Nara Lokesh Emotional Tweet: తమ్ముళ్లూ కష్టం ఏదమైనా షేర్ చేసుకోండి- తప్పుడు నిర్ణయాలు తీసుకోవద్దు- టీడీపీ కార్యకర్త మృతిపై లోకేష్‌ ఎమోషనల్‌ ట్వీట్‌

Lokesh Latest News: కార్యకర్తలు తమ కష్టాన్ని ఎవరికైనా చెప్పుకోవాలే తప్ప దిద్దుకోలేని తప్పులు చేయొద్దని ఓ ఎమోషనల్ ట్వీట్ చేశారు.

టీడీపీ కార్యకర్త మృతిపై లోకేష్‌ ఎమోషనల్‌ ట్వీట్‌

Source : X

Nara Lokesh Emotional Tweet On TDP Cadre: బాపట్ల జిల్లా బల్లికురవ మండలం గొర్రెపాడుకు చెందిన ఐటీడీపీ కార్యకర్త గుంటూరు శ్రీను ఆత్మహత్య గురించి తెలుసుకున్న మంత్రి నారా లోకేష్‌ ఎమోషనల్ అయ్యారు. ఇలాంటి తప్పులు ఎవరూ చేయొద్దని నేతలకు,పార్టీ శ్రేణులకు నారా లోకేష్ విజ్ఞప్తి చేశారు. ఎంతటి సమస్య అయినా పరిష్కారం ఉంటుందని ఎవరితో ఒకరితో షేర్ చేసుకోవాలని సూచించారు. ఎలాంటి తప్పుడు నిర్ణయాలు తీసుకొవద్దని సూచించారు. 

రెండు రోజు క్రితం శ్రీనివాస్ ఇంటి వద్ద పురుగుల మందు తాగి ఆత్మహత్య చేసుకున్నాడు. ఆయన్ని కుటుంబ సభ్యులు వివిధ ఆసుపత్రులకు తిప్పారు. చికిత్స పొందుతూనే చనిపోయాడు. శ్రీను మృతి గురించి తెలుసుకున్న మంత్రి నారా లోకేష్‌  సుదీర్ఘమైన ట్వీట్ చేశారు. "అన్నా.. అన్నా... అని పిలిచేవాడివి. ఎవరికి ఏ కష్టం వచ్చినా సహాయం చేయాలని మెసేజ్ చేసేవాడివి. నా పుట్టినరోజు, పెళ్లి రోజులను ఓ పండగలా జరిపేవాడివి. నీకు ఆపద వస్తే ఈ అన్నకి ఒక్క మెసేజ్ చేయాలనిపించలేదా? దిద్దలేని చాలా పెద్ద తప్పు చేశావు తమ్ముడు. ఐ మిస్ యూ." అని శ్రీను మృతిపై విచారం వ్యక్తం చేశారు. 

నీ కష్టం ఏంటో తనకు చెప్పలేదని... సూసైడ్‌ చేసుకున్న విషయాన్ని తెలుసుకున్న తర్వాత శ్రీనును బతికించేందుకు చాలా ప్రయత్నం చేశామన్నారు లోకేష్. అయిన ఫలితం లేకుండా పోయిందని వాపోయారు. నీ కుటుంబానికి అన్నలా అండగా ఉంటానంటూ చెప్పుకొచ్చారు. "ఆత్మాభిమానం ఉండొచ్చు. ఆత్మ..హత్య చేసుకునేంతగా కాదు. నువ్వు బలవన్మరణానికి పాల్పడిన విచారకర సంఘటన సోషల్ మీడియా ద్వారా తెలుసుకున్న వెంటనే, నిన్ను బతికించుకునేందుకు చేయని ప్రయత్నం లేదు. సారీ శీను..నీకున్న కష్టమేంటో నాకు ఎప్పుడూ చెప్పలేదు. నీకు కలిగిన నష్టమేంటో ఏ రోజూ నాకు తెలియనివ్వలేదు. నువ్వు లేవు కానీ నీ కుటుంబానికి నేనున్నాను.. మీ అన్నగా ఆ కుటుంబానికి అండగా ఉంటూ నీ బాధ్యతల్ని నేను నెరవేరుస్తాను."

అన్నా.. అన్నా... అని పిలిచేవాడివి. ఎవరికి ఏ కష్టం వచ్చినా సహాయం చేయాలని మెసేజ్ చేసేవాడివి. నా పుట్టినరోజు, పెళ్లి రోజులను ఓ పండగలా జరిపేవాడివి. నీకు ఆపద వస్తే ఈ అన్నకి ఒక్క మెసేజ్ చేయాలనిపించలేదా? దిద్దలేని చాలా పెద్ద తప్పు చేశావు తమ్ముడు. ఐ మిస్ యూ.

ఆత్మాభిమానం ఉండొచ్చు.… pic.twitter.com/gpGa54kqMw

— Lokesh Nara (@naralokesh) December 1, 2024

శ్రీను లాంటి నిర్ణయాలు ఎవరూ తీసుకొవద్దని లోకేష్ విజ్ఞప్తి చేశారు. ఎలాంటి కష్టమైనా తెలిసిన వారితో పంచుకోవాలని సూచించారు. ఎంతటి సమస్యకైనా పరిష్కారం ఉంటుందని తెలిపారు. "తెలుగుదేశం పార్టీ కార్యకర్తలు, నా అభిమానులు, సోషల్ మీడియా యాక్టివిస్టులకు నా విన్నపం. అప్పులో, అనారోగ్యమో, ఆత్మాభిమానమో, కుటుంబ సమస్యలో ఏమైనా కానివ్వండి.. కుటుంబం, స్నేహితులు, బంధువులు, పార్టీలో హితులు.. ఎవరితోనైనా షేర్ చేసుకోండి. ప్రతి సమస్యకు ఒక పరిష్కారం ఉంటుంది. బతికి ఉందాం.. మరికొందరిని బతికించుకుందాం.. దయచేసి ఇటువంటి తప్పుడు నిర్ణయాలు ఎవ్వరూ తీసుకోవద్దు." అని సూచించారు.