Honda తీసుకొచ్చిన 2 అడ్వెంచర్ బైక్స్ XR300L, XR300 Rally.. ధర, ఫీచర్లు చూసి కొనేయండి

భారత్‌లో హోండా కంపెనీ XR300L, XR300 Rallyలను లాంచ్ చేసింది. వీటి ధర, ఫీచర్లతో పాటు ఇంజిన్, ఆఫ్‌రోడ్ హార్డ్‌వేర్, ఈ రెండు బైక్‌ల స్పెషాలిటీ తెలుసుకోండి..

హోండా కొత్త బైక్స్

Source : Honda XR300L and XR300

Show Quick Read

Key points generated by AI, verified by newsroom

• హోండా XR300L, Rally బైకులు ₹1.83, ₹2.08 లక్షలకు వచ్చాయి.
• రెండు మోడళ్లలో శక్తివంతమైన 293.5cc ఇంజిన్, అధునాతన హార్డ్‌వేర్ ఉన్నాయి.
• భారతదేశంలో తయారైన ఇవి KTM వంటి వాటికి గట్టి పోటీనిస్తాయి.

హోండా మోటార్‌సైకిల్, స్కూటర్ భారత మార్కెట్లో అడ్వెంచర్, డ్యూయల్-స్పోర్ట్ సెగ్మెంట్‌ను బలోపేతం చేస్తోంది. అందులో భాగంగా 2 కొత్త బైక్స్ లాంచ్ చేసింది. కంపెనీ హోండా XR300L, XR300 Rallyలను అక్టోబర్ 5న భారత్‌లో లాంచ్ చేసింది. వీటి ఎక్స్-షోరూమ్ ధరలు వరుసగా 1.83 లక్షలు, 2.08 లక్షలుగా నిర్ణయించారు. ఈ రెండు మోటార్‌సైకిళ్లు మన దేశంలో తయారవుతున్నాయి. వీటి విక్రయాలు హోండా బిగ్‌వింగ్ (Honda BigWing) డీలర్‌షిప్‌ల ద్వారా చేస్తున్నారు. ఈ 2 మోడళ్లు జూలైలో హోండా ప్రదర్శించిన 10 కొత్త టూ-వీలర్ల పెద్ద ప్రొడక్టులో భాగమని తెలిసిందే. హోండా XR300Lను మరింత వర్సటైల్ డ్యూయల్ స్పోర్ట్ బైక్‌గా నిలబెట్టాయి. హోండా XR300 Rallyని మరింత అడ్వెంచర్, ఆఫ్‌రోడ్ ఫోకస్ బైకుగా తీసుకొచ్చారు. అంటే హోండా ఒకే ప్లాట్‌ఫారమ్ నుంచి భిన్నమైన రైడర్లను టార్గెట్ చేస్తోంది. 

293.5 సీసీ ఇంజిన్‌తో పాటు పవర్ ఫుల్ హార్డ్‌వేర్

హోండా XR300L, హోండా XR300 Rally రెండింటిలోనూ 293.5cc ఎయిర్, ఆయిల్-కూల్డ్ సింగిల్ సిలిండర్ ఇంజిన్ ఇస్తున్నారు. అంతర్జాతీయ స్పెసిఫికేషన్ ఆధారంగా ఈ ఇంజిన్ 24.3 hp, 26.5 Nm ఔట్ పుట్ జనరేట్ చేస్తుంది. హోండా ఇంకా తన ఇండియా వెబ్‌సైట్‌లో బైక్‌ల పూర్తి స్పెసిఫికేషన్, పెర్ఫార్మెన్స్ వివరాలు అప్‌డేట్ చేయలేదు. రెండు బైక్‌లలో లాంగ్ ట్రావెల్ సస్పెన్షన్, ప్రో-లింక్ రియర్ మోనోషాక్ వంటి హార్డ్‌వేర్ లభిస్తున్నాయి. ఇవి కాస్త అనుకూలంగా లేని రోడ్లపై జర్నీలో సహాయపడతాయి. వీటితోపాటు స్విచబుల్ డ్యూయల్ ఛానల్ ABS, హోండా సెలెక్టబుల్ టార్క్ కంట్రోల్ (HSTC) అందించారు. XR300L డిజైన్ మరింత ప్రాక్టికల్ డ్యూయల్ స్పోర్ట్ లక్షణాలు కలిగి ఉంది.  Rally వెర్షన్‌లో  మరింత అడ్వెంచర్ టైప్ సెటప్ లభిస్తుంది.

XR300 Rally ఎందుకంత స్పెషల్ 

సాధారణ రోడ్లతో పాటు ఛాలెంజింగ్ ప్రదేశాలలో బైక్ నడపాలని కోరుకునే రైడర్ల కోసం హోండా XR300 Rallyని తయారు చేశారు. ఇందులో XR300Lతో పోలిస్తే మరింత బాడీవర్క్, పెద్ద విండ్‌స్క్రీన్ వస్తాయి. హోండా రోడ్‌సింక్ స్మార్ట్‌ఫోన్ కనెక్టివిటీ కూడా ఇందులో భాగమే. మరోవైపు XR300Lతో పోల్చితే కొంచెం భిన్నంగా ఉంటుంది. 

రెండు బైక్‌ల బరువు, రైడింగ్ డైనమిక్స్ వాటి అడ్వెంచర్ ఫోకస్డ్ స్వభావానికి అనుగుణంగా ఇచ్చారు. అత్యంత ముఖ్యమైన విషయం ఏంటంటే, హోండా ఈ 2 మోడళ్లను భారత మార్కెట్ కోసం దేశంలోనే తయారుచేసింది. దీని వల్ల కంపెనీకి ఈ సెగ్మెంట్‌లో తక్కువ ధరతో ఇతర కంపెనీలకు పోటీ ఇవ్వొచ్చు. KTM, ఇతర అడ్వెంచర్ బైక్‌లకు గట్టి పోటీ తప్పవని చెప్పవచ్చు.

మరిన్ని చదవండి

సరికొత్తగా మార్కెట్లోకి Skoda Slavia Facelift.. హైదరాబాద్‌లో ధర ఎంతంటే.. ఫీచర్ల వివరాలు

Toyota Glanza కొనడం ఇప్పుడు చాలా సులభం, నెలకు రూ.10,000 కూడా అవసరం లేదు!