Big Breaking: మేడ్చల్లో ఘోర రోడ్డు ప్రమాదం.. చిన్నారి సహా ముగ్గురు మృతి
ఆంధ్రప్రదేశ్, తెలంగాణ సహా దేశవ్యాప్తంగా సెప్టెంబర్ 11న జరిగే తాజా వార్తలు ఎప్పటికప్పుడు ఇక్కడ చూడొచ్చు. ఈ పేజీ అప్ డేట్ అవుతుంటుంది. బ్రేకింగ్ న్యూస్ కోసం ఈ పేజీని రీఫ్రెష్ చేస్తూ ఉండండి.
LIVE
Background
తెలంగాణ ఐటీ శాఖ పరిధిలోని ఎమర్జింగ్ టెక్నాలజీస్ వింగ్ ఆధ్వర్యంలో మెడిసిన్ ఫ్రం స్కై ప్రాజెక్టు ఇవాళ శ్రీకారం చుట్టునున్నారు. ప్రపంచ ఆర్థిక వేదిక, నీతి ఆయోగ్, హెల్త్నెట్ గ్లోబల్ వంటి ప్రతిష్ఠాత్మక సంస్థల సమన్వయంతో ఐటీశాఖ ఈ ప్రాజెక్టును నిర్వహిస్తోంది. ఈ సంస్థల భాగస్వామ్యంతో డ్రోన్ల ద్వారా అటవీ ప్రాంతాల్లో రోడ్డు మార్గాలు లేని ప్రాంతాల్లోని ప్రజలకు ఔషధాలు సరఫరా చేయనున్నారు. వికారాబాద్లో ఈ ప్రాజెక్టును నిర్వహించేందుకు కేంద్రం అనుమతులు ఇచ్చింది. మారుట్ డ్రోన్స్, బ్లూ డార్ట్, స్కై ఎయిర్, టెక్ ఈగిల్ సంస్థలు రెండ్రోజులుగా అవసరమైన ఏర్పాట్లు, ట్రయల్ రన్స్ చేశాయి. మొదటి రోజు ట్రయల్ రన్లో 400 మీటర్ల ఎత్తు వరకు ఔషధాల బాక్సును డ్రోన్లు తీసుకెళ్లాయి.
తిరుమలకు చేరుకున్న ఏపీ చీఫ్ జస్టిస్ అరూప్ కుమార్ గోస్వామి దంపతులు
ఆంధ్రప్రదేశ్ హైకోర్టు ప్రధాన న్యాయమూర్తి జస్టిస్ అరూప్ కుమార్ గోస్వామి శ్రీవారి దర్శనార్థం తిరుమలకు చేరుకున్నారు. పద్మావతి అతిథి గృహానికి చేరుకున్న జస్టిస్ అరూప్ కుమార్ గోస్వామి దంపతులకు టీటీడీ అదనపు ఈవో ఏవీ ధర్మారెడ్డి, చిత్తూరు కలెక్టర్ హరి నారాయణ్, ఎస్పీ వెంకట అప్పల నాయుడులు ఘన స్వాగతం పలికారు. నేటి రాత్రి అక్కడే బస చేసి రేపు ఉదయం నైవేద్య విరామ సమయంలో స్వామి వారి సేవలో పాల్గొననున్నారు.
మేడ్చల్లో రోడ్డు ప్రమాదం
మేడ్చల్లో జాతీయ రహదారిపై రోడ్డు ప్రమాదం చోటు చేసుకుంది. కారు అదుపు తప్పి డివైడర్‌పై నుంచి దూసుకెళ్లింది. ఎదురుగా వస్తున్న బైక్‌ను, ఆటోను ఢీ కొట్టింది. అంతేకాక, బైక్‌ను ఈడ్చుకుంటూ తీసుకెళ్లి ఓ లారీ కిందకు దూసుకెళ్లి ఆగింది. ఈ ప్రమాదంలో ఒక చిన్నారితో సహా ముగ్గురు వ్యక్తులు అక్కడికక్కడే చనిపోయారు. మరో ముగ్గురికి తీవ్ర గాయాలయ్యాయి. ఈ ఘటనకు సంబంధించి సమాచారం అందుకున్న పోలీసులు క్షతగాత్రులను సమీప ఆసుపత్రికి తరలించారు.
తెలంగాణలో 296 కరోనా కేసులు
తెలంగాణలో కొత్తగా 296 కరోనా కేసులను గుర్తించారు. దీంతో మొత్తం కేసుల సంఖ్య 6,61,302 కు చేరింది. 322 మంది శుక్రవారం నాడు కోలుకున్నారు. ఒకరు కరోనా వల్ల చనిపోగా మొత్తం మరణాల సంఖ్య 3,893 కు చేరింది. ఐసోలేషన్‌లో చికిత్స పొందుతున్న వారు 5,324 మంది ఉన్నారు.
గుజరాత్ సీఎం రాజీనామా
గుజరాత్ ముఖ్యమంత్రి విజయ్ రూపానీ తన పదవికి రాజీనామా చేశారు. తనకు ఈ అవకాశం ఇచ్చిన బీజేపీ అధిష్ఠానానికి ఆయన ధన్యవాదాలు తెలిపారు. తన రాజీనామా లేఖను గవర్నర్‌కు పంపారు. 2016 నుంచి విజయ్ రూపానీ గుజరాత్ సీఎంగా ఉన్నారు.
Gujarat Chief Minister Vijay Rupani resigns pic.twitter.com/J8hl8GCHui
— ANI (@ANI) September 11, 2021
సంపులో పడి రెండేళ్ల చిన్నారి మృతి
హైదరాబాద్ హయత్ నగర్ పోలీసు స్టేషన్ పరిధిలోని సుధీర్ కుమార్ కాలనిలో విషాద ఘటన చోటుచేసుకుంది. 2 సంవత్సరాల చిన్నారి నిత్య నీళ్ల సంపులో పడి మృతిచెందింది. సంపులో పడిన గంట తరువాత పాపని గుర్తించారు. సంతోషి, రాజు దంపతులకు నిత్య మూడో సంతానం.
టాప్ హెడ్ లైన్స్
ట్రెండింగ్ వార్తలు
and tablets
