![ABP Premium](https://cdn.abplive.com/imagebank/Premium-ad-Icon.png)
Pawan Kalyan: ఆ పదవిపై జనసేనాని పవన్ కల్యాణ్ ఆసక్తి - ఆ వార్తల్లో నిజమెంత?
AndhraPradesh News: జనసేనాని పవన్ కల్యాణ్ ఏపీ మంత్రివర్గంలో చేరేందుకు సుముఖంగా ఉన్నారని ఆయన వెల్లడించినట్లు ఓ జాతీయా మీడియా పేర్కొంది. డిప్యూటీ సీఎం పదవి తీసుకునేందుకు సంసిద్ధత వ్యక్తం చేశారని పేర్కొంది.
![Pawan Kalyan: ఆ పదవిపై జనసేనాని పవన్ కల్యాణ్ ఆసక్తి - ఆ వార్తల్లో నిజమెంత? janasena chief pawan kalyan clarity on deputy cm post in allinace government Pawan Kalyan: ఆ పదవిపై జనసేనాని పవన్ కల్యాణ్ ఆసక్తి - ఆ వార్తల్లో నిజమెంత?](https://feeds.abplive.com/onecms/images/uploaded-images/2024/06/10/e963804d735296c80e683e787149bbec1718001176939876_original.jpg?impolicy=abp_cdn&imwidth=1200&height=675)
Janasena Chief Pawan Kalyan Clarity On Deputy Cm Post: ఏపీలో కూటమి 164 అసెంబ్లీ స్థానాల్లో చారిత్రాత్మక విజయం సాధించిన సంగతి తెలిసిందే. ఈ నెల 12న టీడీపీ అధినేత చంద్రబాబు (Chandrababu) సీఎంగా ప్రమాణస్వీకారం చేయనున్నారు. ఆయనతో పాటు కొందరు మంత్రులుగా ప్రమాణ స్వీకారం చేసే ఛాన్స్ ఉంది. అనంతరం మంత్రులకు కేటాయించే శాఖలపైనా ఆయన ఫోకస్ చేయనున్నారు. ప్రమాణస్వీకారానికి ముందే దీనిపై ఓ నిర్ణయానికి రావాలని ఆయన అనుకుంటున్నట్లు తెలుస్తోంది. కాగా, కూటమిలో భాగంగా జనసేన పోటీల చేసిన 21 అసెంబ్లీ స్థానాల్లోనూ ఘన విజయం సాధించింది. ఈ క్రమంలో మంత్రివర్గంలోకి పవన్ వెళ్తారా.? లేక ఆ పార్టీ ఎమ్మెల్యేలకు అవకాశం ఇస్తారా.? అనేది ఆసక్తికరంగా మారింది.
ఆ పదవిపై ఆసక్తి.?
అయితే, జనసేనాని పవన్ కల్యాణ్ (Pawan Kalyan) మంత్రి వర్గంలోకి వెళ్లేందుకు సంసిద్ధత వ్యక్తం చేస్తున్నారని.. ఆయన ఏపీ ఉప ముఖ్యమంత్రి పదవి తీసుకునేందుకు సముఖంగా ఉన్నారని ఓ జాతీయ మీడియా ఛానల్ ఆదివారం వెల్లడించింది. ప్రధాని మోదీ, కేంద్ర మంత్రుల ప్రమాణ స్వీకారానికి.. పవన్, ఆయన భార్య అనా లెజీనోవా హాజరయ్యారు. ఈ సందర్భంగా ఓ జాతీయ మీడియా ఛానల్తో ఆయన మాట్లాడారు. ఈ సందర్భంగా రిపోర్టర్ అడిగిన ప్రశ్నలకు ఆయన సమాధానం ఇచ్చారు. అయితే, ఆయన ఇచ్చిన సమాధానాలు అస్పష్టత ఉన్నప్పటికీ.. పవన్ కల్యాణ్ ఏపీ ప్రభుత్వంలో చేరేందుకు సుముఖంగా ఉన్నారని సదరు మీడియా ఛానెల్ వెల్లడించింది. దీనిపై ఆ ఛానల్లోనూ ప్రసారం చేశారు. ఆయన ఉప ముఖ్యమంత్రి పదవి ఆశిస్తున్నట్లు వెల్లడించారని స్క్రోలింగ్లో పేర్కొన్నారు. కాగా, దీనిపై జనసేన పార్టీ వర్గాల నుంచి ఎలాంటి అధికారిక సమాచారం లేదు.
టాప్ హెడ్ లైన్స్
ట్రెండింగ్ వార్తలు
![ABP Premium](https://cdn.abplive.com/imagebank/metaverse-mid.png)