Tirumala: శ్రీవారి ఆలయంలో భక్తుల నిరసన.. టీటీడీ అధికారులు డౌన్ డౌన్ అంటూ నినాదాలు.. ఏం జరిగిందంటే !

Devotees Protest at Tirupati Balaji Temple: కలియుగ ప్రత్యక్ష దైవం చిత్తూరు జిల్లాలోని తిరుమల (Tirumala) శ్రీ వేంకటేశ్వరుడిని వైకుంఠ ఏకాదశి రోజున దర్శించుకుంటే సకల పాపాలు తొలగుతాయని భక్తుల విశ్వసిస్తారు. అయితే కరోనా వ్యాప్తి కారణంగా తిరుమల తిరుపతి దేవస్థానం (Tirumala Tirupati Devasthanam) భక్తులను పరిమిత సంఖ్యలో దర్శనానికి అనుమతిస్తోంది. ఆన్లైన్ 300/- ప్రత్యేక ప్రవేశ దర్శనం, ఆన్‌లైన్‌లోనే సర్వదర్శనం టిక్కెట్లు, తిరుమల-తిరుపతి స్థానికులకు మాత్రం టీటీడీ అధికారులు శ్రీవారి దర్శన భాగ్యం కల్పించారు. 

శ్రీవారి వైకుంఠ ద్వార (ఉత్తర ద్వారం) దర్శనం చేసుకొనేందుకు ఎంతో భక్తి భావంతో వేల సంఖ్యలో భక్తులు తిరుమలకు చేరుకున్నారు. భక్తులకు ఎంతో మెరుగైన ఏర్పాట్లు చేశామని టీటీడీ అధికారులు ప్రకటించారు. కానీ గత ఏడాదితో పోల్చితే ఏర్పాట్లు అసలు బాగాలేదని భక్తులు అసహనం వ్యక్తం చేశారు. పరిమిత సంఖ్యలో భక్తులను అనుమతిస్తున్నామన్న టీటీడీ.. సామాన్య భక్తుల ఏర్పాట్లు గాల్లో వదిలేసి కేవలం వీఐపీల సేవలకు పరిమితం అయిందని భక్తులు వాపోతున్నారు. ఇక కొందరు భక్తులు టీటీడీ అధికారులపై తీవ్రంగా మండి‌ పడితున్నారు. మధ్యాహ్నం ఒంటి గంటకు కంపార్ట్మెంట్లో కూర్చో బెట్టి రాత్రి ఎనిమిది గంటలకు స్వామి వారి దర్శనానికి వదిలారని ఆవేదన వ్యక్తం చేశారు.

Koo App

శ్రీవారి వైకుంఠ ద్వార దర్శనం చేసుకొనేందుకు ఎంతో భక్తి భావంతో వేల సంఖ్యలో భక్తులు తిరుమలకు చేరుకున్నారు. భక్తులకు ఎంతో మెరుగైన ఏర్పాట్లు చేశామని టీటీడీ అధికారులు ప్రకటించారు. కానీ గత ఏడాదితో పోల్చితే ఏర్పాట్లు అసలు బాగాలేదని, వీఐపీల సేవలో టీటీడీ సిబ్బంది తరిస్తోందంటూ భక్తులు అసహనం వ్యక్తం చేశారు. #Tirumala #Tirupati...🌹🙏🌹 #VaikuntaEkadasi #TTD https://telugu.abplive.com/andhra-pradesh/tirupati/tirumala-devotees-protest-at-tirupati-balaji-temple-over-facilities-by-ttd-officials-18261

View attached media content

- Shankar (@guest_QJG52) 14 Jan 2022

తిరుమల శ్రీవారి దర్శనం చేసుకోకుండా అధికారుల తీరుతో బయటకు వెళ్తున్న భక్తులను టీటీడీ సిబ్బంది సర్ది చెప్పే పరిస్థితి గురువారం తలెత్తింది. భక్తులకు ఎలాగోలా సర్దిచెప్పి టీటీడీ సిబ్బంది వారిని స్వామి వారి దర్శనానికి పంపారు. అయితే శ్రీవారి దర్శనంతరం ఆలయం బయటకు వచ్చి భక్తులు ఒక్కసారిగా టీటీడీ డౌన్ డౌన్ అంటూ నినాదాలు చేస్తూ ఆందోళనకు దిగ్గారు. 

వెంటనే అప్రమత్తమైన విజిలెన్స్ సిబ్బంది శ్రీవారి భక్తులకు నచ్చజెప్పే ప్రయత్నం చేసినా భక్తులు వినిపించుకోక పోవడంతో‌ రంగంలోకి పోలీసులు రంగంలోకి దిగారు. తమ మాటను సైతం భక్తులు లెక్క చేయకపోవడంతో భక్తులతో దురుసుగా ప్రవర్తిస్తూ వారిని అక్కడి నుంచి పంపించే ప్రయత్నం చేశారు. టీటీడీ అధికారులు, పోలీసుల తీరుపై భక్తులు తీవ్ర అసహనం వ్యక్తం చేశారు. సామాన్య భక్తులకు పెద్ద పీట వేస్తామని చెప్పిన టీటీడీ.. వీఐపీలు, వీవీఐపీల సేవలో తరిస్తూ, సామాన్య భక్తుల పట్ల నిర్లక్ష్యం వహించారని భక్తులు ఆరోపించారు.

Also Read: Bhogi Wishes in Telugu: భోగ భాగ్యాల భోగి రోజు.. ఇలా శుభాకాంక్షలు చెప్పండి

Also Read: Gold-Silver Price: పసిడి ప్రియులకు షాక్! నేడు ఎగబాకిన పసిడి ధర.. అతి భారీగా పెరిగిన వెండి రేటు.. ఇవాళ ఇలా..

Also Read: Weather Updates: ఎల్లో అలర్ట్.. ఏపీ, తెలంగాణలో మరో రెండు రోజులు భారీ వర్షాలు.. కొన్ని జిల్లాల్లో వడగండ్ల వానలు

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి