Tirupati Elephant Attack: తిరుపతిలో ఏనుగు బీభత్సం.. ఇద్దరు మావటీలపై దాడి- ఒకరికి తీవ్ర గాయాలు
Elephant Attack: తిరుపతి శ్రీ పద్మావతి అమ్మవారి ఆలయంలో ఊంజలసేవకు వచ్చిన టీటీడీ ఏనుగు హఠాత్తుగా వాహన మండపం వద్ద ఉన్న ఇద్దరు మావటీలపై దాడికి దిగింది.

Tirupati Elephant Attack | తిరుపతి: శ్రీ పద్మావతి అమ్మవారి ఆలయం వద్ద తీవ్ర కలకలం రేగింది. నిత్యం అమ్మవారి ఊంజలసేవలో పాల్గొనే టీటీడీకి చెందిన ఏనుగు హఠాత్తుగా బీభత్సం సృష్టించింది. అలవాటు ప్రకారం రోజువారీ సేవ కోసం వాహన మండపం వద్దకు వచ్చిన ఏనుగు, అనూహ్యంగా అక్కడ ఉన్న ఇద్దరు మావటీలపై దాడి చేసి గాయపరిచింది.

ఈ దాడి సమయంలో ఒక మావటిని తన తొండంతో బలంగా కొట్టిన ఏనుగు, మరో మావటి చంద్రస్వామిపై మరింత విరుచుకుపడింది. ఆయనను తొండంతో పైకి ఎత్తి నేలకేసి కొట్టి, కాళ్ల కింద వేసి తొక్కింది. ఈ ఘటనలో మావటి తీవ్రంగా గాయపడ్డారు. పరిస్థితిని గమనించిన తోటి సిబ్బంది, వైద్య బృందం వెంటనే స్పందించి తీవ్రంగా గాయపడిన చంద్రస్వామిని అంబులెన్స్లో అత్యవసర చికిత్స నిమిత్తం తిరుపతిలోని స్విమ్స్ (SVIMS) ఆసుపత్రికి తరలించారు. ఈ ఘటనతో ఆలయ పరిసరాల్లో కొంతసేపు తీవ్ర భయాందోళన నెలకొంది.
ట్రెండింగ్ వార్తలు






















