Weather Updates: వచ్చే 3 రోజుల్లో ఏపీకి భారీ వర్షం.. ఆ తేదీన మరో అల్పపీడనం.. తెలంగాణలో ఇలా..

ఉత్తర కోస్తా ఆంధ్రా, యానాం ప్రాంతాల్లో ఉరుములు, మెరుపులుతో పాటు తేలికపాటి నుంచి ఒక మోస్తరు వర్షాలు చాలా ప్రదేశాల్లో కురిసే అవకాశం ఉంది.

ప్రతీకాత్మక చిత్రం

గులాబ్ తుపాను తర్వాత గత వారం పది రోజులుగా తెలుగు రాష్ట్రాల్లో పొడి వాతావరణం నెలకొంటోంది. అయితే, ఈ నెల 10న బంగాళాఖాతంలో మరో అల్పపీడనం ఏర్పడే అవకాశం ఉందని వాతావరణ శాఖ అంచనా వేసింది. ఉత్తర అండమాన్ సముద్రంలో ఈ అల్పపీడనం ఏర్పడే అవకాశం ఉందని వాతావరణ అధికారులు తెలిపారు. ఈ అల్పపీడనం మరింత బలపడే అవకాశం ఉందని చెప్పారు. ఇప్పటికే కర్ణాటక, రాయలసీమ మీదుగా ఏపీ వరకు ఉపరితల ద్రోణి ఏర్పడి ఉందని.. ఈ ద్రోణి ప్రభావంతో తెలంగాణ, ఏపీ ప్రాంతాల్లో తేలికపాటి నుంచి ఓ మోస్తరు వర్షాలు పడే అవకాశం ఉందని అంచనా వేశారు. వచ్చే మూడు నాలుగు రోజుల్లో అల్పపీడనం వల్ల మరింతగా వర్షాలు కురిసే అవకాశం ఉందని వెల్లడించారు.

ఉత్తర కోస్తా ఆంధ్రా, యానాం ప్రాంతాల్లో ఉరుములు, మెరుపులుతో పాటు తేలికపాటి నుంచి ఒక మోస్తరు వర్షాలు చాలా ప్రదేశాల్లో కురిసే అవకాశం ఉంది. ఎల్లుండి ఉత్తర కోస్తా ఆంధ్రాలో ఉరుములు, మెరుపులుతో పాటు తేలికపాటి నుంచి ఒక మోస్తరు వర్షాలు కొన్ని ప్రదేశాల్లో కురిసే అవకాశం ఉంది.

వాతావరణ విభాగం తెలిపిన వివరాల ప్రకారం.. దక్షిణ కోస్తా ఆంధ్రలో ఈరోజు ఉరుములు, మెరుపులుతో పాటు తేలికపాటి నుంచి ఒక మోస్తరు వర్షాలు చాలా ప్రదేశాల్లో కురిసే అవకాశం ఉంది. భారీ వర్షాలు అక్కడక్కడ కురిసే అవకాశం ఉంది. రేపు దక్షిణ కోస్తా ఆంధ్రాలో ఉరుములు, మెరుపులుతో పాటు తేలికపాటి నుంచి ఒక మోస్తరు వర్షాలు చాలా ప్రదేశాలలో కురిసే అవకాశం ఉంది. ఎల్లుండి దక్షిణ కోస్తాఆంధ్రాలో ఉరుములు, మెరుపులుతో పాటు తేలికపాటి నుంచి ఒక మోస్తరు వర్షాలు కొన్ని ప్రదేశములలో కురిసే అవకాశం ఉంది.

రాయలసీమలో ఉరుములు, మెరుపులుతో పాటు తేలికపాటి నుంచి ఒక మోస్తరు వర్షాలు అనేక ప్రదేశాల్లో కురిసే అవకాశం ఉంది. భారీ వర్షాలు అక్కడక్కడ కురిసే అవకాశం ఉంది. రేపు రాయలసీమలో ఉరుములు, మెరుపులుతో పాటు తేలికపాటి నుంచి ఒక మోస్తరు వర్షాలు చాలా ప్రదేశములలో కురిసే అవకాశం ఉంది. ఎల్లుండి ఉరుములు, మెరుపులుతో పాటు తేలికపాటి నుంచి ఒక మోస్తరు వర్షాలు కొన్ని ప్రదేశాలలో కురిసే అవకాశం ఉంది.

తెలంగాణలో వాతావరణం ఇలా..
గురువారం (అక్టోబరు 7)న హైదరాబాద్ వాతావరణ విభాగం ట్వీట్ చేసిన వివరాల ప్రకారం.. రాగల 24 గంటల్లో వాతావరణం ఇలా ఉంటుంది. ‘‘తెలంగాణ రాష్ట్రంలో తేలికపాటి నుంచి ఓ మోస్తరు వర్షాలు కురిసే అవకాశం ఉంటుంది. కొన్ని చోట్ల ఉరుములు, మెరుపులతో కూడిన తేలికపాటి నుంచి ఓ మోస్తరు వర్షాలుక అన్ని జిల్లాల్లో అక్కడక్కడ కురిసే అవకాశం ఉంటుంది.’’ అని వివరించారు. వర్షాలకు సంబంధించి అధికారులు హెచ్చరికల్లాంటివి ఏమీ విడుదల చేయలేదు.

అమెజాన్ గ్రేట్ ఇండియన్ సేల్ ఆఫర్ల గురించి తెలుసుకోవడానికి ఇక్కడ క్లిక్ చేయండి

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channelసబ్‌స్క్రైబ్‌ చేయండి