Bajaj Platina 125: తక్కువ ధరలో మైలేజ్ రాణి! రోజువారీ ప్రయాణికులకు ఇది బెస్ట్ ఆప్షన్!

New Platina 125 Mileage: బజాజ్ ఆటో, అప్‌డేటెడ్‌ ప్లాటినా 125 ను ఆవిష్కరించింది. మైలేజ్‌ & ప్రాక్టికాలిటీకి ప్రాధాన్యతనిచ్చే రైడర్ల కోసం ప్రత్యేకంగా రూపొందించిన మోటార్ సైకిల్ ఇది.

బజాజ్ ప్లాటినా 125 లాంచ్‌

Source : https://x.com/

Bajaj Platina 125 Price, Mileage And Features In Telugu: బజాజ్ ఆటో, కొత్త ప్లాటినా 125 ను భారతదేశానికి పరిచయం చేసింది. పెరిగిన ఇంధన ధరలు రోజువారీ ప్రయాణికులకు భారంగా మారిన నేపథ్యంలో, బజాజ్‌ ఈ బైక్‌ను ఆవిష్కరించింది. విద్యార్థులు, ఆఫీసులకు వెళ్లేవాళ్లు & డెలివరీ బాయ్స్‌ వంటి వర్గాలకు అనువుగా దీనిని డిజైన్‌ చేశారు. నగర ట్రాఫిక్‌లో & సెమీ-అర్బన్ రోడ్లపై సులభంగా నడిపేలా రూపొందించారు. స్మూత్‌ ఇంజిన్, ఆధునిక ఫీచర్లు & తక్కువ ధరను మేళవించి, ఈ 125cc బైక్‌ను బజాజ్‌ తీసుకొస్తోంది.

రోజువారీ రైడింగ్ కోసం...
కొత్త ప్లాటినా 125 మోటార్‌ సైకిల్‌కు శక్తినివ్వడానికి 124.6cc ఎయిర్-కూల్డ్ ఇంజిన్ ఉంది, ఇది 8.5 BHP & 10 Nm టార్క్‌ను జనరేట్‌ చేస్తుంది. సిటీ ట్రాఫిక్‌లో మెరుగైన పనితీరు & ఇంధన సామర్థ్యాన్ని అందించడానికి ఈ సెటప్ ఉపయోగపడుతుంది. 5-స్పీడ్ గేర్‌బాక్స్‌ కారణంగా సున్నితమైన గేర్ షిఫ్టింగ్ అనుభవం కలుగుతుంది, రైడింగ్‌లో నాణ్యత పెరుగుతుంది. భారీగా ట్రాఫిక్ ఉన్న రోడ్లకు మాత్రమే కాకుండా & హైవేకి కూడా ఈ బైక్‌ అనుకూలంగా ఉంటుంది, గంటకు 95 కి.మీ. వేగంతో ప్రయాణించగలదు. అంటే, దేశంలోని విభిన్న రహదారి పరిస్థితులతో ప్రయాణించగలిగేలా కొత్త ప్లాటినా 125 డిజైన్‌ ఉంది.

సౌకర్యం & భద్రత
కొత్త ప్లాటినా 125 బోర్డులో చాలా అనుకూలమైన అప్‌డేట్స్‌ ఉన్నాయి. ప్రకాశవంతమైన LED డేటైమ్ రన్నింగ్ లైట్లు పగటి పూట & స్లీకర్ హెడ్‌ల్యాంప్ రాత్రి సమయంలో విజిబులిటీని పెంచుతాయి. రైడ్‌ చేస్తున్నప్పుడు, ఒక్క చూపులోనే డిజిటల్ ఇన్‌స్ట్రుమెంట్ క్లస్టర్‌ను అర్ధం చేసుకోవచ్చు. మరో ముఖ్యమైన భద్రతా లక్షణం సైడ్-స్టాండ్ ఇంజిన్ కట్-ఆఫ్, ఇది ప్రమాదాలను తగ్గిస్తుంది. చక్కటి, విశాలమైన, కుషన్డ్ సీటు వల్ల లాంగ్ రైడ్స్‌ సౌకర్యంగా ఉంటాయి. ముఖ్యంగా డెలివరీ రైడర్లకు బాగా ఉపయోగపడుతుంది.

డబ్బును ఆదా చేసే అత్యుత్తమ మైలేజ్
ప్లాటినా 125 హైలైట్స్‌లో ఇంధన సామర్థ్యం ఒకటి. అనువైన పరిస్థితులలో, ఈ మోటార్‌ సైకిల్‌ లీటరుకు 100 కి.మీ. మైలేజ్ ఇస్తుందని కంపెనీ చెప్పింది. వాస్తవ వినియోగం లీటరుకు 70-80 కి.మీ. మధ్య ఉండవచ్చు. 

ఫ్లెక్సిబుల్ ఫైనాన్సింగ్‌ ఆప్షన్‌ 
₹78,000 (ఎక్స్-షోరూమ్) నుంచి ప్రారంభమయ్యే ధర కారణంగా, కొత్త ప్లాటినా 125 బడ్జెట్ కొనుగోలుదారులకు అందుబాటులో ఉండే ఆప్షన్‌ అవుతుంది. నెలకు ₹2,500 కంటే తక్కువ EMI & కేవలం ₹5,000 డౌన్ పేమెంట్‌కు ఫైనాన్సింగ్ ప్లాన్‌లను బజాజ్‌ అందుబాటులోకి తెచ్చింది. దీనికి తోడు, తక్కువ రన్నింగ్ ఖర్చులు ఉండటం వల్ల, ఈ బైక్‌ పొదుపు కూడా చేస్తుంది.

ఛాలెంజింగ్ రోడ్లను తట్టుకునేలా నిర్మాణం
భారతదేశంలోని అత్యంత ఛాలెంజింగ్ రోడ్లను - గుంతలు పడిన వీధులు, బంపర్-టు-బంపర్ ట్రాఫిక్ వంటి వాటిని సమర్ధంవంతంగా తట్టుకునేలా ప్లాటినా 125 ని తయారు చేశారు. మన్నికైన నిర్మాణం & నమ్మకమైన ఇంజిన్ భాగాలు రోజువారీ ప్రయాణంలో ఇబ్బంది పెట్టవు. 

బజాజ్ ప్లాటినా 125 అనేది సామర్థ్యం, సౌకర్యం & సరసమైన ధరలో అత్యుత్తమమైన కమ్యూటర్ బైక్. నగరంలో రోజూ తిరగడానికి, డెలివరీ పనులకు, అప్పుడప్పుడు హైవే రైడ్స్‌ కోసం ఇది నమ్మదగిన ప్రయాణ సాధనం అని కంపెనీ చెబుతోంది.

మరిన్ని చదవండి

ఫెస్టివ్‌ సీజన్‌ కోసం కొత్త కార్లు రెడీ, అన్నీ టాప్‌ బ్రాండ్సే!