Kiran Kumar Reddy: ఎక్కడ పని చేయమంటే అక్కడ రెడీ, జగన్ గురించి తర్వాత మాట్లాడతా - మాజీ సీఎం
కిరణ్ కుమార్ రెడ్డి మాట్లాడుతూ.. జాతీయ నాయకత్వం ఎక్కడ పనిచేయమంటే అక్కడ పనిచేస్తానని తెలిపారు.
బీజేపీ అధిష్ఠానం ఎక్కడి నుంచి పని చేయమంటే తాను అక్కడి నుంచి పని చేస్తానని, అవసరమైతే తెలంగాణలో కూడా పని చేస్తానని ఉమ్మడి ఆంధ్రప్రదేశ్ మాజీ ముఖ్యమంత్రి కిరణ్ కుమార్ రెడ్డి అన్నారు. సమయం, సందర్భం వచ్చినప్పుడు జగన్ పాలనపై స్పందిస్తానని కిరణ్ కుమార్ రెడ్డి అన్నారు. బుధవారం (మే 31) హైదరాబాద్‌లో కిరణ్ కుమార్ రెడ్డి ఇంట్లో ఏపీ బీజేపీ నేతలు సమావేశం అయ్యారు. బీజేపీ ఏపీ అధ్యక్షుడు సోము వీర్రాజు కూడా ఈ సమావేశంలో పాల్గొన్నారు. కిరణ్‌తో దాదాపు మూడున్నర గంటల పాటు ఏపీ బీజేపీ నేతల సమావేశం కొనసాగింది.
అనంతరం కిరణ్ కుమార్ రెడ్డి మాట్లాడుతూ.. జాతీయ నాయకత్వం ఎక్కడ పనిచేయమంటే అక్కడ పనిచేస్తానని తెలిపారు. ఏపీలో బీజేపీ బలోపేతం కోసం ఏవిధంగా ముందుకు వెళ్ళాలనే అంశంపై అందరం కలిసి చర్చించామని చెప్పారు. తనకు ఉన్న అనుభవంతో పార్టీ బలోపేతం కోసం కృషి చేస్తానని అన్నారు. బీజేపీలో చేరాక నెల రోజులు పాటు అమెరికా వెళ్ళానని, ఇకపై పార్టీ కార్యక్రమాల్లో చురుగ్గా పాల్గొంటానని చెప్పారు.
టాప్ హెడ్ లైన్స్
ట్రెండింగ్ వార్తలు
