Hero Splendor Plus Flex Fuel vs Hero HF Deluxe Flex Fuel: స్ప్లెండర్‌ ప్లస్‌ vs హెచ్‌ఎఫ్‌ డీలక్స్‌ ఫ్లెక్స్‌ ప్యూయల్‌! రెండింటి మధ్య వ్యత్యాసం ఏంటీ?

హీరో మోటోకార్ప్‌ దేశీయంగా తొలి 100సీసీ ఫ్లెక్స్‌ ఫ్యూయల్‌ బైకులను విడుదల చేసింది. స్ప్లెండర్‌ ఫ్లస్‌ , హెచ్‌ఎఫ్‌ డీలక్స్‌ మోడళ్ల ధర, ఫీచర్లు, ఇంజిన్ సామర్థ్యాల మధ్య ఉన్న ప్రధాన వ్యత్యాసాలు తెలుసుకోండి

స్ప్లెండర్‌ ప్లస్‌ vs హెచ్‌ఎఫ్‌ డీలక్స్‌ ఫ్లెక్స్‌ ప్యూయల్‌! రెండింటి మధ్య వ్యత్యాసం ఏంటీ?

Source : heromotocorp.com

Show Quick Read

Key points generated by AI, verified by newsroom

• హీరో ఫ్లెక్స్ ఫ్యూయల్ బైకులు కాలుష్యం, ఇంధన ఖర్చులు తగ్గిస్తాయి.
• స్ప్లెండర్ ప్లస్ i3S, USB ఛార్జింగ్ అదనపు ఫీచర్లు అందిస్తుంది.
• E85 ఇంధనంతో ఎక్కువ శక్తి, మొదట కొన్ని ప్రాంతాల్లో విడుదల.

Hero Splendor Plus Flex Fuel vs Hero HF Deluxe Flex Fuel: భారతీయ రోడ్లపై అత్యధికంగా కనిపించే హీరో బైకులు ఇప్పుడు సరికొత్త రూపంలో వచ్చాయి. పర్యావరణహితమైన ఇంధనంతో నడిచే తొలి 100సీసీ బైకులను హీరో మోటోకార్ప్‌ పరిచయం చేసింది. స్ప్లెండర్‌ ప్లస్ ఫ్లెక్స్ ఫ్యూయల్‌, హెచ్‌ఎఫ్‌ డీలక్స్‌ ఫ్లెక్స్‌ ఫ్యూయల్‌ పేర్లతో వచ్చిన ఈ బైకులు, సాంకేతికంగా దేశంలో కొత్త ఒరవడిని సృష్టిస్తున్నాయి. చూడటానికి ఇవి పాత బైకుల్లాగే అనిపించినా, వీటి ఇంజిన్ లోపల భారీ మార్పులు జరిగాయి. ముఖ్యంగా ఇవి ఇథనాల్‌ కలిపిన పెట్రోల్‌తో నడుస్తాయి. 

కాలుష్యాన్ని తగ్గించడంతోపాటు, ఇంధన ఖర్చులను ఆదా చేయడం ఈ ఫ్లెక్స్‌ ఫ్యూయల్‌బైకుల ప్రధాన ఉద్దేశం. భారత్‌ ఇంధన స్వయంగా సమృద్ధి దిశగా వేస్తున్న అడుగులో ఇది భాగం. సాధారణ పెట్రోల్‌ ధరతో పోలిస్తే ఇథనాల్‌ ధర తక్కువగా ఉండటం వల్ల సామాన్యులకు ఇది దీర్ఘకాలంలో లాభదాయకంగా మారుతుంది. అందుకే హీరో ఈ వినూత్న ప్రయత్నం చేసింది.

ధర వియానికి వస్తే హెచ్‌ఎఫ్‌ డీలక్స్‌ ఫ్లెక్స్‌ ఫ్యూల్ హైదరాబాద్‌ ఎక్స్ షోరూమ్‌ ధర 88,296రూపాయలుగా ఉఁది. ప్రతిష్టాత్మకమైన స్ప్లెండర్‌ ప్లస్‌ ఫ్లెక్స్‌ ఫ్యూయల్‌ ధర 98,584 రూపాయలుగా నిర్ణయించారు అంటే దాదాపు పదివేల రూపాయలు తేడా ఉంది. బడ్జెట్ ముఖ్యం అనుకునే వారికి హెచ్‌ఎఫ్‌డీలక్స్‌ సరైన ఎంపిక అవుతుంది. అయితే అదనపు ఫీచర్లు కోరుకునే వారు స్ప్లెండర్‌ వైపు చూడవచ్చు. 

డిజైన్‌లో తేడాలు 

ఈ రెండు బైకులు ఒకే ప్లాట్‌ఫామ్‌పై నిర్మితమయ్యాయి. కానీ స్ప్లెండర్‌ ప్లస్‌ పొడవు హెచ్‌ఎఫ్‌డీలక్సక్ కంటే కొంచెం ఎక్కువ. సీటు ఎత్తులో ప్రధాన వ్యత్యాసం కనిపిస్తుంది. స్ప్లెండర్‌ సీటు ఎత్తువ 785mm కాగా, హెచ్‌ఎఫ్‌ డీలక్స్‌ 805mmగా ఉంది.  పొట్టిగా ఉన్న  రైడర్లకు స్ప్లెండర్‌ ప్లస్ చాలా సౌకర్యవంతంగా ఉంటుంది. ఎత్తు ఉన్నవారు హెచ్‌ఎఫ్‌ డీలక్స్‌ను ఎంచుకోవచ్చు. లుక్స్ పరంగా స్ప్లెండర్‌ ప్లస్ దాని ఐకానిక్‌ బాక్సీ షేప్‌తో ప్రీమియంగా కనిపిస్తుంది. హెచ్‌ఎఫ్‌ డీల్స్‌ కొంచెం యాంగ్యులర్‌, సింపుల్‌ డిజైన్‌తో ఉంటుంది. రెండు బైకులు కూడా  బ్లాక్‌విత్ లైమ్‌ ఎల్లో గ్రాఫిక్స్‌తో కొత్త కలర్ ఆప్షన్‌లో అందుబాటులో ఉన్నాయి. 

స్ప్లెండ్‌ ప్లస్‌ ఎందుకు ప్రత్యేకం?

ఫీచర్ల విషయంలో స్ప్లెండ్‌ ప్లస్ పైచేయి సాధిస్తుంది. ఇందులో హీరో పేటెంట్‌ కలిగిన ఐ3ఎస్‌  టెక్నాలజీ ఉంది. ట్రాఫిక్‌ సిగ్నల్స్‌ వద్ద బైక్ ఆగిపోయినప్పుడు ఇంజిన్ దానంతట అదే ఆగిపోతుంది. మళ్లీ క్లచ్‌ నొక్కగానే స్టార్ట్ అవుతుంది. ఇది ఫ్యూయల్‌ను ఆదా చేస్తుంది. అంతేకాకుండా, స్ప్లెండర్‌ ప్లస్‌లో యూఎస్‌బీ ఛార్జింగ్‌ పోర్ట్‌ కూడా ఇచ్చారు. దీని వల్ల ప్రయాణంలో మొబైల్‌ ఫోన్ ఛార్జింగ్‌ చేసుకోవచ్చు. హెచ్‌ఎఫ్‌ డీలక్స్‌లో ఈ రెండు ఫీచర్లు లేవు. బడ్జెట్‌ను తగ్గించడానికి హీరో ఈ నిర్ణయం తీసుకున్నట్టు  కనిపిస్తోంది. 

ఇంజిన్ సామర్థ్యం

ఈ రెండు బైకుల్లో 97.2సిసి, 4-స్ట్రోక్‌, సింగిల్ సిలిండర్‌ ఎయిర్‌ కూల్డ్‌ ఇంజిన్‌ అమర్చారు. ఆసక్తికరమైన విషయం ఏంటంటే, ఇవి ఈ-85 ఇంధనంపై నడుస్తున్నప్పుడు సాధారణ పెట్రోల్‌ బైకుల కంటే ఎక్కువ శక్తినిస్తాయి. పవర్‌ 7 శాతం పెరిగి 8.5పీఎస్‌కు చేరగా, టార్క్‌ 3 శాతం పెరిగి 8.3Nmకు చేరుకుంది. దీని వల్ల సిటీ ట్రాఫిక్‌లో బైక్ నడపడం మరింత సులభంగా, వేగంగా మారుతుంది. 4-స్పీడ్‌ గేర్‌ బాక్స్‌ ఎప్పటిలాగే స్మూత్‌గా ఉంటుంది. 

హ్యాండ్లింగ్‌, సేఫ్టీ

రెండు మోడళ్లలో ట్యూబ్యులర్‌ డబుల్‌ క్రాడిల్‌ ఫ్రేమ్‌ ఉపయోగించారు. దీని వల్ల బైక్ స్ట్రాంగ్‌గా ఉంటుంది. ముందు భాగంలో టెలిస్కోపిక్‌ ఫోర్స్‌, వెనుక భాగంలో ట్విన్ హైడ్రాలిక్ షాక్ అబ్జార్బర్లు ఉన్నాయి. ఇవి గుంతల రోడ్లపై కూడా సుఖవంతమైన ప్రయాణాన్నిస్తాయి. వెనుక  బ్రేక్ వేసినప్పుడు ఆటోమేటిక్‌గా ముందు బ్రేక్‌ కూడా కొంత అప్లై అవుతుంది. ఇది జారిపోకుండా అదనపు భద్రతను ఇస్తుంది. రెండు బైకులకు 18-అంగుళాల అల్లాయ్‌ వీల్స్‌, ట్యూబ్‌లెస్‌ టైర్లు అందించడం మరో విశేషం.

ప్రస్తుతానికి ఇథనాల్ ఇంధనం అందుబాటులో ఉన్న ప్రాంతాల్లోనే ఈ బైకులు మొదట విడుదలకానున్నాయి. తొలి విడతగా ఢిల్లీ, మహారాష్ట్రలోని ఎంపిక చేసిన ప్రాంతాల్లో ఇవి అమ్మకానికి వస్తాయి. ఆ తర్వాత దేశవ్యాప్తంగా ఇథనాల్‌ బంకులు పెరిగే కొద్దీ ఈ బైకులు అన్ని చోట్లా అందుబాటులోకి వస్తాయి. హీరో మోటోకార్ప్‌ ఈ బైకులపై ఐదేళ్లు లేదా 70వేల కిలోమీటర్ల వరకు వారంటీని అందిస్తోంది. మీకు బడ్జెట్‌ చాలా ముఖ్యం. తక్కువ ధరలో ఫ్లెక్స్‌ ఫ్యూయల్‌ టెక్నాలజీ కావాలనుకుంటే హెచ్‌ఎఫ్‌ డీలక్స్ బెస్ట్ ఆప్షన్. ఒక వేళ మీరు 10 వేలు అదనంగా ఖర్చు చేయగలిగితే, ఐ3ఎస్‌ టెక్నాలజీ, యూఎస్‌బీ ఛార్జింగ్‌, స్ప్లెండర్‌ అనే బ్రాండ్ ఇమేజ్‌ లభిస్తాయి.

మరిన్ని చదవండి

హీరో స్ప్లెండర్‌ ఫ్లెక్స్ ఫ్యూయల్‌ వినియోగదారుడి జేబుకు ఎంత మేలు చేస్తుంది?

ఎస్‌యూవీ కొనుగోళ్లలో మారుతి సుజుకి గ్రాండ్ విటారా నెంబర్ వన్.. టాప్ 5 కార్ల లిస్ట్ చూశారా