Era నుంచి Asta (O) వరకు - 2026 Hyundai i20లో ఏ ట్రిమ్ మీ అవసరాలకు సరిపోతుంది?
2026 Hyundai i20లో అందుబాటులో ఉన్న అన్ని వేరియంట్లు, ఫీచర్లు, ధరలు, మీ అవసరానికి ఏ ట్రిమ్ సరిపోతుందో వివరంగా ఈ కథనంలో తెలుసుకోండి.
2026 Hyundai i20 Price And Specifications: హ్యుందాయ్ ఇండియా లైనప్లో గ్రాండ్ i10 నియోస్కి పై స్థాయిలో ఉండే ప్రీమియం హ్యాచ్బ్యాక్ Hyundai i20. 2026 మోడల్ ఇయర్కు సంబంధించిన ఫేస్లిఫ్ట్ i20 ఇప్పుడు కేవలం 1.2 లీటర్ల పెట్రోల్ ఇంజిన్తోనే అందుబాటులో ఉంది. మొత్తం ఏడు వేరియంట్లలో () ఈ కారు అమ్మకాల్లో ఉంది. అయితే, ఇన్ని ఆప్షన్లలో మీకు ఏ వేరియంట్ సరిపోతుందనే సందేహం సహజమే. అదే విషయాన్ని సులభంగా అర్థం చేసుకుందాం.
2026 Hyundai i20 ధరలు & ఇంజిన్ వివరాలు
హ్యుందాయ్ i20లో 1.2 లీటర్ల పెట్రోల్ ఇంజిన్ ఉపయోగించారు. ఇది 83hp పవర్, 115Nm టార్క్ ఉత్పత్తి చేస్తుంది.
ఈ ఇంజిన్కు 5-స్పీడ్ మాన్యువల్ లేదా CVT గేర్బాక్స్ ఆప్షన్లు ఉన్నాయి.
తెలుగు రాష్ట్రాల్లో, హ్యుందాయ్ i20 రూ.5.99 లక్షల నుంచి రూ.10.34 లక్షల (ఎక్స్-షోరూమ్) రేంజ్లో లభిస్తోంది.
| వేరియంట్ | Petrol MT | Petrol CVT |
| Era | రూ. 5.99 లక్షలు | - |
| Magna Executive | రూ. 6.73 లక్షలు | - |
| Magna | రూ. 6.99 లక్షలు | రూ. 8.13 లక్షలు |
| Sportz | రూ. 7.74 లక్షలు | రూ. 8.75 లక్షలు |
| Sportz (O) | రూ. 8.28 లక్షలు | రూ. 9.20 లక్షలు |
| Asta | రూ. 8.61 లక్షలు | రూ. 10.48 లక్షలు |
| Asta (O) | రూ. 9.15 లక్షలు | రూ. 10.34 లక్షలు |
వేరియంట్ల వారీగా ఏమేం ఫీచర్లు?
హ్యుందాయ్ i20 వేరియంట్లు: Era, Magna Executive, Magna, Sportz, Sportz (O), Asta, Asta (O)
Era
i20లో ఇది ఎంట్రీ లెవల్ ట్రిమ్. అయినా కూడా 6 ఎయిర్బ్యాగ్స్, ESC, హిల్ స్టార్ట్ అసిస్ట్, డిజిటల్ ఇన్స్ట్రుమెంట్ క్లస్టర్ వంటి భద్రత ఫీచర్లు ఉండటం విశేషం. నగర ప్రయాణాలకు ఇది సరిపోతుంది.
Magna Executive & Magna
ఈ వేరియంట్లలో టైర్ ప్రెజర్ మానిటరింగ్, కీ లెస్ ఎంట్రీ, ఆటో హెడ్ల్యాంప్స్, స్టీరింగ్ మౌంటెడ్ కంట్రోల్స్ వంటి కంఫర్ట్ ఫీచర్లు వస్తాయి. Magna నుంచి సింగిల్ పేన్ ఎలక్ట్రిక్ సన్రూఫ్ కూడా ఉంటుంది.
Sportz
ఇది i20లో అత్యంత పాపులర్ ట్రిమ్. 8 అంగుళాల టచ్స్క్రీన్, వైర్లెస్ ఆపిల్ కార్ప్లే & ఆండ్రాయిడ్ ఆటో, క్రూయిజ్ కంట్రోల్, ఆటోమేటిక్ క్లైమేట్ కంట్రోల్ వంటి ఫీచర్లు ఇందులో ఉన్నాయి. అయితే, ఈ వేరియంట్లో సన్రూఫ్ ఉండదు.
Sportz (O)
సన్రూఫ్ కావాలనుకునే వారికి ఇది సరైన ఎంపిక. స్పోర్ట్జ్ ఫీచర్లతో పాటు బోస్ 7 స్పీకర్ సౌండ్ సిస్టమ్, లెదరెట్ ప్యాడింగ్ వస్తాయి. ధర, ఫీచర్ల మధ్య మంచి బ్యాలెన్స్ ఇదే.
Asta & Asta (O)
టాప్ ఎండ్ వేరియంట్లు ఇవే. LED హెడ్ల్యాంప్స్, సాఫ్ట్ టచ్ డాష్బోర్డ్, అంబియంట్ లైటింగ్, వైర్లెస్ ఫోన్ ఛార్జర్, కనెక్టెడ్ కార్ టెక్నాలజీ వంటి గల్జరీ ఫీచర్లు ఇందులో లభిస్తాయి. Asta (O)లో 10.25 అంగుళాల పెద్ద టచ్స్క్రీన్ ప్రత్యేక ఆకర్షణ.
ఏ వేరియంట్ కొనాలి?
సాధారణంగా ఎక్కువ మంది కొనుగోలుదారులకు Sportz (O) వేరియంట్నే బెస్ట్ ఎంపికగా తీసుకుంటారు. ధర మరీ ఎక్కువ కాకుండా, వినియోగానికి అవసరమైన అన్ని కంఫర్ట్, టెక్ ఫీచర్లు ఇందులో లభిస్తాయి. అయితే, పూర్తి లగ్జరీ ఫీల్, టాప్ ఫీచర్లు కావాలంటే Asta లేదా Asta (O) మీకు సరిపోతాయి.
ఇంకా ఇలాంటి ఆటోమొబైల్ వార్తలు & అప్డేట్స్ - "ABP దేశం" 'ఆటో' సెక్షన్ని ఫాలో అవ్వండి.
Before You Go
Auto Expo 2023 Day 1 Highlights: ఎంతో హైప్ తో మొదలైన ఆటో ఎక్స్ పో మొదటి రోజు హైలైట్స్
టాప్ హెడ్ లైన్స్
ట్రెండింగ్ వార్తలు
