Horoscope Today January 01, 2024 : నూతన సంవత్సరం మొదటిరోజు ఈ రాశులవారి జీవితంలో కొత్త వెలుగులు - జనవరి 01 ,2024 రాశిఫలాలు

Happy New Year 2024: ఏబీపీ దేశం ప్రేక్షకులకు నూతన సంవత్సర శుభాకాంక్షలు. ఏడాదిలో మొదటి రోజు రాశిఫలాలు ఇక్కడ తెలుసుకోండి...

Image Credit: Freepik

Horoscope Today 01st January  2024 

మేష రాశి (Aries Horoscope Today) 

ఈ రోజు ఈ రాశివారు కొత్త మెట్లు ఎక్కుతారు. ఈ రోజు మీకు చాలా అనుకూలమైన రోజు అనిపిస్తుంది. ప్రేమ, వృత్తి, డబ్బు , ఆరోగ్యం  అన్నీ బావుంటాయి. అదృష్టం  కలిసొస్తుంది. ఉద్యోగులకు, వ్యాపారాలకు వాతావరణం అనుకూలంగా ఉంటుంది. కుటుంబ సభ్యుల సహకారంతో పనుల్లో ఆటంకాలు తొలగిపోతాయి. కుటుంబ జీవితం సంతోషంగా ఉంటుంది. వ్యాపార విస్తరణకు కొత్త అవకాశాలు లభిస్తాయి. విద్యార్థులు పరీక్షలలో విజయం సాధిస్తారు.

వృషభ రాశి (Taurus  Horoscope Today)

బంధుత్వాలలో విబేధాలు తొలగిపోతాయి. మీ భావాలను మీ భాగస్వామితో పంచుకోవడానికి సంకోచించకండి. మీ భాగస్వామి అభిప్రాయాలను గౌరవించండి. వృత్తి జీవితంలో పురోగతికి కొత్త అవకాశాలు ఉంటాయి. ఆర్థిక పరిస్థితిలో హెచ్చు తగ్గులు ఉండవచ్చు. డబ్బుకు సంబంధించిన నిర్ణయాలు చాలా ఆలోచించి తీసుకుంటారు. కొత్త నైపుణ్యాలను నేర్చుకోండి. ఇది పురోగతికి మార్గం సులభతరం చేస్తుంది. బడ్జెట్‌కు అనుగుణంగా ఖర్చులను నిర్ణయించుకోండి .

మిథున రాశి (Gemini Horoscope Today) 

ఈ రోజు సాధారణంగా ఉంటుంది. మీరు అదనపు బాధ్యతలను పొందుతారు. మీ ఆర్థిక లక్ష్యాలపై దృష్టి పెట్టండి. ఆర్థిక పరిస్థితిని బలోపేతం చేయడానికి కొత్త ప్రణాళికలను రూపొందించండి. జీవితంలో ఎదురయ్యే సవాళ్లను ఎదుర్కోవడానికి సిద్ధంగా ఉండండి. మానసికంగా ఎలాంటి నిర్ణయం తీసుకోవద్దు. ఆర్థిక విషయాలలో చాలా తెలివిగా నిర్ణయాలు తీసుకుంటారు. ఈరోజు ఏదో తెలియని భయం వల్ల మనసు కలత చెందుతుంది. సానుకూలంగా ఉండండి మరియు మీ కలలను నిజం చేసుకోవడానికి కొత్త ప్రయత్నాలు చేయండి. ఇది కచ్చితంగా మీకు విజయాన్ని అందిస్తుంది.

కర్కాటక రాశి (Cancer Horoscope Today)  

ఈ రోజు కర్కాటక రాశి వారు దృఢ సంకల్పంతో ఉంటారు. మీ సామర్థ్యాలపై నమ్మకం ఉంచండి . జీవితంలో ఎదురయ్యే సవాళ్లను ఆత్మవిశ్వాసంతో ఎదుర్కోండి. ఆకర్షణీయమైన వ్యక్తిత్వంతో  ఆకట్టుకుంటారు. మీరు కార్యాలయంలో అధికారుల నుంచి మద్దతు పొందుతారు. వ్యాపారంలో ధనలాభం ఉంటుంది. కుటుంబ జీవితంలో సంతోషం ఉంటుంది. మీరు మీ జీవితంలోని ఆహ్లాదకరమైన క్షణాలను ఆస్వాదిస్తారు.

సింహ రాశి (Leo Horoscope Today)

మీరు వృత్తి జీవితంలో నమ్మకంగా కనిపిస్తారు. కెరీర్‌లో కొత్త విజయాలు సాధిస్తారు. ఆర్థిక విషయాల్లో చాలా జాగ్రత్తగా నిర్ణయాలు తీసుకోండి. అధిక కోపాన్ని నివారించండి . కుటుంబంలో అనవసర వివాదాలకు దూరంగా ఉండండి. ఆఫీసులో సహోద్యోగులతో కలిసి పని చేస్తారు. చేపట్టిన పనుల వల్ల మంచి ఫలితాలు పొందుతారు.

కన్యా రాశి  (Virgo Horoscope Today) 

కార్యాలయంలో మీ ప్రతిభను చాటుకోవడానికి సిద్ధంగా ఉండండి. ఇది కెరీర్ వృద్ధికి పుష్కలమైన అవకాశాలను అందిస్తుంది. సామాజిక హోదా, ప్రతిష్ట పెరుగుతుంది. పెట్టుబడికి సంబంధించిన నిర్ణయాలు తెలివిగా తీసుకోండి. కుటుంబ సభ్యుల ఆరోగ్యం పట్ల శ్రద్ధ వహించండి. ఆఫీసు గాసిప్‌లకు దూరంగా ఉండండి. మీ పనితీరుపై దృష్టి పెట్టండి. క్రమం తప్పకుండా యోగా లేదా ధ్యానం చేయండి. 

తులా రాశి (Libra Horoscope Today) 

ఉద్యోగ, వ్యాపారాలలో వాతావరణం అనుకూలంగా ఉంటుంది. వ్యాపార విస్తరణకు కొత్త అవకాశాలు లభిస్తాయి. వస్తుసౌఖ్యాలు, సంపదలు పెరుగుతాయి. వాహన నిర్వహణపై ఖర్చులు పెరగవచ్చు. మీ జీవిత భాగస్వామి ఆరోగ్యం పట్ల శ్రద్ధ వహించండి. విద్యార్థులకు చదువుపై శ్రద్ధ పెరుగుతుంది. ఇంట్లో ఆధ్యాత్మిక కార్యక్రమాల నిర్వహణకు ప్లాన్ చేసుకుంటారు. కార్యాలయంలో సవాళ్లుంటాయి. దీర్ఘకాలంగా పెండింగ్‌లో ఉన్న పనులు విజయవంతమవుతాయి. ఉద్యోగంలో మార్పు వచ్చే అవకాశాలు ఉన్నాయి.

వృశ్చిక రాశి (Scorpio Horoscope Today) 

వ్యాపారాలలో పురోగతికి కొత్త అవకాశాలు ఉంటాయి. బిజీ వర్క్ ఉంటుంది. కుటుంబ సమేతంగా ఏదైనా ఆధ్యాత్మిక ప్రదేశాలకు వెళ్లే అవకాశం ఉంది. అధిక ఖర్చుల వల్ల మనస్సు కలత చెందుతుంది. విద్యాపరమైన పనులలో విజయం ఉంటుంది. ధన ప్రవాహం పెరుగుతుంది. కార్యాలయంలో అనవసర వాదనలకు దూరంగా ఉండండి. సవాళ్లను ఆత్మవిశ్వాసంతో ఎదుర్కోవాలి. వైవాహిక జీవితంలో సంతోషకరమైన వాతావరణం ఉంటుంది. 

ధనుస్సు రాశి  (Sagittarius Horoscope Today) 

ఈ రాశివారికి ఆదాయం పెరిగే అవకాశాలు ఉన్నాయి. మీ కోపం కారణంగా పూర్తికావాల్సిన పని కూడా ఆగిపోయే ప్రమాదం ఉంది. ఈ రాశి ఉద్యోగులు కార్యాలయంలో అధికారుల నుంచి మద్దతు పొందుతారు. మీరు ఆత్మవిశ్వాసంతో నిండి ఉంటారు కానీ మీ సహనం తగ్గుతుంది. ఈ రోజు మీరు పాత స్నేహితులను కలుసుకోవచ్చు. రోజంతా సంతోషంగా ఉంటారు. కుటుంబంలో పరస్పర విభేదాలను సానకూలంగా పరిష్కరించేందుకు ప్రయత్నించాలి. 

మకర రాశి (Capricorn Horoscope Today) 

వైవాహిక జీవితం సంతోషంగా ఉంటుంది. వ్యాపారం బాగానే ఉంటుంది. కుటుంబ సమస్యల వల్ల మనస్సు కలత చెందుతుంది. తల్లిదండ్రుల ఆరోగ్యం పట్ల శ్రద్ధ వహించండి. ఉద్యోగులకు పై అధికారుల మద్దతు లభిస్తుంది. మీ పిల్లల నుంచి శుభవార్తలు అందుకుంటారు. డబ్బు ప్రవాహానికి కొత్త మార్గాలు ఏర్పడతాయి.  ప్రణాళికేతర ఖర్చులు కూడా పెరుగుతాయి. 

కుంభ రాశి  (Aquarius Horoscope Today) 

మనస్సు ప్రశాంతంగా ఉంటుంది. మేధోపరమైన పని ద్వారా కొత్త ఆదాయ వనరులు పొందుతారు. ఉద్యోగంలో మార్పు వచ్చే అవకాశాలు ఉన్నాయి. స్నేహితుని సహాయంతో ఉద్యోగావకాశాలు పొందవచ్చు. మతపరమైన కార్యక్రమాల్లో బిజీగా ఉంటారు. జీవిత భాగస్వామి ఆరోగ్యం మెరుగుపడుతుంది. పని బాధ్యతలు పెరుగుతాయి. పురోగతికి కొత్త అవకాశాలుంటాయి.

మీన రాశి (Pisces Horoscope Today) 

ఈ రోజంతా మీరు ప్రశాంతంగా ఉంటారు. కుటుంబానికి సమయం కేటాయిస్తారు. పాత స్నేహితులను కలుస్తారు. రోజంతా బిజీగా ఉంటారు. ఆర్థిక విషయాల్లో జాగ్రత్తగా ఉండడం మంచిది. ఆస్తులకు సంబంధించి కొనసాగుతున్న వివాదాలు పరిష్కారం అయ్యే సూచనలున్నాయి. విద్యార్థులు పోటీ పరీక్షలలో విజయం సాధిస్తారు.

గమనిక: ఇక్కడ అందించిన సమాచారం పండితులు, కొన్ని పుస్తకాల నుంచి సేకరించింది మాత్రమే. దీనిని ఎంతవరకూ పరిగణలోకి తీసుకోవాలన్నది పూర్తిగా మీ వ్యక్తిగతం