Honda Amaze Vs Maruti Dzire: రెండు కార్లకూ 5 స్టార్ రేటింగ్! కానీ స్కోర్లు, సేఫ్టీ ఫీచర్లలో ఏ కార్ బెస్ట్?
Honda Amaze, Maruti Dzire రెండు కార్లు Bharat NCAPలో 5 స్టార్ రేటింగ్ తెచ్చుకున్నాయి. అయితే AOP, COP స్కోర్లు, క్రాష్ టెస్ట్ ఫలితాలు, సేఫ్టీ ఫీచర్లలో ఏ కార్ ముందుందో ఈ వివరాలతో స్పష్టమవుతుంది.
Honda Amaze Vs Maruti Dzire Safety Rating: భారత ఆటో మార్కెట్లో సబ్‌–4 మీటర్‌ సెడాన్‌లకు మంచి డిమాండ్ ఉంది. ఈ సెగ్మెంట్‌లో హోండా అమేజ్, మారుతి సుజుకి డిజైర్ మధ్య పోటీ ఎప్పటి నుంచో కొనసాగుతోంది. 2025లో భారత్ NCAP టెస్ట్‌లు జరిగాక ఈ రెండు కార్లూ 5 స్టార్ రేటింగ్ సాధించాయి. అయితే స్కోర్లు, ఇండివిడ్యువల్‌ టెస్ట్ ఫలితాల్లో ఏ కారు ముందుంది? ప్రజలకు ప్రాక్టికల్‌గా ఏ కార్ సేఫ్ అనేది ఈ స్టోరీతో స్పష్టంగా అర్ధమవుతుంది.
AOP స్కోరు: రెండు కార్లకు 5 స్టార్ – కానీ డిజైర్ కొద్దిగా ముందుంది
Honda Amaze – 28.33/32
Maruti Dzire – 29.46/32
రెండు కార్లకూ 5 స్టార్ రేటింగ్ వచ్చినా, డిజైర్ మొత్తం స్కోరులో 1.13 పాయింట్లు ఎక్కువ సాధించింది. అంటే ఫ్రేమ్ స్ట్రక్చర్, ఇంపాక్ట్ అబ్జార్ప్షన్ విషయంలో అది కొంచెం మెరుగ్గా ఉంది.
ఫ్రంటల్ క్రాష్ టెస్ట్‌లో అమేజ్‌కు అడ్వాంటేజ్
Amaze లో డ్రైవర్, కో–డ్రైవర్ రెండు సీట్లకూ హెడ్, నెక్, పెల్విస్, థైస్, ఫీట్ అన్నీ ‘గుడ్’ ప్రొటెక్షన్ ఇచ్చాయి. డ్రైవర్ ఛెస్ట్, టిబియాస్ మాత్రమే ‘అడిక్వేట్’ రేటింగ్ పొందాయి.
Dzire లో... డ్రైవర్ ఛెస్ట్‌కు ‘వీక్’ రేటింగ్ రావడం గమనించాల్సిన విషయం. కో-డ్రైవర్ ఛెస్ట్ ‘అడిక్వేట్’ రేటింగ్ పొందింది.
హోండా అమేజ్ ఫ్రంటల్ ఆఫ్‌సెట్ టెస్ట్ స్కోరు మెరుగ్గా రావడానికి ఇదే ప్రధాన కారణం.
సైడ్ బారియర్ టెస్ట్‌లో డిజైర్ విజయవంతం
ఈ టెస్ట్‌లో:
Amaze – హెడ్, అబ్డమెన్, పెల్విస్ - ‘గుడ్’ రేటింగ్ & ఛెస్ట్ - ‘మార్జినల్’ (సేఫ్టీ స్థాయిలో తగ్గుదల)
Dzire – అన్నింటికీ ‘గుడ్’, ఛెస్ట్‌కు ‘అడిక్వేట్’ రేటింగ్.
ఈ ఫలితం కారణంగా, సైడ్ ఇంపాక్ట్ టెస్ట్‌లో మారుతి డిజైర్ 1.29 పాయింట్లు ఎక్కువ సాధించింది.
సైడ్ పోల్ ఇంపాక్ట్ టెస్ట్: రెండు సమానంగా బలమైన కార్లు
ఈ టెస్ట్‌లో రెండు కార్లూ అన్ని క్రిటికల్ భాగాలకు ‘గుడ్’ ప్రొటెక్షన్ అందించాయి. అంటే, రియల్ వరల్డ్‌లో హార్డ్ ఇంపాక్ట్‌లో కూడా రెండు కార్లూ మంచి రక్షణ ఇస్తాయి.
COP స్కోర్లు: పిల్లల భద్రతలో డిజైర్ ముందుంది
Honda Amaze – 40.81/49
Maruti Dzire – 41.57/49
రెండు కార్లలోనూ 18 నెలల డమ్మీలకు సైడ్ ప్రొటెక్షన్ పర్ఫెక్ట్‌గా వచ్చింది. ఫ్రంటల్ ప్రొటెక్షన్ విషయంలో అమేజ్ 8/8 పాయింట్లు సాధించగా, డిజైర్ 7.57 సాధించింది. అయినా తుది COP స్కోరులో డిజైర్ వరల్డ్ అసెస్‌మెంట్‌లో 1 పాయింట్ అదనంగా పొందింది. అందుకే డిజైర్‌కు 5 స్టార్, అమేజ్‌కు 4 స్టార్ రేటింగ్ వచ్చింది.
సేఫ్టీ ఫీచర్లు: అమేజ్‌లో మునుపెన్నడూ లేని అడ్వాంటేజ్
రెండు కార్లలో కూడా స్టాండర్డ్‌గా ఉన్న ఫీచర్లు:
- 6 ఎయిర్‌బ్యాగ్స్
- ISOFIX మౌంట్స్
- ESC
- హిల్ హోల్డ్
- 3-పాయింట్ సీట్‌బెల్ట్‌లు
Amaze ప్రత్యేకతలు: సెగ్మెంట్-ఫస్ట్ Level 1 ADAS, లేన్ వాచ్ కెమెరా
Dzire ప్రత్యేకత: 360° కెమెరా
ధరలు (ఎక్స్-షోరూమ్):
Honda Amaze – ₹7.41 లక్షలు నుంచి ₹10 లక్షలు (ఎక్స్-షోరూమ్)
Maruti Dzire – ₹6.26 లక్షలు నుంచి ₹9.31 లక్షలు (ఎక్స్-షోరూమ్)
ఈ ధరల్లో డిజైర్ మరింత అందుబాటులో ఉంటుంది.
ఫైనల్‌గా...
- అమేజ్ ఫ్రంటల్ క్రాష్ టెస్ట్‌లో మెరుగ్గా రాణించింది.
- డిజైర్ సైడ్ ఇంపాక్ట్ & చైల్డ్ సేఫ్టీ రేటింగ్‌లో ముందుంది.
- ఫీచర్ల విషయానికి వస్తే - ADAS వల్ల అమేజ్‌కు హైటెక్ అడ్వాంటేజ్ ఉంది.
- భద్రతను మాత్రమే చూస్తే - డిజైర్ కాస్త ముందుంది.
- ఫీచర్లు + ఫ్రంటల్ సేఫ్టీ కాంబినేషన్ కావాలంటే - హోండా అమేజ్ మంచి ఆప్షన్.
ఇంకా ఇలాంటి ఆటోమొబైల్‌ వార్తలు & అప్‌డేట్స్‌ - "ABP దేశం" 'ఆటో' సెక్షన్‌ని ఫాలో అవ్వండి.
టాప్ హెడ్ లైన్స్
ట్రెండింగ్ వార్తలు
