Hero Vida VX2 Plus KKR Edition: కేకేఆర్ ఫ్యాన్స్ కోసం అదిరిపోయే గిఫ్ట్: హీరో వీడా స్పెషల్ ఎడిషన్ స్కూటర్ లాంచ్.. ఫీచర్లు మామూలుగా లేవుగా!

Hero Vida VX2 Plus KKR Edition: ఐపీఎల్ 2026 సందర్భంగా కోల్‌కతా నైట్ రైడర్స్ (KKR) థీమ్‌తో హీరో వీడా విఎక్స్2 ప్లస్ స్పెషల్ ఎడిషన్ ఎలక్ట్రిక్ స్కూటర్ మార్కెట్లోకి వచ్చింది.

కేకేఆర్ ఫ్యాన్స్ కోసం అదిరిపోయే గిఫ్ట్: హీరో వీడా స్పెషల్ ఎడిషన్ స్కూటర్ లాంచ్.. ఫీచర్లు మామూలుగా లేవుగా!

Source : Social Media

Show Quick Read

Key points generated by AI, verified by newsroom

• వీడా VX2 ప్లస్ KKR లిమిటెడ్ ఎడిషన్ స్కూటర్ విడుదల.
• KKR టీమ్ రంగులతో, లోగోతో ప్రత్యేక డిజైన్.
• ఒకసారి ఛార్జింగ్‌తో 142 కి.మీ. రేంజ్, 80 కి.మీ. వేగం.
• స్మార్ట్ ఫీచర్లు, టర్న్-బై-టర్న్ నావిగేషన్ అందుబాటులో ఉన్నాయి.

Hero Vida VX2 Plus KKR Edition: హీరో మోటోకార్ప్‌కు చెందిన ఎలక్ట్రిక్ వాహన విభాగం 'వీడా' (Vida), ఐపీఎల్ 2026 క్రేజ్‌ను దృష్టిలో ఉంచుకుని ఒక అదిరిపోయే అప్‌డేట్ ఇచ్చింది. కేకేఆర్ (Kolkata Knight Riders) అభిమానుల కోసం ప్రత్యేకంగా 'వీడా విఎక్స్2 ప్లస్ కేకేఆర్ లిమిటెడ్ ఎడిషన్'ను మార్కెట్లోకి ప్రవేశపెట్టింది. కేకేఆర్ జట్టు ఛాంపియన్ లెగసీ, ఫియర్ లెస్ స్పిరిట్ ఆధారంగా దీనిని డిజైన్ చేశారు. పీఎమ్ ఈ-డ్రైవ్ సబ్సిడీతో కలిపి ఈ స్కూటర్ ప్రారంభ ధర రూ. 1.16 లక్షలుగా ఉంది. క్రికెట్ అభిమానులను ఆకట్టుకునేలా దీనికి అదిరిపోయే లుక్ ఇచ్చారు.

రింకూ సింగ్, అజింక్య రహానే చేతుల మీదుగా..

కేకేఆర్ స్టార్ బ్యాటర్ రింకూ సింగ్, అజింక్య రహానే ఈ స్పెషల్ ఎడిషన్ స్కూటర్‌ను గ్రాండ్‌గా లాంచ్ చేశారు. జట్టు జెర్సీ రంగులను ప్రతిబింబించేలా 'నైట్ పర్పుల్' షేడ్, గోల్డ్ కలర్ కాంబినేషన్‌తో దీనిని ముస్తాబు చేశారు. స్కూటర్ ముందు భాగంలో ఎల్‌ఈడీ హెడ్‌ల్యాంప్స్ పైన కేకేఆర్ లోగో (Emblem) ఉంటుంది. దీనికి 'లిమిటెడ్ ఎడిషన్' బ్యాడ్జ్ కూడా ఇచ్చారు. బాడీపై ఉన్న గోల్డ్ కలర్ డీకాల్స్ కారుకు ప్రీమియం అప్పీల్ ఇస్తున్నాయి. సీటు కింద ఉండే స్టోరేజ్ ఏరియాలో పర్పుల్ హైలైట్స్ ఇవ్వడం విశేషం. ఈ లిమిటెడ్ ఎడిషన్ కేవలం ఐపీఎల్ 2026 సీజన్ ముగిసే వరకు మాత్రమే అందుబాటులో ఉండనుంది.

వీడా విఎక్స్2 ప్లస్ పెర్ఫార్మెన్స్

సాంకేతిక పరంగా చూస్తే ఈ స్కూటర్ ఒకసారి ఛార్జ్ చేస్తే 142 కిలోమీటర్ల (IDC రేంజ్) వరకు వెళ్తుంది. దీని గరిష్ట వేగం గంటకు 80 కిలోమీటర్లు. ఇందులో రిమూవబుల్ బ్యాటరీ సిస్టమ్ ఉండటం వల్ల ఛార్జింగ్ చేయడం చాలా సులభం. కేవలం 62 నిమిషాల్లోనే సున్నా నుండి 80 శాతం వరకు ఛార్జ్ అవుతుంది. ఇంట్లో ఉండే ఏసీ ఛార్జర్‌తో ఫుల్ ఛార్జ్ కావడానికి సుమారు 4 గంటల 13 నిమిషాల సమయం పడుతుంది.

స్మార్ట్ ఫీచర్లు

ఈ స్కూటర్ లో 4.2-అంగుళాల టీఎఫ్‌టీ (TFT) డిస్‌ప్లే అమర్చారు. టర్న్-బై-టర్న్ నావిగేషన్, జియో ఫెన్సింగ్, రియల్ టైమ్ ట్రిప్ అనాలిసిస్ వంటి కనెక్టెడ్ ఫీచర్లు ఇందులో ఉన్నాయి. ఎడ్జ్ ప్యాక్ (Edge Pack) సాయంతో కాల్స్, ఎస్ఎంఎస్, మ్యూజిక్ కంట్రోల్స్ కూడా పొందవచ్చు. ఎమర్జెన్సీ సమయంలో ఉపయోగపడే ఎస్ఓఎస్ (SOS) అలర్ట్స్ కూడా ఉన్నాయి. ఈ ఐపీఎల్ సీజన్‌లో కేకేఆర్ ఫ్యాన్స్ రైడింగ్‌ను ఎంజాయ్ చేయడానికి ఇది ఒక బెస్ట్ ఆప్షన్ అని విశ్లేష‌కులు పేర్కొంటున్నారు.

మరిన్ని చదవండి

హీరో గ్లామర్ 125, హోండా షైన్ 125లో ఇంజిన్ పనితీరు పరంగా ఎక్కువ శక్తివంతమైనది ఏదీ?

Hero Xoom 125 VX vs ZX - ₹8,000 తేడాతో ఏ ఫీచర్లు మారాయి?