Hyundai India: హ్యాందాయ్‌ నుంచి 10 లక్షల బడ్జెట్‌లో ఉన్న మోడల్స్ ఇవే! కారు కొనే ముందు ఓ లుక్‌ వేయండి!

Q: పది లక్షల బడ్జెట్లో హ్యూందాయ్ నుండి ఎన్ని మోడల్స్ అందుబాటులో ఉన్నాయి?

పది లక్షల రూపాయల లోపు బడ్జెట్లో హ్యూందాయ్ దాదాపు 7 మోడల్స్ అందిస్తోంది. వీటిలో హ్యాచ్బ్యాక్లు, SUV, సెడాన్ వంటివి ఉన్నాయి.

Q: మైలేజీ విషయంలో ఏ హ్యూందాయ్ మోడల్ అగ్రస్థానంలో ఉంది?

హ్యూందాయ్ ఆరా మైలేజీ విషయంలో అగ్రస్థానంలో ఉంది. ఇది లీటర్కు 28.4 కిలోమీటర్లు ఇస్తుంది.

Hyundai India: భారత్ మార్కెట్‌లో హ్యూందాయ్‌ స్టైల్ పూర్తిగా విభిన్నమైంది. అలాంటి కంపెనీ బడ్జెట్‌లో అందిస్తున్న మోడల్స్ గురించి తెలుసుకుందాం.

Written By : Khagesh | Updated at : 15 Apr 2026 08:14 PM (IST)

Hyundai best models under 10 lakhs Take a look before buying a car Hyundai India: హ్యాందాయ్‌ నుంచి 10 లక్షల బడ్జెట్‌లో ఉన్న మోడల్స్ ఇవే! కారు కొనే ముందు ఓ లుక్‌ వేయండి!

హ్యాందాయ్‌ నుంచి 10 లక్షల బడ్జెట్‌లో ఉన్న మోడల్స్ ఇవే! కారు కొనే ముందు ఓ లుక్‌ వేయండి!

Source : Social Media

Show Quick Read

Key points generated by AI, verified by newsroom

హ్యుందాయ్ 7 మోడళ్లను ₹10 లక్షల లోపు అందిస్తుంది.
గ్రాండ్ ఐ10 నియోస్, ఎక్స్టర్, ఆరా, ఐ20 అందుబాటులో ఉన్నాయి.
ఎక్స్టర్, వెన్యూలలో ప్రీమియం ఫీచర్లు, భద్రత కల్పించారు.
ఈ ఏడాది బేకాన్, ఎక్స్టర్ ఫేస్‌లిఫ్ట్ మోడళ్లు రానున్నాయి.

Hyundai India: భారత్ ఆటోమొబైల్ మార్కెట్‌లో చాలా కంపెనీలు ఉన్నాయి. ఒక్కో విభాగంలో ఒక్కో కంపెనీ వినియోగదారులను ఆకట్టుకుంటున్నాయి. అలాంటి ప్రజాదరణ పొందిన బ్రాండ్‌లలో హ్యూందాయ్ ఒకటి. స్టైలిష్ డిజైన్, అత్యాధునిక సాంకేతికత, నమ్మకమైన సర్వీస్ ఇవ్వడంలో హ్యాందాయ్ ముందంజలోనే ఉంటుంది. అందుకే ప్రజలకు ఈ బ్రాండ్ అంటే మక్కువ. అలాంటి బ్రాండ్ నుంచి పది లక్షల బడ్జెట్‌లో అందిస్తున్న మోడల్స్ గురించి తెలుసుకోవడం చాలా అవసరం.

పది లక్షల లోపు అందుబాటులో ఉన్న మోడల్స్ ఇవే

పది లక్షల రూపాయల లోపు బడ్జెట్‌లో హ్యాందాయ్ దాదాపు 7 మోడల్స్‌ను అందిస్తోంది. ఇందులో హ్యాచ్‌బ్యాక్‌లు, ఎస్‌యూవీ, సెడాన్ కూడా ఉన్నాయి. ఈ బడ్జెట్‌లో మొదట వినిపించే పేరు హ్యూందాయ్‌ గ్రాండ్ ఐ10 నియోస్‌. దీని ఎక్స్ షోరూమ్ ధర 5.55 లక్షల నుంచి ప్రారంభమవుతుంది. ఇది సిటీ డ్రైవింగ్‌కు అత్యంత అనువైన హ్యాచ్‌బ్యాక్. తర్వాత స్థానం హ్యాందాయ్‌ ఎక్స్టర్‌ది. ఈ మైక్రో ఎస్‌యూవీ ధర 5.80 లక్షల నుంచి 9.42 లక్షల మధ్య ఉంటుంది. ఇది పెట్రోల్, సీఎన్జీ వేరియంట్లలో లభిస్తుంది. హ్యూందాయ్ ఆరా పది లక్షల లోపు లభించే ఏకైక సెడాన్ మోడల్. దీని ధర ఆరు లక్షల నుంచి 8.54 లక్షల మధ్య ఉంటుంది. కొంచెం ప్రీమియం కోరుకుంటే హ్యాచ్‌బ్యాక్ విభాగంలో ఐ20 మంచి ఆప్షన్. దీని ధర 5.99 లక్షల నుంచి ప్రారంభమై 11.53 లక్షల వరకు ఉంటుంది. ఈ విభాగంలో ఎక్కువ ఖరీదైన కారు హ్యూందాయ్ వెన్యూ. ఇది ఎనిమిది లక్షల నుంచి 15.51 లక్షల మధ్య లభిస్తుంది.

పెట్రోల్, సీఎన్జీ మాత్రమే కాకుండా, ఈ విభాగంలో డీజిల్ ఇంజిన్ కావాలనుకునే వారికి హ్యూందాయ్‌ వెన్యూ మాత్రమే ఏకైక ఎంపిక. మైలేజీ విషయంలో హ్యూందాయ్ ఆరా అగ్రస్థానంలో ఉంది. ఇది లీటర్‌కు 28.4 కిలోమీటర్లు ఇస్తుంది. బడ్జెట్ కార్లలో కూడా అలాయ్‌ వీల్స్, క్రూయిజ్ కంట్రోల్, సన్‌రూఫ్, రివర్స్ కెమెరా, ఆండ్రాయిడ్ ఆటో, ఆపిల్ కార్‌ప్లే వంటి ఫీచర్లును ఎక్స్టర్‌, వెన్యూ వంటి మోడల్స్‌లో అందిస్తున్నాయి. ఈ విభాగంలోని కార్లలో మెజారిటీ మోడల్స్ ఆరు ఎయిర్ బ్యాగ్‌లతో వస్తున్నాయి. ఇది ప్రయాణికుల భద్రతకు హ్యూందాయ్ అధిక ప్రాధాన్యత ఇస్తుంది.

కొత్తగా వచ్చే మోడల్స్‌ ఏమైనా ఉన్నాయా?

ఈ ఏడాది మధ్యలో హ్యాందాయ్‌ బేకాన్ రావచ్చని చెబుతున్నారు. ఇది 8 లక్షల నుంచి 15 లక్షల వరకు ఉండవచ్చని అంచనా. ఈ ఏడాది చివరి నాటికి హ్యూందాయ్ ఎక్స్టర్‌ ఫేస్‌లిఫ్ట్ తీసుకురానున్నారు.

మీరు తక్కువ ఖర్చుతో కూడిన నిర్వహణ, హై మైలేజీ కావాలనుకుంటే హ్యూదాయ్ ఆరా మంచిది. ఎస్‌యూవీ లుక్, సిటీలో డ్రైవింగ్‌కు వీలుగా ఉండాలంటే హ్యూందాయ్ ఎక్స్టర్‌ ఎంచుకోవచ్చు. డీజిల్‌ ఇంజిన్, రఫ్‌ రోడ్లలో ప్రయాణాలకు హ్యూందాయ్ వెన్యూ సరైన ఎంపిక కావచ్చు.