MLA Kethireddy: మా కుటుంబం మొత్తం మీకు చాకిరి చేయడానికే, మాకు వేరే పనే లేదు: ఎమ్మెల్యే కేతిరెడ్డి

MLA Kethireddy: ప్రజలకు చాకిరీ చేయడం తప్ప తమ కుటుంబానికి వేరే పని లేదంటూ ఎమ్మెల్యే కేతిరెడ్డి చేసిన కామెంట్లు నెట్టింట వైరల్ గా మారాయి. 

"మా కుటుంబం మొత్తం మీకు చాకిరి చేయడానికే, మాకు వేరే పనే లేదు" 

Source : MLA Kethireddy Facebook

MLA Kethireddy: ఉదయం 6.30 గంటల నుంచి 9.30 గంటల వరకు తాను, ఆ తర్వాత మధ్యాహ్నం 1.30 గంటల వరకు తన భార్య, మధ్యాహ్నం 2 గంటల నుంచి 4 గంటల వరకు తన తమ్ముడు ప్రజల్లో తిరుతున్నామని ధర్మవరం ఎమ్మెల్యే కేతిరెడ్డి వెంకటరామిరెడ్డి అన్నారు. ఈ క్రమంలోనే తమ కుటుంబం అంతా ప్రజలకు చాకిరీ చేయడం తప్ప.. తమ పనులు చేసుకునే అవకాశమే లేదని అన్నారు. ప్రస్తుతం ఆయన చేసిన ఈ కామెంట్లు నెట్టింట వైరల్ గా మారాయి. ఎమ్మెల్యే మాట్లాడిన ఈ వీడియోపై పలువురు ఆగ్రహం వ్యక్తం చేస్తున్నారు. 

ధర్మవరం పట్టమంలోని బాలుర ఉన్నత పాఠశాల క్రీడా మైదానంలో మెప్మా ఆధ్వర్యంలో వైఎస్ఆర్ ఆసరా మెగా చెక్కుల పంపిణీ కార్యక్రమానికి వైసీపీ ఎమ్మెల్యే కేతిరెడ్డి హాజరయ్యారు. ఈ సందర్భంగా ఆయన మాట్లాడుతా పైవిధంగా స్పందించారు. ప్రజల కోసం రోజంతా తిరుగుతున్నా కొందరు తన మీద పడి ఏడస్తున్నారని, ఎమ్మెల్యే అది చేస్తున్నాడు, ఇది చేస్తున్నాడు అంటూ మాట్లాడుతున్నారని వాపోయారు. ఈ సందర్భంగా టీడీపీ జాతీయ ప్రధాన కార్యదర్శి నారా లోకేష్, ధర్మవరం నియోజక వర్గ ఇంఛార్జీ పరిటాల శ్రీరామ్ పై అనుచిత వ్యాఖ్యలు చేశారు. ఇటీవల జరిగిన సమావేశంలో అధికార పార్టీ ఎమ్మెల్యే కేతిరెడ్డి చేసిన వ్యాఖ్యలు శనివారం వైరల్ గా మారాయి. 

"పొద్దున్న ఆరున్నర నుంచి తొమ్మిదిన్నర వరకు నేను తిరుగుతుంటే తొమ్మిదిన్నర నుంచి మధ్యాహ్నం ఒంటి గంట వరకు నా భార్య తిరుగుతాది. మధ్యాహ్నం రెండు గంటల నుంచి సాయంత్రం నాలుగు గంటల వరకు నా తమ్ముడు తిరుగుతాడు. మొత్తం కొంపతో అంతా మీకు చాకిరీ చేయడానికే తప్ప మరేం చేయడానికి లేకుండా పోతాంది. ఇది చేసినా గానీ మా మీద ఏడుపే." - ఎమ్మెల్యే కేతిరెడ్డి