ్ స్క్రీన్‌లు (ఇన్ఫోటైన్‌మెంట్ మరియు ఇన్‌స్ట్రుమెంటేషన్ కోసం) ఉండే అవకాశం ఉంది. ఈ అప్‌డేట్‌లో వెంటిలేటెడ్ ఫ్రంట్ సీట్లు, డ్యూయల్-జోన్ క్లైమేట్ కంట్రోల్ మరియు వైర్‌లెస్ స్మార్ట్‌ఫోన్ కనెక్టివిటీ వంటి ప్రీమియం ఫీచర్లు కూడా చేర్చబడతాయి. ఇంజిన్ ఆప్షన్ల విషయానికి వస్తే, ఫేస్‌లిఫ్ట్ మోడల్ ప్రస్తుత వెర్షన్‌లోని ఇంజిన్‌లనే కొనసాగించే అవకాశం ఉంది. అవి: 1.2-లీటర్ Kappa పెట్రోల్, 1.0-లీటర్ Turbo GDi పెట్రోల్, మరియు 1.5-లీటర్ U2 CRDi VGT డీజిల్ ఇంజిన్లు గా ఉండే అవకాశం ఉంద‌ని తెలుస్తోంది. Hyundai ఈ కొత్త ఆవిష్కరణలు ,Venue డిజైన్ మార్పులు భారతీయ వినియోగదారులకు మరింత మెరుగైన ఎంపికలను అందిస్తాయని ఆటో పరిశ్రమ నిపుణులు భావిస్తున్నారు.
టాప్ హెడ్ లైన్స్
ట్రెండింగ్ వార్తలు
