Horoscope Today 2nd January 2023 : ఈ రాశివారికి ఖర్చులు పెరుగుతాయి కానీ ఆదాయం బావుంటుంది, జనవరి 2 రాశిఫలాలు

Horoscope Today : ఆయా రాశిలో ఫలితాలన్నీ ఒక్కరికే వర్తిస్తాయని భావించరాదు. మీ జాతకం, గ్రహస్థితి ఆధారంగా కూడా మారుతాయి. వ్యక్తిగత వివరాల కోసం జ్యోతిష్య పండితులను సంప్రదించగలరు

Horoscope Today 2nd January 2023 (Image Credit: freepik)

2nd January 2023 Horoscope Today:  కెరీర్, వ్యాపారం, ఉద్యోగం, ఆర్థిక , వైవాహిక జీవితం పరంగా ఈ రోజు ఏ రాశివారికి ఎలా ఉందో తెలుసుకుందాం.

మేష రాశి
ఈ రోజు మీకు చాలా లాభదాయకంగా ఉంటుంది. మీ మనోబలం పెరుగుతుంది. మీ ఆర్థిక పరిస్థితి బావుంటుంది.  కార్యాలయంలో మంచి సంబంధాలను కొనసాగించడం ద్వారా మీరు ప్రయోజనం పొందుతారు. తండ్రి నుంచి సమస్యలను ఎదుర్కోవలసి ఉంటుంది కానీ దాన్నుంచి మంచే జరుగుతుంది.

వృషభ రాశి
ఈ రోజు మీ విశ్వాసం ఓ రేంజ్ లో ఉంటుంది. చాలా ముఖ్యమైన నిర్ణయాలు తీసుకుంటారు. నిరుద్యోగులు మంచి ఉద్యోగ అవకాశం పొందుతారు. ఈ అవకాశాన్ని సద్వినియోగం చేసుకుని మీరు మరింత ఉన్నతస్థాయికి చేరుకునేందుకు ప్రయత్నించండి. 

మిథున రాశి
ఈ రోజంతా ఉత్సాహంగా ఉంటారు. కొత్త వ్యక్తులను కలుస్తారు. సంబంధాలకు సంబంధించిన అనేక అంశాలు మీకు ప్రత్యేకంగా ఉంటాయి. బంధాన్ని బలోపేతం చేయడానికి లేదా విచ్ఛిన్నమైన సంబంధాన్ని కాపాడుకోవడానికి మీరు జాగ్రత్తగా వ్యవహరించాలి. 

కర్కాటక రాశి
ఈ రోజు మీకు కొద్దిగా బలహీనంగా అనిపిస్తుంది. ఖర్చులు పెరుగుతాయి.మానసికంగా ఒత్తిడి ఉంటుంది కానీ వైవాహిక జీవితం ఆనందాన్ని ఇస్తుంది. మీరు మీ జీవిత భాగస్వామి నుంచి సంపూర్ణ సహకారం ఉంటుంది. మీ ప్రేమ జీవితంలో కొన్ని సమస్యలు ఉండవచ్చు.

సింహ రాశి
సింహ రాశి వారు స్ట్రాంగ్ గా ఉంటారు. ఏదో కొత్త శక్తి వచ్చినట్టు భావిస్తారు. పాత స్నేహితులను కలుస్తారు. ప్రత్యర్థులు కూడా బలంగానే ఉంటారు జాగ్రత్త పడడం మంచిది. వివాదాలకు దూరంగా ఉండాలి.

కన్యా రాశి
మీ వైఖరి అందరిరీ నచ్చుతుంది. కొన్నింటిని లోతుగా ఆలోచించడం ద్వారా మీకు చాలా విషయాలు అర్థమవుతాయి. తల్లిదండ్రులతో సంబంధాలు మెరుగుపడే అవకాశాలు ఉన్నాయి. స్నేహితుడికి మీ సలహా చాలా ప్రయోజనకరంగా ఉంటుంది.

తులా రాశి
ఈ రోజు మీ ప్రేమ జీవితానికి ఉత్తమమైన రోజుల్లో ఒకటి. మీ ఖర్చులు పెరుగుతాయి. కుటుంబ వాతావరణం మీకు ఆనందాన్ని ఇస్తుంది. తోబుట్టువులకు శారీరక సమస్యలు ఉండవచ్చు.

వృశ్చికం రాశి
తోబుట్టువులతో బంధం బలంగా ఉంటుంది. కొన్ని మంచిపనుల కోసం సమయం వెచ్చించడం ద్వారా సానుకూల మార్పులొస్తాయి. రానున్న రోజుల్లో శుభవార్త వింటారు. ఉద్యోగులు, వ్యాపారులకు మంచి సమయం.

ధనుస్సు రాశి
ఈ రోజు మీరు కొంచెం ఆచరణాత్మకంగా ఉంటారు...ఇది మీకు ప్రయోజనం చేకూరుస్తుంది. మానసికంగా మీరు ఉత్సాహంగా ఉంటారు. మీపై మీకు పూర్తి విశ్వాసం ఉంది. కొత్త ప్రణాళికలు వేసుకునేందుకు మంచిరోజు.

మకర రాశి
ఈ రోజు మీకు మంచి రోజు అవుతుంది. ఖర్చులు పెరుగుతాయి కానీ ఆదాయానికి పెద్దగా ఇబ్బంది ఉండదు. రోజంతా ఆనందంగా ఉంటారు. మీ ప్రియమైన వారిని  సరిగ్గా అర్థం చేసుకోండి...వారిని మీకు అనుకూలంగా మరింత మెరుగ్గా మార్చుకోండి. మీ వైవాహిక జీవితం బావుంటుంది. ఉద్యోగులు పనిపై శ్రద్ధపెట్టండి.

కుంభ రాశి
ఈ రోజు మీరు కుటుంబం నుంచి పూర్తి మద్దతు పొందుతారు. కార్యాలయంలో అనుకూలత కారణంగా సంతోషంగా ఉంటారు. వ్యాపారం చేసే వ్యక్తులు ఆర్థిక ప్రయోజనాలను పొందుతారు. వైవాహిక జీవితం బావుంటుంది. 

మీన రాశి
మీరు అదృష్టం కలిసొస్తుంది. పరిస్థితులు మీకు అనుకూలంగా ఉంటాయి. మిమ్మల్ని కలిసే వ్యక్తులు కొత్త ప్రాజెక్టు గురించి చర్చిస్తారు. ఈ ప్రయత్నాలు సఫలమవుతాయి.