Viral News: డబ్బులు వసూలు చేసి, నాపై చెబుతావా.. ఆఫీస్ బాయ్ని చెప్పుతో కొట్టిన ఎక్సైజ్ సీఐ
Andhra Pradesh News | తన పేరు అడ్డం పెట్టుకుని అక్రమంగా వసూళ్లు చేసిన విషయం తెలియగానే ఎక్సైజ్ సీఐ ఆగ్రహం వ్యక్తం చేశారు. ఏకంగా చెప్పుతో ఆఫీస్ బాయ్పై ఆమె దాడి చేసిన వీడియో వైరల్ అవుతోంది.
అనంతపురం: 'మద్యం అక్రమంగా విక్రయిస్తున్న వారి నుంచి నీవు డబ్బులు వసూలు చేసుకొని నా పై చెబుతావా.. నా మీద లేనిపోని ఆరోపణలు చేస్తావా' అంటూ కళ్యాణదుర్గం ఎక్సైజ్ సీఐ హసీనాభాను ఆఫీస్ బాయ్ను చెప్పుతో కొట్టారు. ఈ వీడియో శుక్రవారం ఆలస్యంగా వెలుగులోకి వచ్చింది. ఎక్సైజ్ కార్యాలయం పరిధిలో మద్యం అక్రమంగా విక్ర యిస్తున్న వారి నుంచి ఆ సీఐ ప్రతి నెలా డబ్బులు వసూలు చేస్తున్నట్లు ఆరోపణలు ఉన్నాయి.
ఇదే విషయంపై ఆఫీస్ బాయ్ నాని ఎక్సైజ్ ఉద్యోగుల సంఘానికి ఫిర్యాదు చేసినట్లు తెలిసింది. ఆ శాఖ ఉద్యోగుల సంఘం నాయకులు ఇటీవల ఆమెతో మాట్లాడేందుకు వచ్చారు. అదే సమయంలో ఆఫీస్ బాయ్ ను సీఐ హసీనాబాను పిలిపించి దురుసుగా ప్రవర్తించడమే కాకుండా వారి ఎదుటే చెప్పుతో కొట్టారు. అతడు వద్దని వారిస్తున్నా వినిపించుకోకుండా పలుమార్లు ఆఫీస్ బాయ్పై చెప్పుతో దాడి చేశారు. ఆమె అక్రమాలపై ఓ ఉన్నతాధికారిణి విచారణ చేసినా ఎలాంటి ప్రయోజనం లేదని ఆ శాఖ సంఘం నాయకులు ఆవేదన వ్యక్తం చేశారు.
టాప్ హెడ్ లైన్స్
ట్రెండింగ్ వార్తలు
