News
News
X

Nellore Collectorate: నెల్లూరు కలెక్టరేట్ లో మహిళ ఆత్మహత్యాయత్నం కలకలం

నెల్లూరు కలెక్టరేట్ లో మహిళ ఆత్మహత్యాయత్నం కలకలం రేపింది. నెల్లూరు రూరల్ నియోజకవర్గ పరిధిలోని 29వ డివిజన్ చాణక్యపురికి చెందిన మస్తానమ్మ అనే మహిళ ఆత్మహత్యాయత్నం చేసింది.

FOLLOW US: 
Share:

నెల్లూరు కలెక్టరేట్ లో మహిళ ఆత్మహత్యాయత్నం కలకలం రేపింది. నెల్లూరు రూరల్ నియోజకవర్గ పరిధిలోని 29వ డివిజన్ చాణక్యపురికి చెందిన మస్తానమ్మ అనే మహిళ ఆత్మహత్యాయత్నం చేసింది. స్థానికులు, కలెక్టరేట్ కి స్పందన కార్యక్రమం కోసం వచ్చినవారు ఈ ప్రయత్నాన్ని అడ్డుకున్నారు. పోలీసులు వారిని అదుపులోకి తీసుకున్నారు.

కారణం ఏంటి..?

29వ డివిజన్ కార్పొరేటర్ సత్తార్ తమ స్థలాన్ని కబ్జా చేశారంటూ బాధితురాలు ఆరోపిస్తున్నారు. నెల్లూరు రూరల్ 29వ డివిజన్లో వైయస్సార్ కాంగ్రెస్ పార్టీ నేతలు ఆగడాలు పెచ్చు మీరుతున్నాయని ఆమె చెబుతున్నారు. తన స్థలం కోసం ఆత్మహత్యాయత్నం చేసుకోవాల్సిన పరిస్థితి ఏర్పడిందని అంటున్నారు. బాధితురాలు, ఆమె కుటుంబ సభ్యులు, చిన్నారులతో కలసి కలెక్టరేట్ కి వచ్చారు. కలెక్టరేట్ కి వచ్చి ప్లకార్డులు ప్రదర్శించారు. స్పందన కార్యక్రమంలో కలెక్టర్ కి అర్జీ ఇచ్చారు. ఆ తర్వాత బయటకొచ్చి మీడియాతో మాట్లాడారు. చివరకు ఆత్మహత్యాప్రయత్నం చేశారు. పురుగుల మందు తాగేందుకు ప్రయత్నించడంతో పక్కన ఉన్నవారు అడ్డుకున్నారు.

టీడీపీ నాయకుల పరామర్శ..

బాధిత మహిళను టీడీపీ నాయకులు పరామర్శించారు. ఆమెకు అండగా ఉంటామన్నారు. రైల్వే స్టేషన్లో బ్యాగులు పోయినట్టు, నెల్లూరు రూరల్ లో స్థిరాస్తులు గల్లంతవుతున్నాయని అన్నారు టీడీపీ నెల్లూరు పార్లమెంట్ అధ్యక్షుడు అబ్దుల్ అజీజ్. నెల్లూరు రూరల్ లో పంచభూతాలు దోచుకున్నది చాలాదన్నట్లు, పేదల రక్తం కూడా తాగుతున్నారని మండిపడ్డారు. వైసీపీ కార్పొరేటర్ సత్తార్ తమకు చెందిన స్థలాన్ని అమ్మేసినట్లు బాధితులు ఆరోపిస్తున్నారని, అధికారం శాశ్వతం అనుకొని వారు ఒళ్ళు తెలియకుండా ప్రవర్తిస్తున్నారని విమర్శించారు టీడీపీ నేతలు.

చివరకు పోలీసులు కూడా ఆమెకు న్యాయం చేయలేకపోయారని, అందుకే బాధిత మహిళ ఆత్మహత్యకు సిద్ధమైందని అంటున్నారు టీడీపీ నేతలు. మస్తానమ్మకు న్యాయం జరగకపోతే పోరాటం తీవ్రతరం చేస్తామని హెచ్చరించారు టీడీపీ నేతలు.

బాధితురాలు ఆత్మహత్యాయత్నం చేసిందన్న విషయం తెలుసుకున్న టీడీపీ నేతలు వెంటనే కలెక్టరేట్ కి వచ్చారు. వారందరూ ఆమెకు అండగా నిలబడి, డీఆర్వో వద్దకు ఆమెను తీసుకెళ్లారు. సమస్యను వెంటనే పరిష్కరించాలని కోరారు. బాధితురాలు 17 సంవత్సరాల క్రితం ఆ స్థలాన్ని కొనుగోలు చేశారని, స్థలం వారిదేనంటూ తహశీల్దార్ కూడా సర్టిఫికెట్ ఇచ్చారని,  అందులో కొంత భాగం ఆక్రమణకు గురైందని అన్నారు. బాధిత మహిళ 2019 నుంచి ముఖ్యమంత్రి కార్యాలయానికి 15 సార్లు తిరిగారని, నెల్లూరు జిల్లా కలెక్టర్ కార్యాలయానికి 15 సార్లు తిరిగారని, అన్నిటికీ రశీదులు ఉన్నాయని తెలిపారు టీడీపీ నేతలు. ఎవరూ న్యాయం చేయకపోవడంతో బాధిత మహిళ తమ బిడ్డలతో కలసి ఎండ్రిన్ తాగి చనిపోవాలనుకుందని, దీనికి అధికార పార్టీ నేతలే కారణం అని ఆరోపించారు.

నెల్లూరు కలెక్టరేట్ వద్ద జరిగిన ఆత్మహత్యాయత్నం కలకలం రేపింది. అయితే బాధిత మహిళ విషయంలో తమ తప్పేమీ లేదంటున్నారు వైసీపీ నేతలు. టీడీపీ ఆరోపణలను కూడా వారు కొట్టిపారేశారు. ఆస్తులను ఆక్రమించుకున్నారంటూ చేసిన ఆరోపణలు అవాస్తవం అన్నారు. బాధితురాలు మాత్రం తమకు న్యాయం చేయాలని వేడుకుంటోంది. 

Published at : 28 Nov 2022 10:58 PM (IST) Tags: Nellore Update Nellore Crime Nellore collectorate nellore politics nellore abp news Nellore News

సంబంధిత కథనాలు

రసవత్తరంగా నెల్లూరు రాజకీయం- కోటం రెడ్డి స్థానంలో ఆదాల ప్రభాకర్ రెడ్డి!

రసవత్తరంగా నెల్లూరు రాజకీయం- కోటం రెడ్డి స్థానంలో ఆదాల ప్రభాకర్ రెడ్డి!

Nellore News : ఇద్దరు రెడ్లు పోతే మరో 10 మంది వస్తారు- ఆనం, కోటంరెడ్డిపై విజయ్ కుమార్ రెడ్డి ఫైర్

Nellore News : ఇద్దరు రెడ్లు పోతే మరో 10 మంది వస్తారు- ఆనం, కోటంరెడ్డిపై విజయ్ కుమార్ రెడ్డి ఫైర్

Mekapati Chandrashekar Reddy : నెల్లూరులో మరో వైసీపీ ఎమ్మెల్యే అసంతృప్తి స్వరం, నియోజకవర్గ పరిశీలకుడిపై ఆగ్రహం

Mekapati Chandrashekar Reddy : నెల్లూరులో మరో వైసీపీ ఎమ్మెల్యే అసంతృప్తి స్వరం, నియోజకవర్గ పరిశీలకుడిపై ఆగ్రహం

Kotamreddy Tapping Issue : ట్యాపింగ్ చేసి ఆడియో క్లిప్ పంపారు - ఆధారాలు వెల్లడించిన వైఎస్ఆర్‌సీపీ ఎమ్మెల్యే కోటంరెడ్డి !

Kotamreddy Tapping Issue : ట్యాపింగ్ చేసి ఆడియో క్లిప్ పంపారు - ఆధారాలు వెల్లడించిన వైఎస్ఆర్‌సీపీ ఎమ్మెల్యే కోటంరెడ్డి !

విశాఖలో సీఎం జగన్ నివాసం అక్కడేనా ?

విశాఖలో సీఎం జగన్  నివాసం అక్కడేనా ?

టాప్ స్టోరీస్

Hyderabad Traffic: బడ్జెట్ సమావేశాల ఎఫెక్ట్ - అసెంబ్లీ పరిధిలో ట్రాఫిక్ మళ్లింపులు

Hyderabad Traffic: బడ్జెట్ సమావేశాల ఎఫెక్ట్ - అసెంబ్లీ పరిధిలో ట్రాఫిక్ మళ్లింపులు

Vande Bharat Metro: త్వరలోనే వందేభారత్ మెట్రో రైళ్లు,కీలక నగరాల్లో సర్వీస్‌లు - రైల్వే మంత్రి ప్రకటన

Vande Bharat Metro: త్వరలోనే వందేభారత్ మెట్రో రైళ్లు,కీలక నగరాల్లో సర్వీస్‌లు - రైల్వే మంత్రి ప్రకటన

Project K Movie: ‘బాహుబలి’ బాటలో ‘ప్రాజెక్ట్-K’, రెండు పార్టులుగా విడుదల కాబోతోందా?

Project K Movie: ‘బాహుబలి’ బాటలో ‘ప్రాజెక్ట్-K’, రెండు పార్టులుగా విడుదల కాబోతోందా?

‘దసరా’ సినిమా నిర్మాతకు ఊహించని నష్టాలు?

‘దసరా’ సినిమా నిర్మాతకు ఊహించని నష్టాలు?