First Day Car Sales: ట్యాక్స్‌ తగ్గగానే ఇంత ఊపా? మారుతి, హ్యుందాయ్, టాటా ఫస్ట్‌ డే సేల్స్‌ అదరహో
GST 2.0 అమలులోకి వచ్చినప్పటి నుంచి కార్ల కంపెనీలు అమ్మకాల్లో గణనీయంగా పెరిగాయి. మొదటి రోజు, మారుతి 25,000 కార్లను, హ్యుందాయ్ 11,000 & టాటా 10,000 కార్లను డెలివరీ చేసింది.
- కొత్త GST 2.0 తో కారు అమ్మకాలు గణనీయంగా పెరిగాయి.
- మారుతి సుజుకి 80,000 ఎంక్వైరీలు, 25,000 కార్ల డెలివరీలు అందుకుంది.
- హ్యుందాయ్, టాటా మోటార్స్ కూడా రికార్డు అమ్మకాలు, డెలివరీలు నమోదు చేశాయి.
- చిన్న కార్లపై GST తగ్గింపు, లగ్జరీ కార్లపై పన్ను తగ్గింపు వినియోగదారులకు లాభం.
First Day Car Sales Increase After New GST: మన దేశంలో, 22 సెప్టెంబర్ 2025 నుంచి అమల్లోకి వచ్చిన కొత్త GST 2.0, కారు మార్కెట్‌కు మామూలు బూస్ట్‌ ఇవ్వలేదు. చిన్న కార్లపై GSTని 28% నుంచి 18% కి తగ్గించడం వల్ల కస్టమర్లు హ్యాపీగా ఉన్నారు. నవరాత్రి ప్రారంభం & పండుగ సీజన్‌తో, కంపెనీలు రికార్డు స్థాయిలో బుకింగ్స్‌ & సేల్స్‌ను మూటగట్టుకున్నాయి. దేశంలోని అతి పెద్ద కార్ల తయారీ సంస్థ మారుతి సుజుకి, ఒక్క రోజులోనే, అంటే సెప్టెంబర్ 22వ తేదీన 80,000 కు పైగా కస్టమర్ ఎంక్వైరీస్‌ అందుకుంది. 25,000 కు పైగా కార్లను డెలివరీ చేసింది. రాబోయే రోజుల్లో ఈ సంఖ్య 30,000 కు చేరుకుంటుందని అంచనా.
మారుతి SEO ప్రకటన
"చిన్న కార్లకు అత్యధిక డిమాండ్ ఉంది, బుకింగ్స్‌ దాదాపు 50% పెరిగాయి. అనేక వేరియంట్‌లకు డిమాండ్ చాలా ఎక్కువగా ఉండటం వల్ల స్టాక్స్‌ త్వరగా అయిపోతాయని భావిస్తున్నాం" - మారుతి మార్కెటింగ్ & సేల్స్‌ సీనియర్ ఎగ్జిక్యూటివ్ ఆఫీసర్ పార్థో బెనర్జీ
ముఖ్యంగా, మారుతి, తగ్గిన GST రేట్ల ప్రయోజనాలను సెప్టెంబర్ 18 నుంచే కస్టమర్లకు అందించడమే కాకుండా, అదనపు ధరల కోతలను కూడా అమలు చేసింది. ఫలితంగా, ఈ కంపెనీకి 75,000 బుకింగ్స్‌ వచ్చాయి. అంటే రోజుకు సగటున 15,000 బుకింగ్స్‌. డీలర్‌షిప్‌ల వద్ద రద్దీ చాలా ఎక్కువగా ఉండటం వల్ల రాత్రి పొద్దుపోయే వరకు షోరూమ్‌లు తెరిచి ఉండాల్సి వచ్చింది.
గత ఐదేళ్లలో హ్యుందాయ్ మోటార్స్‌కు అతి పెద్ద సంతోషం
మారుతి మాదిరిగానే, హ్యుందాయ్ మోటార్ ఇండియా లిమిటెడ్ (HMIL) కూడా మొదటి రోజున (22 సెప్టెంబర్ 2025) కొత్త రికార్డును సృష్టించింది. కంపెనీ 11,000 డీలర్ బిల్లింగ్స్‌ నమోదు చేసింది, ఇది గత ఐదు సంవత్సరాలలో అత్యధిక సింగిల్ డే పెర్ఫార్మెన్స్‌. GST 2.0 అమలు & నవరాత్రి ప్రారంభం కలిసి మార్కెట్లో అద్భుతమైన ఉత్సాహాన్ని సృష్టించాయని హ్యుందాయ్ COO తరుణ్ గార్గ్ చెప్పారు. కస్టమర్ విశ్వాసం పెరిగింది & ఈ పండుగ సీజన్‌లో కంపెనీ బలమైన డిమాండ్‌ను ఆశిస్తోంది.
టాటా మోటార్స్ పరిస్థితి
టాటా మోటార్స్ కూడా మినహాయింపు కాదు. GST 2.0 అమలులోకి వచ్చిన మొదటి రోజే ఈ కంపెనీ 10,000 కార్లను డెలివరీ చేసింది. ఇంకా, దీనికి 25,000 కు పైగా ఎక్కువ కస్టమర్ ఎంక్వైరీలు వచ్చాయి. కొత్త పన్ను విధానం, కస్టమర్లను కొనుగోలు వైపు ప్రోత్సహించిందని ఇది స్పష్టంగా చూపిస్తోంది.
GST 2.0 లో అతి పెద్ద బెనిఫిట్‌ చిన్న కార్లకు
కొత్త GST నిబంధనల ప్రకారం, చిన్న పెట్రోల్ & హైబ్రిడ్ కార్లపై ఇప్పుడు 18% GST మాత్రమే వసూలు చేస్తారు. CNG & LPG కార్లకు కూడా అదే పన్ను వర్తిస్తుంది. 1200cc లేదా అంతకంటే తక్కువ ఇంజిన్‌ & 4 మీటర్ల కంటే తక్కువ పొడవు ఉన్న పెట్రోల్ కార్లకు 18% GST వరిస్తుంది. అలాగే, 1500cc వరకు ఇంజిన్‌ & 4 మీటర్ల కంటే తక్కువ పొడవు ఉన్న డీజిల్ & డీజిల్ హైబ్రిడ్ కార్లకు కూడా 18% GST నియమం వర్తిస్తుంది.
లగ్జరీ, SUVలపై 40% పన్ను
ప్రభుత్వం లగ్జరీ & పెద్ద కార్లపై GST రేటును 40% కి పెంచింది. వీటిలో SUVలు, UVలు, MUVలు & XUVలు వంటి వాహనాలు ఉన్నాయి. 170mm కంటే ఎక్కువ గ్రౌండ్ క్లియరెన్స్ ఉన్న వాహనాలు కూడా ఈ వర్గంలోకి వస్తాయి. అయితే, కస్టమర్లకు ఇది బ్యాడ్‌ న్యూస్‌ కాదు. గతంలో, లగ్జరీ కార్లపై 28% GST & 22% సెస్, మొత్తం కలిపి 50% పన్ను వసూలు చేసేవాళ్లు. ఇప్పుడు, GSTని 40%కి తగ్గించారు & సెస్ పూర్తిగా తొలగించారు. అంటే ఇక్కడ కూడా కస్టమర్లు 10% పన్ను ఉపశమనం పొందుతున్నారు.
టాప్ హెడ్ లైన్స్
ట్రెండింగ్ వార్తలు
