Hyderabad Vijayawada Road: హైదరాబాద్ - విజయవాడ రహదారి విస్తరణ వివాదం, ఆ తీర్పు వచ్చాకే 6 వరుసలపై నిర్ణయం
Hyderabad Vijayawada Road: హైదరాబాద్ - విజయవాడ రహదారి విస్తరణ వివాదం ఇంకా కొనసాగుతోంది. ఆర్బిట్రేషన్ తీర్పు వచ్చాకే ఆరు వరుసలపై నిర్ణయం తీసుకుంటామని
Hyderabad Vijayawada Road: హైదరాబాద్- విజయవాడ రహదారి (ఎన్హెచ్ 65)పై 181 కిలోమీటర్ల మార్గాన్ని ఆరు వరుసలుగా విస్తరించాల్సిన అవసరం లేదని జాతీయ రహదారుల అభివృద్ధి సంస్థ వెల్లడించింది. 40వ కిలో మీటరు నుంచి 221 కిలో మీటరు వరకు మొత్తం 181 కిలోమీటర్ల మార్గాన్ని 6 వరుసలుగా విస్తరించాలన్న నిర్ణయాన్ని వ్యతిరేకిస్తూ జీఎంఆర్ హెచ్వీపీఎల్ (జీఎంఆర్ హైదరాబాద్ - విజయవాడ ఎక్స్ప్రెస్ వే ప్రైవేట్ లిమిటెడ్) ఆర్బిట్రేషన్ వెళ్లిందని, దానిపై తుది నిర్ణయం వెలువడిన తర్వాతే తదుపరి కార్యాచరణ ఉంటుందని ఎన్హెచ్ఏఐ స్పష్టం చేసింది. విభజన చట్టం కింద పదేళ్లలోపు ఏపీ - తెలంగాణల మధ్య రోడ్లను మెరుగు పరిచేందుకు ఏమేం చర్యలు తీసుకున్నారో చెప్పాలంటూ దాఖలైన ఆర్టీఐ పై ఈ మేరకు సమాధానం ఇచ్చింది.
40 నుంచి 221 కిలో మీటర్ల వరకు ఆరు వరసల నిర్మాణం
ఈ ఆర్టీఐ ని సమాచార హక్కు కార్యకర్త ఇనగంటి రవి కుమార్ దాఖలు చేశారు. జాతీయ రహదారి - 65 (హైదరాబాద్ - విజయవాడ) దారిలోని 40 నుంచి 221 కిలో మీటరు వరకు 6 వరుసల నిర్మాణం చేపట్టాలని కన్సెషన్ అగ్రిమెంట్ లో ఉంది. ఒప్పందం ప్రకారం 2022 ఏప్రిల్ లో పనులు మొదలు పెట్టి 2024 ఏప్రిల్ నాటికల్లా పనులు పూర్తి చేయాలి. అయితే ఒప్పందం ప్రాకరం 4 వరుసల రహదారి అయితే రోజుకు 60 వేల ప్యాసింజర్ కార్ యూనిట్లు, 6 వరుసలు అయితే 90 వేల ప్యాసింజర్ కార్ యూనిట్లు రాకపోకలు సాగించేలా రహదారిని అభివృద్ధి చేయాలని ఉంది.
ఆరు వరుసలుగా విస్తరించాల్సిన అవసరం లేదు
అయితే ఈ దారిలో ప్రస్తుతం అంత ట్రాఫిక్ లేదని, 2029 నాటికి మొత్తం మార్గంలో ట్రాఫిక్ 60 వేల ప్యాసింజర్ కార్ యూనిట్లకు చేరుతుందని కే అండ్ కే ప్రాజెక్ట్ ప్రైవేట్ లిమిటెడ్ నివేదిక ఇచ్చింది. అందువల్ల ఈ మార్గంలో ప్రస్తుతం 6 వరుసల రహదారి అవసరం లేదని జాతీయ రహదారుల సంస్థ భావిస్తే ఒప్పంద సమయాన్ని మార్చవచ్చనచి ఒప్పందంలో ఉంది. ఈ కన్సెషన్ అగ్రిమెంట్ ప్రకారం.. ప్రస్తుతం ఈ మార్గాన్ని 6 వరుసలుగా విస్తరించాల్సిన అవసరం లేదని ఎన్హెచ్ఏఐ చెప్పుకొచ్చింది. అయితే దీనికి వ్యతిరేకంగా ఒప్పంద సంస్థ జీఎంఆర్ హైదరాబాద్ - విజయవాడ ఎక్స్ప్రెస్ వే ప్రైవేట్ లిమిటెడ్ ఆర్బిట్రేషన్ కు వెళ్లింది. ప్రస్తుతం ఈ 6 వరుసల విస్తరణ అంశంపై నిర్ణయం రావాల్సి ఉందని జాతీయ రహదారుల అభివృద్ధి సంస్థ తెలిపింది. ఈ అంశంపై ఆర్బిట్రేషన్ వెలువరించే తీర్పును బట్టి దీనిపై తదుపరి నిర్ణయం తీసుకుంటామని స్పష్టం చేసింది. ఎన్హెచ్-65 లో మొదటి 14 కిలో మీటర్ల వరకు 6/8 వరుసల రహదారి ఇప్పటికే ఉంది. 14 నుంచి 40వ కిలోమీటరు వరకు రూ. 543 కోట్లతో 6 వరుసల నిర్మాణం జరుగుతోంది. ఈ పనులు 2024 అక్టోబర్ నాటికి పూర్తి అవుతాయని ఎన్హెచ్ఏఐ వెల్లడించింది.
మూడేళ్లలోనే 46 బ్లాక్ స్పాట్లు గుర్తింపు
ఎన్హెచ్-65లో 2015-18 మధ్యకాలంలో 46 బ్లాక్ స్పాట్లు గుర్తించారు అధికారులు. స్వల్ప కాల చర్యల కింద వీటి వద్ద కాలిబాట మార్కింగ్, సంకేత బోర్డులు, సోలార్ బ్లింకర్లు, రంబుల్ స్ట్రిప్స్ ఏర్పాటు చేసినట్లు జాతీయ రహదారుల అభివృద్ధి సంస్థ పేర్కొంది.
టాప్ హెడ్ లైన్స్
ట్రెండింగ్ వార్తలు
