Mercury Transit In Cancer 2024: జూన్ 30 నుంచి జూలై 20 వరకూ ఈ 6 రాశులవారికి సమయం పరీక్షా కాలంలా ఉంటుంది!

Mercury Transit In Cancer 2024: జూన్ 30న మిథునం నుంచి కర్కాటక రాశిలోకి ప్రవేశిస్తాడు బుధుడు. గ్రహాల యువరాజు రాశి పరివర్తన ప్రభావం ఈ 6 రాశులవారికి కొత్త కష్టాలను తెచ్చిపెడుతోంది...

Image Credit: playground.com

Mercury Transit In Cancer 2024:  సూర్యుడు, శుక్రుడు, కుజుడు, బృహస్పతి నెల రోజులకోసారి రాశిపరివర్తనం చెందితే...బుధుడు మాత్రం 20 రోజులకు, 25 రోజులకు ఒక్కోసారి 15 రోజులకు కూడా రాశిమారిపోతాడు. ఏ రాశిలో ఎన్ని రోజులున్నాకానీ...ఆ ప్రభావం 12  రాశులపైనా ఉంటుంది. బుధుడి రాశి పరివర్తనం వల్ల జూన్ 30 నుంచి జూలై 20 వరకూ ఈ రాశులవారికి అస్సలు అనుకూల ఫలితాలు లేవు...
 
వృషభ రాశి

కర్కాటక రాశిలో బుధుడి సంచారం ఈ రాశివారికి అంత అనుకూలంగాలేదు. ఈ సమయంలో కెరీర్లో వృద్ధి అస్సలు ఉండదు. అవకాశాలు చేతికిందినట్టే అంది వెనక్కుపోతాయి. సహోద్యోగులతో విభేదాలుండే సూచనలున్నాయి. వ్యాపారులు కొత్త ఒప్పందాలు, నూతన పెట్టుబడుల గురించి ఆలోచించవద్దు..నష్టపోతారు. ఆర్థిక పరిస్థితి అంతంతమాత్రంగా ఉండడం వల్ల కొన్ని పనులు ముందుకు సాగవు. వ్యక్తిగత జీవితం అంత సంతోషంగా ఉండదు. అనారోగ్య సమస్యలు బాధపెడతాయి. 

కర్కాటక రాశి 

మీ రాశిలో బుధుడి సంచారం మీకు అస్సలు కలసిరాదు. ఈ రాశి ఉద్యోగులకు అత్యంత కష్టకాలం అవుతుంది. చేపట్టిన పనుల్లో అడ్డంకులు తప్పవు. పనిపై ఏకాగ్రత ఉండదు..అనవసర ఖర్చులు ఇబ్బందిపెడతాయి. ప్రయాణం చేసే సమయంలో జాగ్రత్తగా వ్యవహరించాలి. డబ్బును కోల్పోయే ప్రమాదం ఉంది. మీ మాటలను తప్పుగా అర్థం చేసుకుంటారు...ఆలోచించి మాట్లాడండి. ఆరోగ్యం విషయంలో నిర్లక్ష్యం వద్దు. 
 
సింహ రాశి 

కర్కాటక రాశిలో బుధుడి సంచారం సమయంలో మీకు అనుకూల ఫలితాలు లేవు. వృత్తి ,ఉద్యోగం ,వ్యాపారంలో ఒత్తిడి పెరుగుతుంది. అనవసర ఆందోళనలుంటాయి. ఆర్థిక పరిస్థితి కూడా సాధారణంగా ఉంటుంది. అనుకోని ఖర్చులుంటాయి. జీవిత భాగస్వామితో ప్రతి చిన్న విషయానికి వాదనలు జరుగుతాయి. ఎంత సంతోషంగా ఉందాం అనుకున్నా టెస్టింగ్ టైమ్ లా అనిపిస్తుంది. అనారోగ్య సమస్యలున్నాయి జాగ్రత్త...

వృశ్చిక రాశి 

కర్కాటక రాశిలో బుధుడి సంచారం మీకు అంతగా కలసిరాదు. కార్యాలయంలో ప్రతికూల పరిస్థితులు మిమ్మల్ని ఇబ్బందిపెడతాయి. వృత్తి , వ్యాపారాల్లో తీవ్రమమైన పోటీ ఉంటుంది. లేనిపోని ఆందోళనలు పెరుగుతాయి. ఏదో నిరాశ వెంటాడుతుంది. అనుకూలమైన పరిస్థితులు లేకపోవడం వల్ల ఏ పని చేసినా కలసిరాదు. జీవిత భాగస్వామికి సమయం కేటాయించాలి అనిపించదు. కుటుంబంలో పెద్దల ఆరోగ్యం కోసం డబ్బులు ఖర్చుచేయాల్సి రావొచ్చు..

ధనుస్సు రాశి

బుధుడి సంచారం ధనస్సు రాశివారికి ప్రతికూల పరిస్థితులున్నాయి. ఏ పని ప్రారంభించినా నెమ్మదిగా సాగుతుంది..ఎన్నో అడ్డంకులు ఎదురవుతాయి. అనుకోకుండా ఆదాయం తగ్గుతుంది. నూతన ప్రాజెక్టులు ప్రారంభించే అవకాసం కోల్పోవచ్చు. ఆర్థికంగా నష్టపోయే సూచనలున్నాయి...అందుకే ఎలాంటి పెట్టుబడులు పెట్టేందుకు ఇది మంచి సమయం కాదని తెలుసుకోండి. ఆందోళనలు వెంటాడుతాయి. వ్యక్తిగత జీవితంలో సమస్యలు ఎదురవుతాయి. సీజనల్ వ్యాధుల బారిన పడతారు. 

కుంభరాశి 

కర్కాటకంలో బుధుడి రాశి పరివర్తనం కుంభరాశివారికి కొత్త కష్టాలు తెచ్చిపెడుతుంది. వృత్తి , ఉద్యోగాల్లో ఉండేవారు అసంతృప్తిగా ఉంటారు. వ్యాపారంలో మంచి లాభాలు పొందుతారు. ఆర్థిక పరిస్థితి సాధారణంగా ఉంటుంది ఖర్చులు మాత్రం పెరుగుతాయి. డబ్బు ఆదా చేయడం కష్టమవుతుంది. కమ్యూనికేషన్ గ్యాప్ వల్ల వ్యక్తిగత సంబంధాలు దెబ్బతినే ప్రమాదం ఉంది. అనారోగ్య సమస్యలు ఇబ్బంది పెడతాయి.  

గమనిక:ఓ రాశిలో ఫలితాలన్నీ ఒక్కరికే చెందుతాయని భావించరాదు. మీ జాతకం, గ్రహస్థితి ఆధారంగా కూడా మారుతాయి. వ్యక్తిగత వివరాల కోసం అనుభవజ్ఞులైన జ్యోతిష్య పండితులను సంప్రదించగలరు.