Driving Licence Update: డ్రైవింగ్‌ లైసెన్స్‌లో మొబైల్‌ నంబర్‌ మార్చుకోవాలా?, సింపుల్‌ ఆన్‌లైన్‌ ప్రాసెస్‌
డ్రైవింగ్‌ లైసెన్స్‌లో మీ మొబైల్‌ నంబర్‌ అప్‌డేట్‌ చేయకపోతే చలాన్లు, రెన్యువల్‌ అలర్ట్స్‌, సస్పెన్షన్‌ నోటీసులు మిస్‌ అవుతాయి. Parivahan ద్వారా నంబర్‌ అప్‌డేట్‌ చేసే సులభమైన ప్రాసెస్‌ ఈ కథనంలో.
Update Mobile Number On Driving Licence Online: చెల్లుబాటు అయ్యే డ్రైవింగ్‌ లైసెన్స్‌ మీ దగ్గర ఉన్నప్పటికీ, అందులో ఉన్న మీ మొబైల్‌ నంబర్‌ పాతది లేదా తప్పుగా ఉందా?. అయితే మీరు జాగ్రత్తగా ఉండాలి. ఎందుకంటే, ఆ నంబర్‌ మీదే ట్రాఫిక్‌ చలాన్లు, రెన్యువల్‌ రిమైండర్లు, లైసెన్స్‌ సస్పెన్షన్‌ అలర్ట్స్‌ వంటివి వస్తాయి. పాత మొబైల్‌ నంబర్‌ ఉంటే ఇవన్నీ మీకు రాకపోవచ్చు & మీకు తెలియకపోవచ్చు. దీనివల్ల, లైసెన్స్‌ గడువు మిస్‌ అవ్వడమో, చలాన్లు టైమ్‌లో క్లియర్‌ చేయకపోవడమో జరిగే ప్రమాదం ఉంది.
మొబైల్‌ నంబర్‌ ఎందుకు అప్‌డేట్‌ చేయాలి?
ప్రస్తుతం ట్రాన్స్‌పోర్ట్‌ శాఖ అన్ని కమ్యూనికేషన్లను మొబైల్‌ నంబర్‌ ఆధారంగా పంపిస్తోంది. లైసెన్స్‌కు లింక్‌ అయి ఉన్న నంబర్‌ తప్పు అయితే మీకు ముఖ్యమైన నోటీసులు రాకపోవచ్చు. ఇది ముఖ్యంగా పాత డ్రైవర్లకు సమస్య అవుతోంది. అందుకే, అందరికీ మొబైల్‌ నంబర్‌ వెరిఫై చేయమని కేంద్ర ప్రభుత్వం సూచించింది.
మొబైల్‌ నంబర్‌ ఎక్కడ అప్‌డేట్‌ చేయాలి?
మొబైల్‌ నంబర్‌ అప్‌డేట్‌ చేయడం చాలా సులభం. ఇందుకోసం మీరు Parivahan.gov.in వెబ్‌సైట్‌ లేదా మీ రాష్ట్ర ట్రాన్స్‌పోర్ట్‌ వెబ్‌సైట్‌ (ఉదాహరణకు TS Transport లేదా AP Transport) ఓపెన్‌ చేయాలి.
స్టెప్‌ బై స్టెప్‌ ప్రాసెస్‌
1. వెబ్‌సైట్‌ ఓపెన్‌ చేసి Driving Licence Services సెక్షన్‌లోకి వెళ్లండి.
2. “Update Mobile Number” అనే ఆప్షన్‌ను సెలెక్ట్‌ చేయండి.
3. లైసెన్స్‌ వివరాలు ఎంటర్‌ చేసి, OTP ద్వారా వెరిఫై చేయండి.
4. కొత్త మొబైల్‌ నంబర్‌ ఎంటర్‌ చేసి, సబ్మిట్‌ చేయండి.
5. కన్ఫర్మేషన్‌ పేజీని సేవ్‌ చేసుకోండి లేదా స్క్రీన్‌ షాట్‌ తీసుకోండి.
చాలా మంది సీనియర్‌ డ్రైవర్లు, తమ డ్రైవింగ్‌ లైసెన్స్‌కు పాత నంబర్లు లింక్‌ చేసుకొని ఉన్నారు. వాళ్లందరికీ ఈ ఆన్‌లైన్‌ ప్రాసెస్‌ తెలియకపోవచ్చు. కాబట్టి మీ కుటుంబంలో ఉన్న పెద్దవారికి లేదా స్నేహితులకు కూడా ఈ అప్‌డేట్‌ చేయడంలో సహాయం చేయండి.
నంబర్‌ అప్‌డేట్‌ చేయకపోతే ఏమవుతుంది?
అధికారులు చెప్పిన ప్రకారం, పాత నంబర్‌ వల్ల చలాన్లు లేదా లైసెన్స్‌ రీన్యువల్‌ అలర్ట్స్‌ రాకపోతే, లైసెన్స్‌ తాత్కాలికంగా సస్పెండ్‌ అవ్వడం కూడా జరగవచ్చు. ఈ విషయం తెలియక మీరు బండి తీసుకుని రోడ్డుపైకి వెళ్లినప్పుడు చట్టపరమైన చిక్కుల్లో పడతారు. ఈ పరిస్థితిని తప్పించుకోవడానికి ముందుగానే మీ మొబైల్‌ నంబర్‌ సరి చేసుకోవడం మంచిది.
యువతకు ప్రత్యేక సూచన
యువ డ్రైవర్లు ఎక్కువగా ఆన్‌లైన్‌ సర్వీసులు వాడుతున్నా, చాలా మంది డ్రైవింగ్‌ లైసెన్స్‌లో పాత నంబరే ఉంది. కొత్త సిమ్‌ తీసుకున్నా, మారినా లైసెన్స్‌లో అప్‌డేట్‌ చేయడం మర్చిపోవద్దు. ఇది కొన్ని నిమిషాల్లో పూర్తి చేసుకునే సింపుల్‌ ఆన్‌లైన్‌ స్టెప్‌.
మీ లైసెన్స్‌ వివరాలు అప్‌డేట్‌గా ఉంటేనే రవాణా శాఖ నుంచి వచ్చే మెసేజ్‌లు, అలర్ట్స్‌ సకాలంలో మీకు చేరతాయి. ఆలస్యం చేయకుండా ఇప్పుడు వెంటనే Parivahan పోర్టల్‌లోకి వెళ్లి మీ మొబైల్‌ నంబర్‌ అప్‌డేట్‌ చేసుకోండి, డ్రైవింగ్‌లో ఇబ్బంది లేకుండా ముందుకు సాగండి.
ఇంకా ఇలాంటి ఆటోమొబైల్‌ వార్తలు & అప్‌డేట్స్‌ - "ABP దేశం" 'ఆటో' సెక్షన్‌ని ఫాలో అవ్వండి.
టాప్ హెడ్ లైన్స్
ట్రెండింగ్ వార్తలు
